إسأل نفسك : إيه المطلوب من الماضي او المستقبل بالنسبة لمخاوفك منهم؟
وليه المخ بينبش في الماضي عمال علي بطال او بيخاف من حاجات محصلتش وبيكبرها ؟
ده شيء توصلت ليه وحبيت اشاركه:
هيكون الكلام طويل حبتين بس ركز معاي
بداية الكلام علشان تاخد فكرة: مجرد تفريق بين الحادث وبين الشخص اللي حصل له الحادث ودي بتكون مجرد حادث عمل علامة فارقة في تفكير الشخص بمعني التأثير مش شرط التعليم واكيد الحدث مش لأي شيء بعدين .
إنما يتحول الشخص ده لضحية فعلية لفكرة ان الحادثة تظل وصمة في صدره ماهي الا من ضروب الأوهام
طيب ما الضحية بالمعني الصريح هو إنه يكون تعرض لأذي سواء من شخص او من شيء .
صح . انا معاك هنا في دي : بس علشان افرق بين اللي اتأذي وحاول يفهم طبيعة نفسه ويتصرف وبين الشخص اللي بيعمل من أذاه سبوبة🗿
من الآخر الأذي ده مفسر مش مبرر للشخص المتعرض للأذي
وده مجرد تعريف للي حصل . مجرد سطر من كتاب طويل في حياة الشخص مهمة كان السطر او الصفحة دي مليانة شخابيط
علي سبيل المثال: مثال تافه بس شغال🙂
اتخبط صباعك الصغير في الباب الفلاني في السنة الفلانية
ايه عذرك برضو بعدين انك متفتحش الباب وتطلع تجيب الطلبات مثلاً . كله ده علشان فاكر السنة الفلانية اللي اتخبط فيه صباعك الصغير في الباب( مجازاً)
ونصيحة للي واخد العقد النفسية كارت ذهبي
بطل نطاعة وقوم واتصرف : محدش هيوقفلك وقفة حداد 😑
مش كرهاً ليك لكنه حماية ليك من نفسك
علشان متتحولش بمُحنك دي لكائن لزج هش يضيع كل اللي عمله واللي هيعمله وتكون امتداد لمعاناة كانت مكتوبة ليها الفناء
فحضرتك عملتلها كده أحلي عملية إنعاش 🗿
ولأن النفس بطبيعتها تواقة للدراما والأفلام الهندية: مش استخفاف باللي حصلك لكنه احترام لتاريخك . واكرام الميت دفنه . زي كده تاريخك
العبرة مش في المعاناة في الاول وفي الآخر . العبرة في اللي عرف يطلع نفسه من المعمعة دي بأقل نكد وصياح ممكن 🙂
أخيراً علشان أعرف افرق لك بين الكبت وبين الاستثمار في المعاناة
الكبت هو انك متبصش لماضيك وتتكسف منه او تخاف
إنما الإستثمار: مجرد تلحين كلام قديم
علشان كده : الإستثمار عامل زي نبش الميت
وبس
صح نسيت نقطة صغنونة: اكيد تكلمت عن فكرة ان شخص يحول معاناته لهوية
وعلشان كده جبت الصورة دي. اي صورة لقيتها من علي النت تكفي الغرض : النوستالجيا . مش محط اهتمام قدر الاستثمار في المعاناة
بمعني تاني واخير: متقدرش تحولها لسبوبة ومحل استعطاف زي المعاناة
​
نصايح للتعامل مع الذات
اكيد دي ثاني اسهل حاجة تعملها بعد التعامل مع الناس .
اكيد طبعاً انت شخص سوي مش هتحترم نفسك وهتقعد تطق فيها بالمسمار وتتضايق ليه المسمار اتني
طبيعي انت شغال تحترم نفسك بشكل عالي بإنك تجلد ذاتك علشان واحد صاحبك عزمته علي رغيفين كبدة وانت كلت تلاتة . تيجي تفتكر انك لئيم واناني وحقير واكيد هنقعد نعمل جلسة حساب نفسي عسكرية فحل سحت تكسير عضم
مش لازم اقلك انك كده أسس اللبنات الاولي للانسان الهش نفسيا
وصح نسيت: دلع نفسك بحجة استراحة محارب ولو عاقبت نفسك عاقب نفسك بالحديد السايح . اهم شيء ميكونش فيه تكافؤ في التعامل . ما احنا اتفقنا اننا ناس سوية ساعية للنجاح
اهم حاجة اعمل كل حاجة من احترام للناس وتقديرهم انجازاتهم حتي لو عرف يقزقز لب بطريقة احترافية
والتبرير لافعالهم حتي لو خزوقك بماسورة بطول عمارة
المهم تعمل اي حاجة الا احترام نفسك : علشان طبعا احنا اسوياء وناجحين فالنفس دي اخر السكة يا بشمهندس
اخر واهم نصيحة: اعتبر اي كلام بيتقال من الناس كإنه قرآن واياك تتكلم ولا تتنفس حتي ولا تقول كلمة رأي اصلاً
لأنك طبعا انسان سوي ماشي علي الحيط وملكش رأي ومستني أنبياء تطوير الذات والبصمجية يصلحوا حياتك المستوية
ولو كان عندك رأي لازم يكون فزلوكي درجة أولي ومن بير السلم وتنويري أصيل علشان زي ما اتفقنا : إحنا متطورين ناجحين طيارات نفاثة ومش بني ادمين عقلانيين .
خليك بصمجي. خليك ناجح في الفشل🙂
الناس عندها احتياجات وعلشان تكسب فلوس لازم تلبيها لهم (خدمة - منتج - استشارة) وعلي اساس شطارتك هتقدم الشيء ده للناس . شوف الحاجة اللي بتحبها وشوف الهوايات اللي عندك واتعلم الشيء ده وكل الكلام المهروس دي
رأيي:
بعيداً عن الراجل ده خالص وبصراحة مش قصدي اهاجمه لأنه حتي لو كلامه مكرر ومهروس بس بيقدم شيء مفيد نوعاً ما
لكن المحتوي من النوعية دي مهروس . زيه زي محتوي التحفيز وتطوير الذات
معنديش مشكلة مع البديهيات لكن المشكلة في إن النصايح العامة بقت مستهلكة خالص لدرجة انك لما تسمع منها كتير بتكون شبعان منها وعاوز الخلاصة منها او الشيء المهم
مثلاً: فيه فرق بين ان حد يشرح لك كيف تعمل فلوس ( نصايح عامة)
وبين ان شخص ثاني يشرح لك عن جزئية معينة في العملية التجارية مثلاً او اي جزئية مهمة للشخص اللي بيتعامل كفريلانسر او صاحب خدمة
بالنسبة لي : أحمد بحيري - المخبر الاقتصادي - والايقوني ده:
بعيدا عن اننا ممكن نختلف في الثالث: ناس تشوفه اهبل وناس تشوفه قدوة. مش موضوعنا
انت ايه احسن ٣ يوتيوبرز عندك؟
صبات متنصحنيش أروحها أو اديها ميوت علشان مش ناقص الاقي قرف في ريديت تلفت نظري علي الفاضي
اكيد قلتلك اننا بنبدأ يومنا بكل طاقة وحيوية
فلابد كمان إنك تشقلب الساعة البيولوجية بتاعتك تخلي ليلك نهار ونهارك ليل
بديهيات ناجحين
وأهم شيء : اتكلم كثييير عن الطموحات والاحلام وانا هعمل وانا هسوي
بص
عايزك تعرف كل الناس في المنطقة عندك انك هتعمل شيء او هتتخذ قرار ما
صدقني : هتاخد كمية دوبامين هيكيفوك واكيد طبعاً الطموح عالية فوق السما وهتفضل مسدوح علي السرير . كالعادة الخيال مجاني وصناعة الطموحات اسهل ما يكون
احنا عاوزين نكون ناجحين وكان ولا بد إننا نصنع صورة: السوبر حمبولة عنك : وانك البطل المغوار في قصتك اللي محدش مهتم يقراها
نقطة
اهم شيء : تعمل الغلط وبعدين تندم عليه وانت عارف انك لو عملته هتندم عليه. طبعا احنا ناجحين فإحنا هنبطل نعامل نفسنا كبني ادمين بيغلطوا ويصححوا اغلاطهم علشان يحسنوا مسارهم في الحياة
نحن نختلف عن الآخرون يا غالي :
انا عارف ان ده غلط وبعمله : ولو عملته لازم انتف شعري علشان ابان اني محلل ماهر وماكر بجوانح وراجل محترم وناجح مش فاشل متقاعس
طبعاً اديك الكرزة علي الكيكة: خليك فيلسوف واتكلم في اي شيء بحكم انك فيلسوف مخضرم
وبس يا سيدي : احلي وصفة لعلم كيكة محروقة :)
بحب اجرب التطبيقات اللي زي كده علشان استقر علي واحد
روتين النجاح
كالعادة يومي بيبدأ بنشاط وحيوية: بنصايح سحرية مضمونها الآتي:
نام بعد الفجر ويفضل بعد الشروق زي العبد لله
و إياك ثم إياك تعدي يومك كده من غير فيلم هندي وأحلام يقظة
إحنا بنحب الأفلام الهندية والبطولة الفردية وقصص التطور بتاعت الشونين دي :)
ونصيحة من مجرب: خلي هويتك = الشيء اللي بتعمله او اللي بتمتلكه او حتي الفكرة اللي تتبناها دون مراعاة لفكرة انك انسان ليك بداية وليك نهاية وفي النص انت بتعافر لغاية حقيقية متجردة من الاسامي او الاشتغالات دي
بمعني ثاني: سيبك من شغل الأفلام بتاع الغايات العليا دي وعرف نفسك ب: المهندس - الغني - السرسجي - CEO . اي شيء إلا الشيء اللي بيحركك كإنسان
مبروك: تمت صناعة إنسان رخو متخزوق من كل النواحي :)
هل حقاً إحنا بنحدد مصيرنا وقراراتنا في الحياة ولا الموضوع كله مزيج بين قرارات عقلية سابقة مبنية عليها قراراتك الحالية والقرارات السابقة دي اصلاً هي اللي بنت هويتك الحالية وبين اخفاقاتك اللي خايف تكررها وبين هويتك الحالين
فيكون المحدد اكثر من عامل واحد : الهوية - عدم تكرار الفشل - تدعيم الهوية
هديك مثال
واحد تعرض لتنمر وهو صغير : مش دايماً بتحصل ومش بتكهن كده بس حاجة زي التنمر ممكن تحسس الشخص المتعرض ليها مثلاً بإنه المفروض ميكررش التجربة دي فينعزل اكثر واكثر ويدعم هويته كشخص انطوائي منعزل وخايف يتعامل مع حد ولو بيتعامل بيكون حذر
مش دايماً بس ده مثال توضيحي
وتلخيصاً لكل اللي فات: قراراتنا بتكون محاولة لعدم تكرار الفشل او علي اقل تقدير تقليل المشاكل المترتبة عليها - بناء هوية يستند عليها الانسان - وتدعيم هذه الهوية
المختصر المفيد: المشكلة مش ثنائيات( فيه سيطرة . مفيش سيطرة)
المشكلة: فيه تعريف غير عملي للسيطرة وهو انه يكون ليك تحكم في حياتك او قراراتك
لكن السيطرة بتكمن في كلمتين ورد غطاهم: إدارة نتائج أفعالك
أحمد بحيري - ألش خانة - المهاجر - خمسة في عينك - فيه تاني بس دول اكثر قنوات بحب اتفرج عليها وانا زهقان