u/catloverfinalboss

بالمكتبة من ال9 لل2

بدنا نعمل lock in قوي

مبارح كنت زايرة تيتا وعلى اساس انام عندها، وفي مناسبة صارت عند دار سيدو من فترة ف كتير ناس اجو يباركو وضلينا نستقبل ضيوف لآخر الليل، وأغلبهم نسوان من عمر تيتا. وانا ضليت مشان اساعدها بالضيافة وهيك واخليها تقعد مع الضيوف، كمية الاشياء الي بتصرع الي سمعتها مش طبيعية

الحكي نصه بدون مبالغة misogyny and objectifying females، والنص التاني حكي على الناس وهبل واشياء بتصرع. خليني احكيلكم أمثلة مشان تستوعبو

عم يحكو كلهم وكالعادة في على الأقل 3 محادثات مختلفة بنفس الوقت وفجأة الكل سكت، فوحدة حكت "اجت بنت" ولما سألت تيتا شو يعني قالتلي انو زي كإنها لحظة صمت لإنو انولدت بنت في مكان ما مش ولد

سمعت وحدة بتحكي عن بنتها الي بتدرس بالجامعة "عم بندرسها بس مشان لما يجو عرسان ما حدا يرفضها لإنها مو جامعية، ولا الشهادة رايحة للزبالة" طب احا؟؟

بعدين بنات أنا لسا صغيرة وبدرس جامعة، كل ما وحدة تشوفني تحكيلي شغلات زي "يلا عقبال ما نفرح فيكي" او "صايرة عروس" او "بدنا نزوجك" ومن بين تقريبا شي ٢٣ حدا اجو زارونا ولا وحدة حكت عقبال تخرجك مثلا.

في وحدة أصرّت تقعدني جنبها وما فهمت ليش، بعدين صارت تحكي بأشياء عشوائية قبل ما تبلش تحكيلي عن ابنها المحروس الدكتور الي رح يتخرج هاي السنة وماتو وهم يدوروله على عروس، طب خالتو حلي عن سماي بليز. ومبارح كنت لابسة لبسة حلوة وكانت ديقة شوي، في وحدة اطلعت علي من تحت لفوق وحكتلي بالحرف "مش حرام يا (اسمي) هاض كله يروح عشانك بتضيعي احسن سنين عمرك بالدراسة؟" بعدين لفت على تيتا وصارت تحكيلها عن هبلنا وكيف هاد الجيل لازم يرجعو يتزوجو بدري زي جيلهم؟ طب احا كمان مرة

وبس ولله كان جاي ع بالي افضفض لإنو مبارح قلبت معدتي وشكرا

في حدا بحياتي كنت كتير قريبة منه وبحبه من كل قلبي، وهو جزء كبير من حياتي وبرتاحله وبحكيله اي شي بيخطر ع بالي ودايما بيستقبلني وبيتقبل افكاري احسن من اي حدا تاني، وحتى لو اختلفنا بموضوع بيخلص النقاش وبنرجع طبيعي بسرعة

هو اكبر مني فكنت شوي بشوفه كقدوة، وطبعا كنت فاهمة انو ما حدا كامل قبل ما حدا يعلق. فاهمة انو اكيد عندو اغلاط وشايفيتهم، وحتى مع اخطاؤه كنت كتير بidolize him بصراحة

صارت ظروف اضطرينا نبعد عن بعض شوي، صرنا نحكي اقل وكل حدا فينا انشغل بشي معين بحياته وصارت بينا مسافة شوي. وكل وقت والتاني نرجع زي قبل وبعديها نرجع ننشغل. بهاي الفترة صرت الاحظ شغلات ما كنت ألاحظها زمان، ما بعرف هو تغير ولا هاي الأشياء والتصرفات كانت موجودة زمان بس أنا كنت عميا. والمشكلة انو الأشياء الي لاحظتها جديد ما بتتمرّق، كتير منها تصرفات كان اعتقادي بعدم وجودها عندو هو الي مخليني احترمه وأقدره وأحبه بالطريقة الي كنت احبه فيها. شوي شوي صارت صورتي عن هاد الشخص تتشوه لغاية ما وصلت مرحلة فقدت احترامي لإله، لإنو ببساطة كتير من الvalues تبعونا بطلت تتماشى سوا

أنا حدا مو بالسهولة اكره اي شي، الشغلتين الي جد بقدر احكي اني بكرههم هم الظلم والفيزيا، اي شي تاني مشاعري اتجاهه يا بتكون إيجابية او بكتفي بالحياد. وهو باعتبار انو ما عملّي شي يأذيني شخصيا ما قدرت اني اكرهه. لسا بحبه بس كتير الوضع مختلف عن أول. وعم بمر بوقت صعب لإني بطلت قادرة احترمه كشخص، وبنفس الوقت مو قدرتي اني اطلعه من حياتي أبدا

هل ممكن تحب حدا بطلت تحترمه؟ اذا حدا مر بشي مشابه من قبل، قدرت ترجع تبني علاقتك بطريقة واقعية اكتر؟ ولا كان افضل انك تترك الشخص هاد من الأساس؟

ضروري بليز مش قادرة اتنفس

انا بحكي عن التطوير الذاتي بس مرات بوقع بأغلاطي القديمة

بحكي عن الإيجابية بس مرات بحسني مخنوقة وكل شي مسكر بوجهي

بحكي عن الhealing بس لسا في شغلات ما عرفت اتخطاها

بحكي عن الkindness بس مرات بدايق ناس

لإنو باختصار أنا بعرف الصح من الغلط، بس أنا مو مثالية وعندي أغلاطي. اهم شي يكون عندك self awareness ومو بس تكون عارف انو عندك اخطاء، لازم تحاول تصلحهم. وتصالح مع كونك انسان بيغلط زي ما باقي الناس بيغلطو لإنو غير هيك رح تتعب حالك ومستحيل توصل للنسخة المثالية من نفسك الي حاطها ببالك

ولما تشوف حدا عم يعمل شي كان يحكي عكسه، هاد لا يعني انو إنسان سيء او "بيحكي بمثاليات وما بيطبقها" ومو ضروري تعلق عليه بطريقة سيئة ممكن تأذيه نفسيا لإنو في احتمال كبير انو فاهم الي بيعمله غلط

Preferably a free app, but if you don’t have any just tell me what you used before and it worked

يا بتحكولي يا ببكي الوضع متأزم

Both instrument and lyrics wise

My personal pick would be Fine Line by Harry Styles, I’m interested to see what other songs y'all have in mind?