u/Unique_Key_284

حاجه كدا درامه أو رومانسيه أو بيتلكم عن الحياه والعلاقات عاوز اشوف ناس عاديه مش عاوز عباقره مجانين ولا موهوبين مهوسيين

دوامه من المشاعر حاسس اني بلف في مكاني كل ما افتكر اني اخدت خطوه واني بقيت احسن الاقي نفسي في نقطة الصفر

كنت عاوز اتكلم مع حد بس مره وحده فوقت واكتشفت اني مليش حد اقدر اتكلم معاه

من سنه دخلت حياتي كنت ملتزم في دراستي كان جيالي منحه اسافر كنت ملتزم بالجم ومحافظ علي صحتي كويس جدا كنت بلعب لعبتي المفضله (كرة الطائره) في نادي كويس عندي دائره اجتماعيه كبيره ومحبوب وسطهم كنت بعرف انبسط حتي لو لوحدي كنت مستقر عاطفيا وفكريا كنت عندي مشروع وبسعي اني احققه. انت بقي جيت في الوقت دا وعلي العكس مني كنت مضطرب عاطفياً مشتت مكنتش حابب حياتك و وحيد بعيد عن الكل ومعندكش رغبه انك تقرب من اي حد . كنا صحاب في الأول لقيت عندي التقبل لقيت الدعم لقيت حب وانا مش هنكر عليك انا كمان لقيت منك شعور جميل اهتمام علي الرغم من كل الي في حياتي الا انك الوحيد الي شفتني علي حقيقتي وقررت تختارني وانا قوي وانا ضعيف ، وانا شاكر لدا .

جيت مره وحده تقولي اسف مش عاوز اكمل وقتها اخدت صدمه كبيره ازاي انا اتحولت من اجمل حاجه في حياتك لانك مش عاوز تكلمني علي شان مش عاوز تظلم نفسك معايا ،ازاي انا اتحولت من اقرب شخص ليك وكنت الوحيد الي متسجل كا رقم طواريء عندك لحد مش قادر تتكلم معاه شككت في نفسي في افعالي.

بدأت انا امر بي اتطراب مبقتش عارف اوزن افعالي ولا اقوالي كنت محتاجك قولتلك اني عاوز احتواء واني قلقان وخائف رفضت تتعاطف معايا مره واثنين وتلاته علي الرغم اني مسبتكش في ليله ياما فضلت سهران معاك لحد ٢ أو ٣ بليل وانا الساعه ١٠ بالنسبالي كانت سهر متأخر😂.

اتعكست الايه وانت ماشي من حياتي انت بقيت مستقر بقي عندك شغلك وهوياتك وأحلامك انت الي بقيت بتخطط للسفر وبقيت قريب من أهلك حبيت الحياه وبقيت متحمس تعرف ايه الي في المستقبل . وانا علي عكسك

اول ليله سبتني فيها حلمت بيك سامع صوتك وانت بتنده عليا تقولي انت فين انا موجوع انا خايف انا محتاجك جمبي صحيت من النوم مخضود وملهوف عليك كل الي كنت بفكر فيه اكلمك اطمنك اقولك انا هنا اهو متقلقش متخافش مفيش حاجه هتاذيك اخدت ٥ ثواني علي ما مسكت الموبيل فا استوعبت انك مبقتش هنا .

مقدرتش ارجع من للنوم فضلت صاحي الساعه ٥ الصبح علي السرير مش قادر اقوم مش عارف اقوم اعمل ايه؟ في ايه في يومي اقوم اعمله شغل سبته هوياتي مبقتش قادر اعملها سفري باظ صحابي كنت معزول عنهم علي شان كنت بكون معاك طول اليوم وانا باكل وانا بشتغل وانا مع صحابي ومع اهلي وفي محاضراتي وليلة امتحاني وانا في المستشفي كنت علي طول معاك 😊فاكر لما المكالمه كانت تفصل علينا اكتر من مره علي شان عدينا الساعه ونص 😂 وكنا نشتم في فودافون.

كنت فاكر اني هروح لثيربيست وارتاح علي طول وانساك ومفكرش فيك بس لسه عندي اسأله كتير بتيجي تهجم عليا تدمرني .

هل عايش عادي بعدي ؟ هل لقيت حد غيري ؟ ولو لقيت حد هتقله نفس الكلام الي كنت بتقوله ليا وان هو كمان احلا حاجه في حياتك وانك ممتن لوجوده ؟ هل حد هيقدر يقدملك الي كنت بقدمه ؟ هل لما تكلمه وتقوله كنت بلعب مع ورد ويسالك مين هتقوله أن دا القط الي جبتهولك علي شان لما أسفر يكون معاك حاجه مني تفكيرك بيا وتعرفه عليه وتخليه يلعب معاه . هل لما تحس انك بتحبه هتعزفله علي الجيتار وتقوله مين جابلك اول جيتار في حياتك وايه قصته ؟ . شغلك مين شجعك علي انك تبدأه ؟ هل هتروح معاه نفس الإمكان الي كنا مخططين نروحا هل هتقعد معاه علي البحر وتقرا روايات وهو جمبك ؟ هل لما يجي الشتا وتفتح دولابك وتلاقي السويتشريت بتاعي هتفتكرني وتحن؟ هل لما تكبر وتقرر تتبنا طفل هتسميه يونس زي ما اتفقنا، لما تكونو سوه في بيت واحد وتجيبو نودلز هيقولك بلاش حر علي شان حساسيتك ويخاف عليك زي . هيتابع أكلك وصحتك الجسديه والنفسيه زي ما كنت بعمل ، هيضحك علي المواضيع السخيفه معاك زي ،هل هيستناك تيجي من الكليه فا يجهزلك اكل ، هل هيعملك حاجه حلوه علي شان يحسن مودك .

غريب أن ازاي انسان يمشي من حياتك بس ياخد جزء كبير منك معاه رغم اقتناعك أن العلاقه خلاص خلصت بس في امل مزعج بيتشكل علي هيئت سنرويهات في عقلك .

تابعت مع ثربيست قربت من ربنا تابعت صفحات دعم نفسي كتير كلهم بيقوليلي هتكون كويس ، بس مش بيقولو كويس دي يعني ايه ، بيقولو أن الي سابك هيندم بس انا مقسوم نصين نص عاوزك فعلا تندم ونص تاني ميرضاش ليك الازي ابدا ولو خربوش واحد .

صحيح بتمني اتخطي

لانك خلاص مبقتش ليا بس لسه صورتك بتجيلي في الحلم وشبح الاكونت بتاعك بيظهرلي كل مره افتح فيها الشات علي الرغم من أني مديك بلوك واخر رساله مكتوبه في كل سنه وانت طيب يا جميل وان شاء كل عيد ميلاد مع بعض كأنها بتعاقبني لاني سمحت لنفسي في يوم احب .

اسف اني طولت واسف اني بحكي دا هنا كنت عاوز اطلع الي جوايه واكيد مفيش مكان هيتقبلني غير من هنا

ما تطمنوما عليكم كدا والي عنده خبر حلو يقوله نفرح بي معاه والي تعبان أو زعلان وبيمر بوقت صعب خلينا نقف جمبه ملناش غير بعض كدا كدا

حد ليه تجربه مع المنصه دي انا كنت مشترك في الاشتراك السنوي من شهرين وجايلي ان اشتراكي خلص اقدر اعمل ايه دلوقتي