u/lilac_black25

Are there any differences between this two books in the photo?

اليوم قلت بدي اروح للدكان اشوف شو رح تحكي و قلتلها ماما دروح اشتري بزر قالتلي روحي و انتبهي لحالك و لا تتأخري و جيبي معك قنينتين مي قلتلها بدك اجيبلك اشي حكتلي إذا لقيتي بوظة قلتلها تمام و لبست و طلعت و سكرت الباب معي بالمفتاح و رحت اشتريت بكل راحة و رجعت كثيير مبسوطة و حكتلي يسلمو ايديك على البوظة و هي صور

عشان تفهموا الموضوع رح احكي شوي هسه انا انمنعت اطلع لحالي إلا لازم الأب أو اخوي معي تمام يعني عادي اروح للمدرسة مشي لحالي بس اروح لدار خالتي إللي بنفس طريق المدرسة بس اقرب قال لا لازم حدا منهم يكون معي و التمشاي بمزاجه طبعا صح كنا نطلع للعاصمة و مولات و مطاعم طبعا كله على حساب أمي بس دايما لاازم مع العيلة و ممنوع أفوت لمكان لحالي وصلت الصورة تمام.

بشهر ٩ من ٢٠٢٥ امي رفعت قضية خلع و صارت احداث و قصص المهم إنه هي خلصت العدة بنهاية ٦ و ببداية شهر ٧ طلعنا انا و إياها نصيف بالعاصمة و طبعا بتخليني أنا إللي أحكي و أحاسب و أطلب و أحكي مع السيارة و انزل للمندوب و بتوقف بعيد و بتتركني لحالي أتصرف و أطلب (في مواقف كثير حلوة زي هيك تصرفت فيها لحالي إذا بتحبوا أحكيها) و بنت خالتي ساكنة بنفس المكان فهي بتطلع بنتها ١١ سنة عشان تجيب صحن الأكل فأنا إللي بطلعلها و بقطع الشارع و كثيير مبسوطة و أحلي موقف كان قبل اكم يوم لما روحت انا و امي و ما كان في خبز فحكتلي إنها رح تروح تجيب قلتلها هيك بتطلعي لحالك ليش انا لا حكتلي خلص ماشي روحي جيبي و هي مش كثير متطمنة خافية علي لأنه ما بنعرف حدا هون و أنا على مسؤليتها بعد الانفصال(بحكيش مع الأب) طبعا طلعت لحالي حرفيا و عملت كل المشوار لحالي مع إنه ما تعدا ال١٠ دقائق بس كنت مبسوطة و اليوم حكتلي لحالها بس تخف الشمس روحي جيبي خبز و لبنة و كم غرض و إذا بدك شيء اشتري طبعا انا نزلت هاي المرة بكل رواق و رحت جبت الأغراض و حكيت مع تبع السوبر ماركت و سألته و حاسبت و روحت كثيير كان احساس ولا اروع و هي صور لمشوار اليوم

لقيت وصفة على حساب انستا من هذول الوصفات إللي مكوناتها صحية و قليلة و قررت أجربها و جد طلعت زاكية اقيمها ١٠ من ١٠

حطوا المقادير زي ما هي لا تزيدوا ولا تنقصوا

3 ملاعق طحينية

3 ملاعق دبس

2 ملعقة كاكاو

بيضة

ملعقة بيكنغ باودر

فانيلا حسب زفارة البيض

ملعقة صغيرة خل

شغلوا الفرن على حرارة ١٨٠ مسبقا و تنببيييه كل حدا و الفرن إللي عنده بالنسبة للمدة جد بتفرق

اخلطوا البيض مع الفانيلا و الخل كويس، و بعديها ضيفوا باقي المكونات كلها، رح تحسوا أولها إنه الكاكاو زيادة و ما بتنخلط عادي ظلكم حركوا و رح تمتزج، و الخليط ما بكون متماسك زي الكوكيز العادي لا بكون زي العسل قوامه

جيبوا صينية و حطوا عليها ورق زبدة نصيحة صغيرة عشان ما يغلبكم ورق الزبدة بس تقصوا حجم الورقة إللي بدكم إياها اكمشوها زي لما تعملها بالورق هيك بتصير أسهل بالفرد و حطوا على الصينية شوية مي خفيفة يعني بلبلوا ايدكم و انثروها على الصينية و بعديها حطوا ورق الزبدة و جيبوا الملاعق المعيارية أو زي تبعت البوظة أو ملعقة أكل و صبوا من الخليط بالصينية زي البان كيك و خلوا بينهم مسافة لأنهم رح ينفشوا و حطوهم بالفرن تقريبا ٧ ل١٠ دقائق

خليكم عند الفرن و ظلكم اتفقدوهم رح تحسوهم هشيين كثير و زي كأنهم مش متماسكين بس عادي بس تحمروهم بمسكوا و همه بالأصل بظلهم زي الكيك القوام و بالعافية

ملاحظة صغيرة إذا حرقتوهم رح تحسوا بتسمم زي ما صار معي و سسسسكرا

مبدئيا بتستاهل السهرة طعمها زاكي الحشوة نكهتها قوية بين الحلاوة و الحموضة و ذايبة ذوب شغل العجينة سهل كثير و بتمد بسهولة طعمها خفيف بس ما حسيتها استوت من جوا يعني الأرضية إما لأنه الفرن حامي أو كانت خميلة بزيادة بس طرية و بنفس الوقت فيها صلابة و بندمج مع الحشوة بشكل رائع.

الحشوة ٩ من ١٠، طعم العجين ١٠ من ١٠، استواء العجينة ٧ من ١٠، سهولة الشغل ١٠ من ١٠.

جربت اعمل فطيرة تفاح و هاي شكلها قبل ما تدخل الفرن و الحشوة و هي فاضية

اليوم عمر مشموشة ١٣ يوم و الحمدلله بلشت تكبر و تتفاعل بشكل قوي بعد ما كانت هادية و صارت ريحتها كثير حلوة و زاكية، بس لسا طعمها حامض و أتوقع شوية مرار فلساتها مش جاهزة تماما.

كميتها صارت كثير كبيرة و أكلها هيك رح يزيد و رح تطلع من المرتبان؛ فعشان ما اكب منها رح احط جزء كبير من الكمية في مرتبان ثاني و اغلقه منيح و في الثلاجة.

اليووووم هو اليوم العاشر من مشموشة و اخيرا بلشت تكبر طبعا هي كبرت مرة وحدة فجأة ارتفعت خلال ٣ ساعات بعد ما طعميتها

المطاط هو المكان إللي كانت فيه قبل ٣ ساعات و بعد الاطعام و الخط البرتقالي هو المكان إللي صارت فيه هسه فخوووورة جدا إنه زبطت

طبعا بعد فضل الله هو بفضل دعوة امي حرفيا طول ال٩ أيام كانت ساكتة حرفيا و بطعميها و ما بحسها بتتغير و حتى كنت أحسها تنكمش أكثر و يا دوب فقاقيع من يومين او ٣ طبعا امبارح كنت بدي أطعميها وطلتها من الغرفة و حطيتها على رف فوق الغسالة و نسيتها و بالليل كنت نعسان فقلت خلص بطعميها بكرا، امي امبارح بس دخلت للغرفة إللي كانت فيها الخميرة و ما شافتها صارت تدعيلي إنه تزبط عشان حست إني تكدرت و إنه ما في شيء يدل إنها ناجحة و سبحان الله اليوم الصبح بس حركتها قبل ما أطعميها حسيتها متفاعلة و هسه بس اجيت اتفقدها لقيتها طلعت مرة وحدة

هاي المرة قررت أعمل صور لخرفان صغيرة و اعلقها و ألزقها بالصالة و على داير ما يدور الطاولات و باب البيت.

ممكن أعمل واحد كبير A4 و اعلقه بالواجهة؟ و ممكن أعمل الربطة تبعت الهدايا و اميد ايديها و ألزقها على محيطه؟

شفت بوست لبنت كانت بدور على سنسال بشكل بجعة بس مش عارفة إذا كان بهذا الصب بس بالصدفة طلعلي إعلان عن نفس الشكل إللي بدها إياه بس بعرفش إذا هو فضة

Bonita_Jewelry3

هذا اسم الحساب

متحمس كثير لرحلتي مع مشموشة و تربايتها

زاكي بس نسيته شوي فاتحمص زيادة بس ظل خرافي تجربة اقيمها ١٠/١٠

إدماااان و زابطة كثيييير