اسافر أدرس في السعودية ولا اوروبا ( رومانيا ) ؟
أنا الفترة اللي فاتت كنت بدور علي منح دراسة بكالوريوس و اتوفقت في كذا منحة و كان احسنهم :
1- السعودية - جامعة الملك خالد تخصص ادارة أعمال
2- رومانيا - Alexandru Ioan Cuza - communication sciences
الاتنين منح حكومية و دعم كامل و السعودية بتوفر دعم نسبيا أكبر شوية من رومانيا
مدة الدراسة في الاتنين 4 سنين ولكن في رومانيا هاخد اول سنة اتعلم لغة و ده تبع المنحة . و معنديش مشكلة في اني اتعلم لغة جديدة بس جايز عندي تخوفات و هي عادي امان
و بالنسبة للتخصص انا بردو الاتنين تمام و حابب التخصصين
أنا حقيقي محتار بين الاتنين ، سافرت السعودية قبل كده و من تجربتي كانت جميلة و اتعاملت احسن معاملة و هي متطورة بكتير عن اوروبا - مفيش بروقراطية ولا تاخيرات
لكن طبعا حياة اوروبا هي اللي عجباني ،كل حاجة واضحة و ليها مسار مفيش عنصرية ( رغم اني مشوفتهاش من تجربتي في السعودية ولكنها موجودة) و فرص التنوع في اوروبا عاجبني جدا جدا اني اتعامل مع ثقافات مختلفة و الانفتاح و فكر مختلف عكس السعودية التحفظات مش مريحة بالنسبالي.
في رومانيا مسموح ليا ك طالب اني اشتغل و انا لازم اشتغل لان المنحة بتوفر راتب يدوب الاساسيات عكس السعودية الراتب أفضل
لما عملت ليست بالمزايا و العيوب رومانيا ممكن تكسب علي ورق بس اعتقد انا متعلق بالسعودية ك مشاعر .
انا بالفعل عملت مقابلة سفارة رومانيا و في الحقيقة كانت تجربة مش لطيفة كانو بيتعاملو بشكل مش ادمي ابدا و ديه حاجة كتير قلقتني و خلتني افكر تاني في رومانيا رغم ان من السيرش بتاعي و اسئلتي لناس هناك الشعب مش عنصري نهائي و بيحب الاجانب لكن تجربتي في السفارة عكس ده تماما .
شكرا لوقتك و حابب أعرف رأيك ❤️
