خيانة زوجية وأدلة موجودة.. كيف يثبت حقه ويكسب حضانة بنته في السعودية؟
السلام عليكم أو أي شخص مرّ بتجربة مشابهة في السعودية.
الموضوع يخص أخوي. متزوج من حوالي 5 سنوات وعنده بنت، وهم الاثنين مقيمين بالسعودية وكل واحد إقامته مستقلة عن الثاني.
خلال فترة الزواج اكتشف أكثر من مرة إن زوجته تتواصل مع رجال بطريقة تتجاوز أي حدود طبيعية بين شخص متزوج وشخص غريب، وفي المحادثات والكلام أمور مخلة بالآداب بشكل واضح. وعنده أدلة محفوظة من محادثات وصور وفيديوهات.
المشكلة إن الموضوع مش صار مرة وانتهى. تكرر أكثر من مرة، وكل مرة كانت تقسم وتحلف وتحط يدها على القرآن إنها ما ترجع تعيد الموضوع، وبعدها يرجع يتكرر.
ومن ضمن اللي اكتشفه إنها أرسلت صور خاصة لأشخاص آخرين، وفي مره ثانية طلعت مع رجل آخر داخل سيارة، والموضوع موثق على الداش كام. وفي تسجيل صوتي موجود كذلك بينها وبين شخص آخر وفيه كلام مخل بالآداب.
أخوي استشار محاميين، والاثنين قالوا له إن الأدلة الموجودة ممكن ما تكون كافية قانونياً
قانونيًا، شو الإجراء الصحيح في حالة زي هاي؟ وشو نوع الإثبات اللي المحكمة فعلًا تعتمد عليه؟
هل تسجيلات المحادثات، الداش كام، الصور والمحادثات الإلكترونية لها قيمة كدليل إذا تم تقديمها بالطريقة القانونية الصحيحة؟
بدي اسم محامي قوي جدًا بالرياض ومتخصص بقضايا الأحوال الشخصية والحضانة والنزاعات الزوجية، شخص فعليًا يعرف كيف يتعامل مع ملف حساس ومعقد زي هذا، مو بس استشارة عامة.
وبالنسبة للبنت: شو الأشياء اللي فعلًا تنظر لها المحكمة إذا الأب طالب بالحضانة؟ وإذا عنده أدلة على تصرفات تمس أمانة أو أهلية الأم للحضانة، كيف يتم إثبات هذا قانونيًا بدون تهور أو اتهامات ممكن تنقلب عليه؟
أهل البنت عرفو بالقصه كامله وأخوي ورجاهم الصور والفيديوهات. بدهم أخوي يطلقها طلاق عادي من دون ما يحكي عن الصور والفيديوهات مقابل انه يتنازلو عن المؤخر/المؤجل. طبعا أبوي رافض الفكره كونه أخوي نظلم والبنت كانت خبيثه وخاينه معه. الموضوع ما ينحل بفلوس حتى لو ندفع المؤخر.
همنا الوحيد انه بنته ما تعيش في بيئه رديئه مع أمها. وبنفس الوقت ما ودنا الفضيحه بالاخر رح تظل أمها ل بنتنا، ودنا نسامح ونعفو ل وجه الله بس بنفس الوقت بدنا الحضانه.
اللي عنده تجربة حقيقية أو يعرف محامي متخصص بهالنوع من القضايا، ياريت يفيدنا. شكرا.