الموسيقى تقدر تولي ادمان حقيقي؟ وكيفاش الناس تعيش بلا سماعات؟
السلام عليكم
جماعة، حبيت نشارك معاكم حاجة راهي مقلقتني بزاف ونشوف إذا كاين ناس فاتو بنفس الشي ولا عندهم نصائح واقعية.
أنا عمري 28 داخل على 29 مسلم. الحمد لله نصلي ونصوم كيما أي شخص عادي، حتى ولو الخشوع تاعي ماشي دايمًا مليح.
المشكل تاعي هو الموسيقى. من صغري وأنا نسمع، بصح من2010 تقريبًا وليت obsessed بزاف خاصة مع pop music بعدما بديت نسمع , Katy Pery et Justin Bieber. ومن بعد دخلت فـ rap, rai, western, français, شرقي … كلش تقريبًا.
الموسيقى ولات جزء من حياتي بطريقة مبالغ فيها. نسمع كي نوض، فالطريق، فالخدمة، فالدار، كي نطبخ، كي نغسل، حتى فالدوش ولا مرات حتى فالطواليط. كي نغضب ولا نتقلق، الموسيقى تهديني بطريقة غريبة. مرات نحس روحي “سكران” بالإحساس تاعها من كثرة ما نندمج.
كي يخرج album ولا song جديدة تعجبني نولي obsessed بيها بشكل كبير ونبقى نعاود فيها ونفرح بزاف وأنا نسمع.
المشكل أني ما قدرتش نخفف منها مهما حاولت. وجربت بزاف حلول: • القرآن • Podcasts • دروس وخطب
بصح ما نقدرش نركز. بعد 5 دقايق مخي يروح لحوايج أخرى. وحتى كي نجبر روحي نسمع podcast ساعة كاملة فالطريق، نحس روحي غير سامع بلا ما نفهم.
بينما الموسيقى… تناسبني في أي وضعية. ضجيج، سخانة، تعب، concentration ناقص… ديما تخدم معايا.
وزيد رغم الخدمة، الرياضة، العائلة، والحياة عمومًا، نلقى روحي نسمع 3 حتى 4 ساعات يوميًا وأحيانًا أكثر.
الغريب أني ما عنديش addictions أخرى: • ما نشربش • ما ندخنش • وحتى الحوايج الأخرى نقدر نتحكم فيهم نسبيًا
بصح الموسيقى بالذات حاسها حاجة ما نقدرش نتحكم فيها.
السؤال تاعي للناس لي كانو هكدا: • كيفاش تعاملتو مع الموضوع؟ • واش درتو باش تنقصو التعلق؟ • وواش تديرو أصلاً كي تكونو وحدكم فالدار؟
يعني بصراحة أنا ما نقدرش نتصور نطبخ ولا نسوق ولا ننظف بلا headphones.
ومهم: من فضلكم ما تقولوليش “اسمع قرآن ولا podcasts” فقط، خاطر جربتها عشرات المرات وما نفعتنيش.
نحب نصائح واقعية من ناس يفهمو الاحساس هذا . :::