u/Warm-Promise7291

انهارده كان يوم لطيف الحمدلله

احد المديرين بتوعي والي كان بيني وبينه خلاف من مدة بعيدة وبعدها قطيعه

مرت الايام والظروف جمعتنا تاني فشغل لازم نعمله

اتعاملت عادي بس مسكتش علي اي ظلم انا او غيري ممكن نتعرضله و من غير اي تطاول او قلة ذوق

وللغرابه بدأ يسمع للشكوي و ينفذ الي عايزينه.. فيعني سبحان مغير الاحوال والحمدلله على كرم الله وفضله

ظروف شغلي ساعات بتضطرني أتأخر برا البيت واحيانا المكان حوالين الشغل ولحد البيت مش بيبقى امان

فإيه اداة اقدر اجيبها تبقي معايا دفاع عن النفس غير بخاخ الشطه وياريت لو محتاجه ترخيص افيدوني برضو

لا شئ يعادل السجدة الاولى والاخيره

الاولى تجدد فيها امالك، تستطيع فيها التنفس كما لو انك ولدت للتو ، تضبط فيها بوصلتك، مشاعرك، اضطرابك وحتي جسدك.. كل شئ يبدو هادئا والاصوات تصبح همسا رقيقا يكاد لا يسمع والطير يسبح ملئ جناحيه مقبلا .. حتى الجمادات تتنفس برضا.

الاخيره تبث فيها بواطن نفسك ولوعاتك وزحام عمرك، مخاوفك واحزانك وحينها يكن الظلام البارد افضل من نور الصباحات المليئه بالدفئ.

انه فقط لا شئ يساوي الشعور بتلك اليد الحانية على صدرك، سواء كنت مذنبا او صالحا سعيدا ام حزينا تلك اليد تظل كما هي تمسح كل العثرات والاخفاقات وتنير ظلام ذلك القلب السقيم.

ما هي الا رحمةٌ جعلتك معلقاً بتلك السجدة الاولى والاخيره ولو نزعت منك.. ما لك يا مسكين من ملجأ ولا حبيباً ولا منصفاً.

دلوقتي لقيت قطه شكلها حامل وعلي وش ولاده فالشغل وجاتلي الاوضة الي بشتغل فيها وحاولت تستكشف ورا الدواليب وتلف الاوضة وانا فكرت انه تقريبا بتقيم المكان عشان لو لقيته مستخبي ممكن تولد فيه

فدلوقتي فكرت اجيبلها كرتونه وفيها اي هدوم قديمه واخليها تتعود عليها بس الفكره ان الاوض بتتقفل مع المواعيد الي بنخلص فيها شغل فكدا مش هينفع تبقي فالاوضة ممكن فالطرقة ولا هتبقي خايفة برضو ومش مناسب ؟؟

محتاجه حد يفيدني بأماكن تنفع سكن للمغتربات فالقاهره وتكون امان طبعا لاني معنديش معرفه بالموضوع دا وفي بنوته سالتني فيه