كيف أقنعهم يرجعوا يصلوا ؟
​
عائلتي مكونة من أنا واختي الكبيرة عمرها 17 واخوي عمره 20 وامي، اخوي من زمااااان اصلا ما يصلي وزمان كنا دائما ننصحه ونحاول نخليه يصلي معنا ويرفض فخلاص صرنا ما نناقشه بذا الموضوع، في بيتنا في بي ثلاث سجادات صلاة، وحدة صارت قديييمه فصرنا نستخدمها عشان نكوي فيها الملابس او نجلس فيها وكذا، والثانية عند اخوي و يستخدمها زي مفرش للطاولة او عشان لو جونا ضيوف يشوفوا عندة سجاده وما يعرفوا انه ما يصلي والثالثة حقتي جتني هديه من معلمة الله يجزاها خير، فالسجادة الوحيدة إلي امي واختي يصلوا فيها هي حقتي، ولاحظت ان لما أصلي فيها واروح وبعد كم ساعه يأذن وأروح أصلي القى السجادة ما تغير شكلها ولا شكل العباية إلي أصلي فيها ولا شي معناها مافي احد لمسها، استغربت ليش اختي ما صلت؟، قلت يمكن ما عليها صلاة، وامي تصلي وهي جالسة عشان تعبانه فما تحتاج سجادة اصلا، وعد اسبوع كامل وأنا اراقب اختي لما يأذن ما تقوم تصلي ونا لما اخلص صلاة اطلع العباية واحطها في السجادة واطبقها على بعض وما اشيلها من مكانها، وبعد ما يأذن الآذان إلي بعده برضو اشوفها ما تحركت ولا شبر وعد اكثر من كم شهر على ذا الحال واختي ما تصلي، وفجاه لاحظت ان امي كمان ما تصلي، هي تصلي في غرفة فيها كرسي ومافي غيره، فأجي احط كم شي في الكرسي ونهاية اليوم احس واشوف والقاها ما تحركت من مكانها يعني امي ما جلست هنا اصلا وما صلت وصرت متضايقة ان اهلي كلهم ما يصلوا لاكن ولا مرة تكلمت معهم عن الموضوع ذا، صرت مرات لما يأذن أصلي قدامهم في الصالة عشان يتذكروا ويقوموا يصلوا لاكن مافي فائدة، انصحوني، كيف أقنعهم يرجعوا يصلوا؟