u/iiibazzinga

المصدر: playstation Terms Of service 21.2

اذا ما سجلت دخول للحساب 36 شهر ( تعديل: 3 سنين )

سوني بتبدا إجراءات حذف الحساب

سيتم ارسال ايميل لك بانك تتخذ إجراءات محدده:

ترد عليهم انك تبي حسابك يظل مفتوح

تسجل دخول

اذا تم تجاهل الايميل، او ما شفته

بعد 6 شهور سيتم حذف الحساب بالكامل، تخسر جميع محتويات الحساب

((( حذف الحساب لا يمكن عكسه بعد ما يتم )))

تعليقي:

مدري وش هدفهم، وش تفكيرهم …

بس جابوا العيد بشكل مو طبيعي 🤡

انا استخدم السوني نادر، اذا نزلت لعبه حصريه ما اقدر العبها او انتظر انها تنزل عالبي سي

انا ما فتحت حسابي من 2023 لاني عالبي سي

هل هذا يعني اني استحق اخسر كل شي دفعته بالحساب؟ حتى لو حسابي من 2007 ؟

متخيلين المبالغ الي اندفعت على مدى 20 سنه؟

العاب - اضافات - اشتراكات - تروفيز الخ…

كلها تختفي بدون سبب غير اني ما سجلت دخول ؟!!!

القصه بدايتها رهييييبه و حماس

القصه ضياع، نص المسلسل ما منه فايده

اغلب الحوارات حرفيا مالها اي اضافه للقصه من اي ناحيه

الشخصيات مافيها تطور، بالعكس، انحدار قوي

ما فهمنا شي عن العالم، مجرد نظريات غبيه و بدون معنى او هدف

اكثر شي ضايقني؟ التمثيل زباااااااااااااله

فيه شخصيات مسكوا خط بنظريات و يحاول 5 حلقات متواصله!

اخر شي يسحبون عليها بدون سبب واضح، بس كذا

مابي احرق لان توي شفت الحلقه الاخيره

I could not be more disappointed

I went to the showroom, tried it and loved it.

Talked to the salesman and asked him to send me a quote, and he did

It was 1010$

I looked in my local market, and found an account that goes to storage areas and buys equipment sold by companies that have been liquidated.

I asked for the price and he said 105$ + 15$ for shipping to my city ( 4 hour drive, I’m not going to pick it up and drive 8 hours back and forth )

I was about 80% sure it was a scam, maybe he’s gonna block me after I make the bank transfer

Or that he’s gonna send a chair that has been tanning for a few years

The chair looks and feels like it has never been used, no scratches or issues

I’m genuinely happy.

Talked to the seller, he said he has 5 others left, I’ll probably get 2 more for my brother and my friend.

Note: there is a 98% chance we’re not from the same country, or even the same continent, I’m not here to advertise or promote anything.

عندي مازدا CX5 2026 ( موديل 2025 بس عشان تاريخ الشراء صارت 26 🤷🏻‍♂️ )

مشت 10 الاف و وديتها الوكاله صيانه دوريه

بعد ما استلمتها بكم يوم، فجأه القير قام ينزل نمر بقوه و يعشق متاخر

و صار فيه اختلال بالrpm يكون متذبذب اذا السيارة واقفه ( بشكل خفيف جدا )

السيارة صارت كنها على sport mode طول الوقت، و احيانا توصل 4000rpm لين تعشق

حجزت موعد بالوكاله و بنفس الوقت حطيت بوست بريدت بمجتمع خاص بالcx5

رد علي واحد بمقطع يوتيوب قالي جرب و فعلا جربت …

السيارة رجعت هاديه، و القير سلس و خفيف و رجعت مثل اول يوم خذيتها!

تقنية Skyactiv ( السيارة يجي عليها ستكر من الخلف مثل الصورة )

فيها ميزة على حسب ما فهمت انها تدرس طريقة سواقتك، و تحاول تبرمج الطريقه هذي على القير و المكينه

اذا كانت سواقتك عفشه و تدعس بنزين بقوه مثلا، القير و المكينه بيصير اداءها عالي و استجابتها اسرع و اقوى

شخصيا؟ اكره الميزة هذي و اتمنى ان السيارة يكون لها نمط قيادة واحد مستمر،

نجي لحل المشكله!

المقطع هنا: الدقيقه 2:30

https://youtu.be/WmxDR_ZTNeI?si=5AE2-JGGPNtyq_uA

الطريقه هذي تخلي الكمبيوتر ينسى نمط القيادة الجديد ( اذا ما كان عاجبك ) و يرجع القير و المكينة للأداء الاساسي

الحركة هذي ليست خيار انك تطفي الميزه هذي، فقط انك تمسح القراءه المسجله لنمط القيادة

اتوقع لازم تسويها كل 10 الاف او اذا قرر السستم انه يغير نمط القياده

مو شرط نمط القيادة يتغير بعد 10 الاف، بس على الي قريته انه تقريبا حول وقت تغيير الزيت او كل عشر الاف النظام يطبق نمط القيادة الجديد

لاحظت ناس كثير تنفع معها الطريقه من موديلات 2018 و جميع الفئات من مازدا 3 الى cx90، المفروض انها تنفع مع اي موديل فيه ميزة Skyactiv

اكتشفت الحركه هذي و قلت لازم اي واحد معه نفس السيارة يعرف عنها، في حال صارت له نفس مشكلتي

Edit: اذا حابين اكتب لكم الطريقه بالعربي بكتبها بحيث انها تساعد الكل و تكون واضحه

Edit2: الطريقه مكتوبه بالعربي

تاكد ان السيارة مسخنه ( خذ فره بالحارة اذا كنت توك مشغلها )

القير يكون في الباركنق P اضغط فرامل بقوة وخلك ضاغط عليها طول فترة العملية **(لا ترفع رجلك **ابداً).

3. حوّل السيارة إلى وضعية الـ N(الفاضي).

4. طفّ السيارة.

5. حرّك القير إلى وضعية المانيوال بالناقص (- M) ( فوق ) وخلك معلق عليه لمدة 5 ثوانٍ.

6. بعد الـ 5 ثوانٍ، خلك مستمر بالضغط على وضعية المانيوال(-M) ( فوق )واضغط زر تشغيل المحرك (السيارة ما راح تشتغل، وهذا الطبيعي).

7. رجّع القير إلى وضعية الـ N(الفاضي).

8. اضغط زر تشغيل المحرك (المرة هذه راح تشتغل السيارة).

9. حرّك القير إلى وضعية المانيوال بالزائد (+ M) ( تحت )وخلك معلق عليه لمدة 5 ثوانٍ.

10. مباشرة حرّك القير إلى وضعية المانيوال بالناقص (- M) ( فوق ) وخلك معلق عليه لمدة 5 ثوانٍ.

((( اهم خطوه )))

11. راح تلاحظ إن صوت ضغط الماكينة (RPM) يرتفع الى فوق الواحد او 1000rpm و بيجلس كانك داعس بنزين لمدة دقيقه، وبتشوف شاشة القير بالعدادات مكتوب عليها "M" بدون** **رقم. هنا تقدر تترك عصا القير بس خله على وضعية المانيوال و انتظر لين يصير الرقم 1 و تهدا المكينه.

((( اذا ما تغير الRPM ولا شفت هزه بالسيارة و صوت المكينه ما ارتفع، طف السيارة و عيد الخطوات من 1 )))

12. أول ما يرجع صوت الماكينة (RPM) لوضعه الطبيعي، بتشوف الشاشة تحولت إلى "M1". وقتها حوّل القير إلى الـP وطفّ السيارة.

انا خلصت مسلسل ثاني، و فتحت صفحه مسلسلات بشكل عام، طفشان، ما كان عندي اي شي ببالي غير اني ابي اضيع وقت و انا بالسرير

شفت صورة البوستر و قريت الوصف الي يكون تحت الاسم يعطيك فكرة عامه

ف شغلته، ما شفت تقييمات او مراجعات ولا اي معلومات عنه

البداية كانت شوي بطيئة و الشخصية الأساسية ما بلعتها مره،

كملت الحلقه الثانيه … الثالثه … لقيت نفسي مخلص المسلسل بعد عشر ساعات بدون توقف 😅

تصنيف المسلسل: mystery + fantasy + comedy

طبيعة المسلسل: جزيرة عليها لعنه، فيه رعب خفيف، يشدك الفضول انك تعرف اسرار الجزيرة، و الكوميديا جدا subtle بحيث انه مو استهبال و تنكيت، تجي من لا شيء و توقيتها ممتاز و جدا حلوه

تقييم المسلسل 8.5/10

الشخصيات جدا رهيبه، و تفاجئك بعد كل حلقه

الي ما عجبني: حلقتين تقريبا كان فيه توقع عالي منها، بس ما وصلت للحماس المتوقع، بس بعدها يتم تعويض الحماس

تم الاعلان بشكل رسمي عن الموسم الثاني

المسلسل مافيه اي جنس او ايحاءات او تفصخ، ف اللي بيشوفه مع اهله مافيه خوف

انصح بمشاهدته لانه شوي غريب و مثير للاهتمام و جدا ممتع

بديت بالمسلسل الاساسي قبل شهر تقريبا ( Malcolm in the middle )

المسلسل حلو جدا،

لكن للاسف قصته كانت ثابته، مافي اي تطور بالشخصيات او حياتهم.

و نهايته كانت جدا مقطوعه و مالها معنى!

بعد 20 سنه نزلوا مسلسل قصير من 4 حلقات…

من ازبل ما شفت، حرفيا …

المسلسل عبارة عن اجيندا دعم مثل*ين بنسبه 90% ( فيه فلتر من المودز، غصب اسوي تشفير )

الشخصيات ما تطورت، ولا انجزت… صارت اسوأ 😀

المسلسل بالكامل مدري وش يبي، ماله هدف اصلا!

جدا مقهور اني شفت 7 مواسم و تحمست للمسلسل القصير عالفاضي

تمثيل زي الزفت، النكت مغسوله بغسالة اجيندا محشية حشي

حتى بقمة المقطع المشاعري الي المفروض يكون عن الابو Hal

صار متركز على البنت و كيف هي نون باينيري و مسكينه

اخ بس…

I had such high expectations, I have never been more disgusted and disappointed by a tv show 🥲

‼️ تعمل فقط على Xbox App ‼️

⚠️ ما تسبب بان او شادو بان او عليها اي مشاكل نظاميه ⚠️

توجه الى اعدادات الوندوز

اللغه و الوقت

الدوله او الريجن ( مثل مو موضح بالصورة )

اختر دوله New Zealand 🇳🇿

سوي ريستارت للجهاز

افتح تطبيق Xbox App

رح تقدر تشغل اللعبه

ملاحظه ⚠️

وقت النزول الرسمي بالسعوديه الساعه 12 الفجر بتوقيتنا.

بعض الاضافات ممكن ما تحمل او تشتغل لين ترج للريجن السعودي بعد الساعه 12 الفجر

بعد الساعه 12 الفجر، ارجع غير الريجن الى سعودي

ممكن يصير فيه لاق اذا دخلت اونلاين و الريجن متغير

يفضل انك تدخل و تلعب solo عشان ما تواجهك مشاكل اونلاين و تطور حسابك ( كل شي ينحفظ بعد تغيير الريجن ما يروح شي )

سيرفر الدسكورد السعودي لفورزا هورايزون 6:

https://discord.gg/r2jda2T9s

( ممنوع الهاكات / القرصنه / المودات )

السيرفر سعودي، لكن الجميع مرحب فيهم

نزلت فورزا 6 اليوم

و ابي اسوي مجتمع للاعبين فورزا، ندخل اونلاين، نتشارك tune share codes و نساعد بعض

هل فيه اهتمام؟

انا ناوي العبها الشهور الجايه بشكل مستمر و يومي، و عندي مجموعه ناس بيلعبونها اساسا، فقلت اسوي مجتمع و ندخل نستمتع باللعبه و نكون مجتمع لطيف ممتع و مفيد

اذا فيه اقبال، الحين اسوي المجتمع و احط الرابط هنا

Update:

تم فتح السيرفر https://discord.gg/r2jda2T9s