u/hardkisses

View Poll

أنا لما بفكر في الجواز ببص للموضوع من زاوية توزيع المسؤوليات لأن أي بيت مستقر في رأيي بيقوم على إن كل طرف يبقى عارف دوره من البداية

لو الزوجة ربة بيت فالزوج مسؤول عن النفقة كاملة والزوجة مسؤولة عن إدارة البيت وتربية الأولاد والاهتمام بشؤون الأسرة ومع وجود أطفال مسؤوليتها بتكبر وبتحتاج وقت ومجهود أكتر وساعتها طبيعي جدا إن الزوج يساعدها ويشاركها لأن تربية الأولاد والحياة اليومية مسؤولية الأسرة كلها

أما لو الزوجة موظفة فالصورة بالنسبالي بتتغير لأن الزوج ما زال مسؤول عن النفقة كاملة وده واجبه ومرتب الزوجة حقها وهي مش ملزمة تنفق منه على البيت وفي نفس الوقت هي بترجع من شغلها تعبانة فمن الطبيعي إن الزوج يشاركها في البيت لأن تحملها شغل الوظيفة وشغل البيت بالكامل في نفس الوقت مش نظام صحي ولا يساعد على استقرار البيت حتى لو الزوجة موافقة

ولما بسأل نفسي أنا كزوج إيه اللي اتغير في مسؤولياتي بلاقي إن مسؤولياتي الأساسية زي ما هي لكن المشاركة في البيت بقت أكبر بحكم إن الزوجة عندها شغل خارج المنزل

وبرضه بشوف إن أي راجل من البداية يقول إنه عايز الجواز يبقى قائم على مشاركة المصاريف أو توزيع مختلف للمسؤوليات غالبا بيتقابل بالرفض وبيتفهم إنه بيحاول يهرب من مسؤولية النفقة قبل حتى ما الناس تسمع وجهة نظره

وعشان كده أنا شخصيا أفضل الزوجة ربة بيت لو الظروف تسمح لأن النموذج ده في رأيي أوضح في توزيع المسؤوليات وأقل ضغط على الطرفين خصوصا بعد وجود أطفال

وفي النهاية ده مجرد تفضيل شخصي مش حكم على أي حد ولا تقليل من أي ست بتشتغل وكل واحد حر يختار شكل الحياة اللي يناسبه طالما فيه اتفاق ورضا واحترام بين الطرفين