u/hippolytho

ابو السلبية ياخي الكل زعلان وتعبان وكله في حالة يأس خلوا املكم بالله كبير والامور كلها تزين ان شاء الله. العقلية السوداوية ذي اللي خلت حياتكم كلها هم وغم

من شهرين كذا قررت ابدا ورد قران يومي ما لا يقل عن10 صفحات وفعلا بدات فيه وصملت. بعض الايام لو ما كان عندي مجال اجلس واقرا يصير اليوم اللي بعده اقرا 20 صفحة بدل 10 واحيانا اقرا فوق ال20 لمن اكون فاضي وما عندي شي ضروري اخلصه.

الحلو في القراءة الدائمة اول شي الاجر طبعا وغير كذا القران فيه قصص مليانة عبر وحكمة ومدري لو ينفع اقول كذا لكن فيها متعة لمن اشوف كلمة صعبة واغلط فيها كم مرة لين اجيها صح او لمن اقرا بعض القصص زي قصة سيدنا موسى عليه السلام والخضر اللي انذكرت في سورة الكهف. القران عموما قربني للصلاة زيادة وصرت اتشجع على الصلاة في وقتها وما افوت شي بسبب (يعني انت جالس تقرا قران وساحب على الصلاة خليها سوا عشان برضه تخشع زيادة في الصلاة اقرا زيادة من القران وحاول تحفظ ايات جديدة تقراها في صلاتك وجدد خشوعك)

من كم اسبوع وصلت سورة الزخرف بعدين جلست فترة ما اقرا ولا شي لكن شفت احد اليوم في الصب يتكلم عن سورة يس وبعد العصر رجعت اقرا الحمد لله وبكمل لين اختم القران.

من السنة الجاية راح اسوي عندي عادة يومية صفحتين في اليوم يصير اسهل علي الحفظ واعتبر نفسي ختمت القران سنويا.

الله يثبتني ويرزق كل مسلم حب القران والعبادات