u/ibravlll

السلام عليكم

طلعت لي مشكلة وانا قاعد العب الدن رينق فجأة الشاشة تشوشت وحسبت المشكلة باللعبة وطفيتها ولا زال التشويش موجود، بالبداية حسبته من الشاشة نفسها ولا من السلك بس لما سولفت مع جيميناي قالي اجرب افتح البايوس اذا لا زال فيه تشويش لكن حتى البايوس لما فتحته لا زال التشويش موجود.

الزبدة اللي فهمته وانا اسولف معه ان المشكلة من كرت الشاشة رجعت لعبت الدن بدأ التشويش يخف جدا لدرجة مايلاحظ اذا حطيته بوردرليس او ويندود وبعض الاحيان يرجع ابو نص ثانية وانا العب واذا رجعته فل سكرين ترجع المشكلة بشكل عنيف

مدري وش المشكلة بالضبط ولا ادري وش حلها اقل القليل اللي يعرف محل شاطر بالبي سي بالرياض يدلني عليه بكون له من الشاكرين🙏

ابي ورشة سيارات بحايل كهرب وميكانيكا لواحد شاطر مابي اروح عشوائي اللي عنده يفيدنا مشكورا مقدما

السلام عليكم ورحمة الله وبركاته

اخوكم ناقل للرياض ودوامي بيكون في المدينة الصناعية الثانية وادور لي شقة عزاب

​

بس استفساري مو فقط بحث عن شقة استفساري بحكم خبرتكم بالزحمة في الرياض وش الاشياء اللي لازم اكون منتبه لها يعني من ضمن الافكار اللي طرت لي اني اسكن بالخرج واداوم للرياض دام ان دوامي على الطرف اصلا

​

فعطوني اقتراحات وتحذيرات لاني ماعرف شي عن الرياض الا سمعتها انها زحمة

السلام عليكم ورحمة الله وبركاته

بغيت استفسر اي مهندس كيميائي كيف توظفت؟ عن طريق ايش؟ ومتى؟ وكم اخذت وقت من تخرجك؟

انا خريج كملت ٦ شهور ماجاتني الا ٣ مقابلات من تمهير وبعدها ركود ماجاني رد من شهر واكثر على اخر وحده وبس بغيت اعرف متوسط الوقت اللي اخذه اللي بنفس تخصصي

واذا فيه نصايح افيدونا وجزيتم خيرا مقدما