u/kenxo23

Di ko sure kung karemember pa mo atong naay nagshare na naay angkol na igsuon sa mama gipastay sa balay, ako diay to. Just a quick background no, again, 6 months kapin na siya diri ato tas wala jud siyay kusa mutabang tabang samoa. Gina-consider sad nako na basin naay psychological na effect ang stroke, but he seems pretty well na man gud, makabanat na gani tan-aw og bold di ba?

So yeah, mao to kusog siya mutan-aw og bold. Tabang tabang sa tagbalay sa chores ayaw? Tan-aw og bold oo?

De bitaw, the day after I posted my pahungaw here, giopen up jud nako sakoa Mama akoang aligutgot. Na about sa iyang habit tas how also it makes me feel na mura mi og nahimong katabang sa among kaugalingong balay. Naa akoang ate ato pag open nako tas agree jud siya kaayo sakoa. Giingnan jud nako akoang Mama og “Okay ra kaayo sakoa na naa siya diri, Ma basta kay nakita nako na naa siyay kusa maski siya man lang manglung-ag, ultimo gani panilhig di mabuhat. Dili na siya makabalo mutindog sa iyang kaugalingong mga tiil if diri ra na siya permi.”

Mao to gihinay hinay niyag storya akong angkol pagka gabii na ipaayo na ang balay sa amoang lola (didto siya gastay before pagstroke niya kay wa nay tao didto).

Tas gi after almost 3 weeks, na okay na tas just today, nihawa na siya. Kabalo ko na bad ko paminawon if muingon ko nga nahappy ko kay nihawa na siya, pero I dont want to keep ungrateful people around eh. Specially kanang maka-stress sakong Mama ug Papa na parehas na sad senior. Mao lang to akong short update about ato. Kay naa toy niingon na mag update daw ko if ever. Ingat mo!

Edit: *STROKE VICTIM

For context, partially paralyzed akoang angkol (magulang sa akoang Mama) tungod sa stroke. Sa amoa siya gipastay sakong Mama kay di siya dawaton sakoang mga ig-agaw (anak sakong angkol) kay di siya present most of the time sa ilang life kay nagpakaulitaw og kinabuhi. Makalakaw siya pero di niya malihok iyang isa ka kamot. 6 months na siya nagstay samoang panimalay pero grabe wala kay makita na willingness na tabangan iyang kaugalingon. Walay progress sa iyahang estado. Badlungon na bawal ni or kana kaunon, di maminaw sakoang Mama. Ga-trabaho ko mabuntag, akoang Mama kay 61 and edad ug akong Papa kay 63, akong angkol 63 or 64 pud.

Makapungot lang kay taga-abot nako sa balay gikan duty, makita nako akoang duha ka ginikanan na maoy mag digamo knowing na tigulang na sila pero siya nag selpon selpon ra! Tapulan na halos kaugalingon kinan-an, di niya mahugasan. Walay ginalihok pero mas siya ang dako kaayog kaon samoa.

Ang isa sa pinaka-lagutan nako kay wala na siyay ginabuhat sa balay, kusog pa kaayo mutan-aw og b*ld (CORN)! Naay kas-a na nagmovie ko sa among tv, iyang gi-screencast iyang gitan-aw (naa siyay napindot).

Isa pud ka incident kay kusog kaayog ulan ato tas naay tulo samong kusina na murag magbaha na samong balay kaming tulo sakong Mama ug Papa nagkabuang na og trapo, pero siya chill ra kaayo nagtan-aw og b*ld (CORN)!

MAPUNGOT LANG KO KAY MURAG NAHIMO MING KATABANG SA AMONG KAUGALINGONG BALAY! NGANONG MURA'G KAMI ANG NAGBAYAD UG NAG-ANTOS SA MGA KASAYPANAN NIYA SA UNA?!

I tried to understand and show compassion sa iyang sitwasyon, pero I guess 6 months is sobra na! Gitagaan nako og chance na basin magbag-o siya, pero hantod ron wala koy nafeel na kaikog gikan sa iya, nga kami lihok sa balay pero siya gaselpon-selpon ra. Naingnan na nako akoang mama about sakong hinaing og giingnan nako na "Ma! Dili na siya makatuon og barog sa iyang kaugalingon tiil if diri ra ni siya permi. Mura ta'g katabang satong kaugalingon balay." Tas murag naka-realize siya sakong giingon.

Kinsa diri naay nahibal-an magrepair og iPhone 5S? Battery ang daot. Ipaayo unta nako kay plano nako himuon og digicam tas naa siyay sentimental value sakoa kay mao akoa first iphone hehehe. thanks!