u/Unchained_0

زمان كنا ساكنين في بيت كان إلو حديقة، أولى ذكريات طفولتي كانت في هذا البيت، يعني ذكريات بعمر ٤ أو ٥ سنوات.

لما أسترجع الذكريات كنت أشوف البيت كبير كثير والحديقة لسة أكبر، يعني قد العالم.. والشارع أكبر وأكبر. كنت أذكر إني كنت أركب بسكليت في الحديقة ومن كثر ما هي كبيرة تاخذ وقت منيح مني لما أقطعها كلها والهواء يداعب وجهي البريء وأنا في قمة سعادتي.

ما طالت طفولتي هناك وانتقلنا من البيت لبيت آخر، ومرت سنين طويلة.. مبارح سألت حدا من أهلي بتعرف وين بيتنا القديم؟ حكالي اه ووصفني ياه بالضبط عالماب، ما كان بعيد كثير قررت أروح وأشوفه وأسترجع الذكريات.

لما وصلت للشارع انصدمت: الشارع كان عبارة عن زقة تقريباً، الحديقة كانت شبه مدخل صغير طوله كم متر ومزروع فيه كم شجرة، ما قدرت أدخل البيت طبعاً بس واضح من برا إنو بيت صغير وضيق.

يا الله قديه الإنسان أهبل

شكراً عفواً شكراً

View Poll

إنتو أحسن صب عشان بتحكوش كثير

​

إن كان الكلام من خر! فالسكوت من ذهب

​

لا جد هاتوا شو في عندكم مواضيع ممكن الواحد يتجاذب فيها أطراف الحديث ونقلب الصب خر! أسوة بالصبات الثانية؟

​

حابب تسأل سؤال حابب تحكي رأيك بأي إشي في الحياة تفضل هاي مساحة آمنة وديمقراطية ومؤقتة برجاء تنتهزوا الفرصة

​

​

بعد إذن المود لي اعتبرت موافقته تحصيل حاصل

​

​

​

عادةً مش من الناس لي بتفضفض هون بس يعني كونه كل الناس بتفضفض بالصبات الأردنية قلت ليش ما أجرب فش حدا أحسن من حدا خاصة إنو الدنيا ليل وكل لي بعرفهم نايمين، بعتذر على اللغة لي مشتري حياءه جديد بدون حماية وبنخدش بسرعة ميقرأش

ياخوان بعدين مع هالحالة يعني؟ سكروا المضيق وشلوا عرض العالم مرة ثانية

يعني ٣ سنين عشرات آلاف الناس بتموت وبتنصاب عشرات آلاف الأطفال بلدان بتنقصف بالجملة ناس بتموت من الجوع النفط برتفع الأسعار بترتفع الاقتصاد بنضرب العالم كله بوكل خرا بالمعلقة العالم بنهار يا جماعة

كلو عشان إيش؟

عشان جوووز القحبة النتن يضل في السلطة هو والبهايم لي معه ويسووا لي بدهم ياه ويقصفوا لي بدهم ياه وين ما بدهم ولا حدا يردهم ويهددوا هذا ويتوعدوا هذاك حتى الساكتين حتى لي واقفين معهم مش خالصين من تهديدهم. حتى حلفاءهم لي صاروا قاعدين يخسروا من وراهم أكثر ما يكسبوا مش قادرين يقولوله كسمك انقلع خلصت الحفلة

ابن الحرام بطل يوكل معه يهدد دولة دولة من كثر ما بهدد كمان شوي بده يهدد قارة قارة يلا كلها قلم قايم

كان منهنه بده نفخة وبطير وبتحاكم بدل ما العالم ينفخ عليه طوبزله ونفخه وظل يكبر يكبر يكبر الناس صارت تفكره رب يلعن دين لي نفخوه عرص

كسمه وكسمين لي خلوه يوصل لهون

شكراً

بمن باب الفضفضة، بعرفش إذا حدا بصيبه نفس الشعور:

أنا بعمري ما كنت قارئ نهم، يعني أقل من عادي.

بس مرات بشوف هون منزلين روايات، بكون متذكر إني قارئها زمان.. ومتأثر فيها يعني وعاملة حالة بوقتها، بس المشكلة لما أرجع أشوفها هون ولا بتذكر إشي منها إلا إسم الرواية والكاتب.. طب عن شو كانت تحكي؟ شو فكرت وأنا بقرأها؟ ميح ولا حبة.

هل أنا كبرت في العمر وبلشت أخرف؟ هل هي ساهمت بتغيير أفكاري بس أنا مش قادر أقيس هالحكي بعد كل هالمدة؟ هل كنت بقرأ بطريقة غلط؟ هل لازم أرجع أعيد؟ هل هو شعور طبيعي؟

برجاء إنكم تشوروا علي بدون حواجز

أول إشي بعتذر من أي حدا إذا كنت حاد معه بالنقاش هون حبتين، الموضوع مش شخصي ولا بنعرف بعض بالآخر

لكن في قضايا الواحد إذا ما كان حاد فيها شوي عالأقل، متى يكون؟

أي رأي على عينا وراسنا، بس إضفاء صبغة شرعية على مجتمع احتلال إبادي اتخذ قراره من زمان وكتبها بالدم والأشلاء والعنجهية بعدة دول عربية وإسلامية، والأخذ والعطى بمسارات سلام مع يوزرز إسرائيلية (وخليني احكي هون إنو كثير ناس ما كانت بتعرف عشان الأمانة العلمية) : مش رأي هذا.. هذا مش رأي ولا بأي شكل من الأشكال كيف ما قلبته.. الشماتة بأموات (خاصة لي ماتوا واقفين) مش رأي.. سبهم وشتمهم مش رأي.. مش عشانهم، صاروا عند ربهم لا حتقدم ولا حتأخر بمصيرهم وبقيمتهم لو ظليتك تسب من هان لآخر حياتك، بس عشان قيمتك وبيئتك لي بتعكسها هون، ما بقصد شخص بعينه بس عموماً

ملاحظتين أخيرات: مثير للاهتمام إنو في حدا حكى إنو بشوف يوزرز إسرائيلية بالصب كثير.. أنا كمان شفت كثير وقليل، مش بس إسرائيلية.. وعربية؛ خليني أخرفكم: في يوزر عربي معروف بشارك بالصبات العربية والأردنية تحديداً: إله بوستات يشيب لها شعر الرأس: "المسلمين سرطان ومعادين للسامية وحق إسرائيل بالوجود".. ححط جزء من أحد بوستاته هون بالكومينتس كمثال عشان تمتعوا أنظاركم وتعرفوا كشباب وصبايا بعض النوعيات لي قاعدة بتوخذ وبتعطي معكم. هون بركة أفكار كبيرة بتيجي بتلم منها أفكار وبترمي فيها أفكار، مش غلط، بدك تتقبل الاختلاف وتكون محترم، ممكن تتعلم إشي جديد من حدا عمره قد نص عمرك: لطيف. بنفس الوقت بدك تخاف الله بعقلك وتنتقي الأفكار لي بتلمها، لأنو مش كل فكرة بنفع تنلم ومش كل يوزر بنفع تتناقش إنت وياه

والملاحظة الثانية والأهم: عامةً، في رديت وغيره: والله ما شفت بحياتي بيئة بتدور فيها العنصرية، أو الطائفية، أو الفئوية، أو احتقار الذات والثقافة والهوية (في فرق بين الاحتقار والنقد) وهاي الكلاكيع النفسية كلها إلا وبتدور فيها الصهيونية قولاً واحداً.. بعلم الناس في هاي البيئات أو بغير علمهم: بيئات ممتازة لنموها، سواء كان على أرض الواقع أو على الإنترنت.

سلامات