امي كل شويه تعايرني ان مش بيجيلي عرسان
ومش بتخطب زي البنات جيرانا و اصحابي مع اني علي قدر من الجمال ومش وحشه خالص بس مش بيجيلي حد غير قليل وبيكونو مش مناسبين وهي بتعايرني تقولي بنت عمتك اصغر منك ب خمس سنين اتخطبت و التانيه بقا معاها عيل دلوقتي وهي قدك وبتقولي كلام صعب اوي اقسم بالله ان حد يستحملو بس هم بيخرجو وبيروحو ويجو لاكن انا مش بخرج من البيت نظرا ل ظروفنا و ان معنديش هدوم اخرج بيها واقل طقم جبته من سنه تقريبا و بقي قديم جدا و متبهدل ف انا مش زي البنات اللي بيلبسو ويتشيكو ويخرجو هنا وهنا ويروحو مناسبات و افراح وانا ب لبسي دا بتكسف اخرج من باب البيت اصلا وهي مش مقدره كدا ومش مقدره قعادي ف البيت اللي مش مخلي الناس تشوفني ولا مقدره ان شكل هدومي بقا لا يطاق ل بنت انها تلبسه زهقت من حياتي وزهقت من كلامها ليا ومن الظروف اللي جبراني دايما احس اني اقل من غيري و مشيلاني الهم وانا لسا صغيره اكيد نفسي شكلي يبقا مرتب زي البنات واخرج هنا وهنا و اعيش حياتي قبل م العمر يسرقني مكنش لازم اشيل هم اكبر مني ف سني دا وابقا بشتغل علشان اعرف اجيب لنفسي حاجه و ف الاخر فلوس الشغل تتصرف ف البيت ودي حاجه من حقي ان يتصرف عليا بس انا مش زعلانه اني بساعدهم دا كله ف ميزان حسناتي بس زعلانه اني بتهان ب كلام و بحاجه مش ب ايدي