u/agwa51

انا لسا جديد في المجال وبتعلم وعايز أسيب شغلي الحالي بس عندي مخاوف فلو حد يقولي سوق الفرونت إند أخباره أي وأي التحديات اللي هتواجهني واللي هحتاج أشتغل عليه أكتر وأطور نفسي فيه

حاليا بتعلم فرونت أند .. وكنت خدت كورس
CS50
من حوالى سنتين ولا حاجة .. بس قولت أرجعله تاني بجانب الفرونت اند عشان حسيت أنى نسيت جزء كبير منه .. وأديله أهتمام شوية مع حل المسائل .. لأني كنت بتفرج علي الكورس فقط .

أنا برضو بعد
CS50

عامل لنفسي رود ماب لتعليم علوم الكمبيوتر
مقتبسها من
Tech Yourself CS

فأنا مدرك أن كل دا مش هستخدمه .. فسؤالى هو :
أي الأساسيات اللى أنا كفرونت أند هحتاجها وضرورية ليا

https://preview.redd.it/8viga1vw8p1h1.png?width=1024&format=png&auto=webp&s=001ae366fc7e3a6a1cfa7224a3f7166115b1ffb7

انا لسا بتعلم
CSS
ودا تاني تصميم بسيط ليا

وعملت الديزاين دا .. فكنت عايز فيدباك أزاي أظبط درجة الألوان
لأن كنت بحاول أقلد تصميم بس قولت كبداية مش مهم مثالية وركز أنك تطلع شكل قريب من دا مش لازم يكون نفسه

فكنت عايز اعرف أزاى أظبط الألوان لأني بحس أنى عندي مشكلة في الموضوع دا

وطبعا لو في فيدباك علي التصميم هحب أسمعه جدا

وهسيب برضو التصميم اللى كنت بحاول أقلده في كومينت .. عشان لو حد يقدر يقارن ويقولي أنا محتاج أشتغل علي أي بالظبط

عندي مشكلة إنى مش بعرف أحط حدود مع الناس خصوصا في الشغل لأن الشغل اللي انا فيه مش متحضر أوي وقريب من العشوائية ودايما ساعات ناس بتضايقني بمسمي الهزار .

واتعرضت لكذا موقف أن البنات اللى عندي في الشغل خدت عليا في الهزار لدرجة أنها ممكن تتطاول عليا بالكلام وانا بسكت وبعدي

وأخر مره حبيت أحط حدود مع واحدة فيهم .. كانت بتقولي بقولك أي يالا .. قولتلها أسمها بعد أذنك أو حضرتك أي يلا دي ؟

قالتلي تحب أجبلك فلانة ( تقصد إن فلانة دي بتعرف تتطاول عليا وانا بسكت )

انا برضو بصراحة منفتح جدا وبهزر مع أي حد فحاسس أن دا جزء من المشكلة

فأزاى أعرف أحط حدود سواء كان مجتمع متحضر أو لا ؟

انا عندي ٢٢ سنة ومخلص تعليم وبشتغل في مكان كدا بعيد عن المجال يعني تعتبر شغلانة مؤقتة بجيب منها دخل .. وبقبض منها حوالى ٥٠٠٠ جنية والشيفت بتاعها ٨ ساعات ويمكن مش مهلكة وحاليا انا محوش في رينج ٢٠ ألف جنية

فكنت بفكر أسيب الشغل دا وأتفرغ للتعلم بشكل كامل بس عندي مخاوف .

أولهم أنه خلفيتي البرمجية يمكن كانت عبارة عن عشوائيات يعني متعلم بايثون علي شوية C علي حاجات من كورس Cs50 ..

فحاليا عايز أخش فرونت إند وموقعي فيها إني لسا مخلص

HTML

وحاليا بتعلم

CSS

فقصدي من الكلام دا أنه يعتبر أنا لسا في بداية الرحلة

تاني حاجه :

الخوف من الوصمة وإنى أقعد في البيت .. عندنا الكلام دا يعتبر مش مقبول .. بالنسبة لوالدي هيقعد يضغط عليا عشان أنزل حتي لو قولتله إنى مبحبش الشغل هيقولي إشتغل أي حاجة

ويمكن مخاوف تانية .. زي إني ملاقيش شغل فأرجع تاني لنفس الحلقة المقفولة إنى أدور علي أي شغل 🔁

وبالنسبة ليا أنا اللي بصرف علي نفسي ومش باخد فلوس من أهلي ومعتمد علي نفسي ١٠٠ ٪ لأن أهلي مش ميسورين أوي فخايف أخد قرار غلط أندم عليه

فسؤالي دلوقتي أسيب الشغل وأتفرغ للتعلم ولا أتعلم جنب الشغل ؟