٢٩ من الرياض، ابغى زوجة نسافر سوا اول كم سنة وبعدها نستقر
اهلا
عمري ٢٩، من اهل الرياض. اعزب، ما سبق لي زواج وما عندي عيال. اول مرة اكتب بوست زي كذا فتحملوني
ببدأ بالشي اللي بيخلي اغلبكم يقفل البوست عشان ما اضيع وقت احد. انا ما ناوي استقر في الرياض. شغلي كله ريموت وعن بعد، وخطتي اول كم سنة من الزواج نسافر انا وزوجتي ونعيش برا، وبعدها نختار مكان نستقر فيه يناسبنا الاثنين. انا عادة اختار مدينة واعيش فيها من ٣ الى ٦ شهور، استأجر شقة، نفس الكوفي كل صبح، نفس النادي، واعرف الجيران واحاول اتعلم اللغة المحلية اذا كانت سهلة. فاللي ما تقدر تبعد عن اهلها، او مرتبطة بدراسة او وظيفة في مدينتها السنتين الجاية، والله اتفهم هالشي بس ما راح نتفق (ادري اني توني خسرت ٩٠٪ منكم 😂)
سني، معتدل. ما اشرب ولا ادخن ولا لي في السهرات والاغاني العالية ومااحب الاصوات العالية اساسا. قبيلي، بس مو شرط عندي تكون قبيلية
درست Computer Science في امريكا في جامعة كولورادو بولدر، وبعدها اشتغلت في ارامكو السعودية كم سنة. طلعت منها وأسست شركة تقنية مع شريكي ولي فيها اكثر من سنتين. راتبي منها ثابت الحمدلله واحسن من اللي كنت اخذه في ارامكو. هدفي اوصل للاستقلال المالي في نص الثلاثينات.
طولي ١٧٠، حنطي، عيوني بني فاتح. جسمي عادي لا نحيف ولا سمين حاليا وجالس اشتغل على نفسي، واروح النادي والحمدلله مستمر اخر ستة شهور
المهر باللي نتفق عليه. ابغى عيال ان شاء الله، ومتى بالضبط هذا شي نقرره سوا.
عن يومي، عادة اقوم الصبح اتحرك واخذ لي شمس، بعدين اروح co-working space اشتغل فيه واقابل اصحابي، واخر اليوم مشي طويل او العب pickleball او تسلق. قبل النوم كتاب واضاءة خفيفة. nerd شوي بعد، مشغل AI models محلية على اجهزتي بس للتجربة وانا حتى مهتم بال self hosting والتقنية بشكل عام
وش ابغى فيها. وحدة عندها شي تحبه في حياتها وشغوفة فيه ايا كان، تشتغل على نفسها، مهتمة بصحتها، وتقول رايها بصراحة. وما عندها عيال. الرياض افضل بكثير عشان نقدر نتقابل، بس لو من مدينة ثانية وفيه توافق عالي ما عندي مشكلة. ولابد تكون قادرة على السفر معي اغلب السنة
الله يكتب اللي فيه الخير للجميع والخاص مفتوح