لما اقلب في انستقرام واشوف الصور هذه اجلس اتخيل ان هذا بيتي واجلس اعدل الاثاث براسي . نفسي اسكن في بيت زي كذا. خصوصا التصاميم اللي فيها نوافذ كبيره . احسن من الاقفاص اللي ساكنين فيها افتح الشباك اشوف غرفة جارنا وممكن يسوي مشكله يحسب اني اراقب اهله ☠️.
افكر اشتري السويتش ٢ . ولكن ماابغى ادعم نتندو الطماعه وناوي اشتري كل شيء مستعمل. بس انصدمت من اسعار الالعاب المستعمله في حراج يعني مثلا لعبة سوبر سماش صدرت في ٢٠١٨ ومبيعاتها كثيره جدا يعني ماهي نادره وسعرها مستعمل ٢٠٠ ريال ؟! سلامات . هذا غير الالعاب الثانيه اغلبها سعرها فوق ال١٥٠ مستخدم حتى لو نزلت عام الفيل.
دوبي ختمتها واقدر اقول عنها وحده من افضل حصريات سوني بلا منازع ابداع في تصميم المراحل ومتعه في القيم بلاي. اعتقد انها حتى الان افضل حصريه سوني ٥ ومتأكد انها بتكون من ضمن افضل ٢٠ لعبه في التاريخ عندي. عيبها الوحيد لو يتركوا حركات اطفال نتندو واحرك اليد يمين يسار اكره الموشن كنترول .
Cant stand playing the retro games on 4:3 ratio.
Wide screen for the win.
ختمت الدن رينق ومستغرب الناس تقول انها اصعب زعيم ومدري ايش هزمتها من اول محاوله وبدون مااسوي شيء
قبل لا ادخل استدعيت واحد اونلاين وجلدها بدون ماتلمسني ولا لمسه . سهله مره .
ابغى اعرف هل مستخدمين حراج طبيعيين ولا ايش فيهم
تحس تتعامل مع فضائيين. يعني انا كاتب مواصفات السلعه كامله والسعر يجيني في الخاص يقلي بكم ؟ ولا اللي يخسف بأم السلع ويقلك صامل. عندي منتج كويس وحطيت السعر ١٠٠٠ ريال . ويجيني في الخاص يقلي ٣٠٠ صامل ؟!☠️. مع ان والله سعري يعتبر صيده اصلا . ولا اللي يقلي خلاص بجيك اليوم وانتظره ولا يجي ولما اسأله بتجي يقول لا كنسلت 😤. يقهروا
حتى التقييم يبخلوا فيه بعد مااسلمه السلعه اقول له بالله حط التقييم اللي تشوفه مناسب لاهنت. يقول ابشر ويروح ولا يقيم
ولما ارسله كتذكير يطنش.
كنت امشي في مخطط واسع وفيه ناس وأثناء المشي شفت وحدة واضح انها ماهي كبيرة يعني يمكن ٣٠ او اقل .معاها اغراض كثيرة وواضح ثقيلة والبقالة كانت بعيدة وهي في نص المخطط راجعه بيتها وشايلة الاغراض ففكرت اني اعرض عليها المساعدة بس خفت تحسبني متحرش او اللي جالسين يحسبوني ابغى اشبك فقلت خليني في حالي بعيد عن المشاكل احسن. بس والله حسيت بتأنيب الضمير واضح انها كانت تعاني من ثقل الاغراض. فهل ممكن البنت تقبل مساعدة ولا يخافوا ؟
للبيع وي يو اسود بحالة جيده جدا ( الجهاز مليان خدوش على الطبقة الخارجيه بس ابدا مايأثر على الجهاز) + يد برو + ٢ وي موشن
واحد منهم مع قطعة خاصه + ١ نون تشك + ٢ كفرات للوي موشن + 5 العاب ( ماريو ميكر - نيو سوبر ماريو بروز - ماريو كارت ٨ - دونكي كونتري تروبيكال فريز - كابتن تود ) بدون سلك hdmi.
المطلوب ١٠٠٠ ريال .
مثل ماهو واضح في العنوان بطائق ريزدنت ايفل للبيع.
قابله للعب او الاحتفاظ بها ككوليكشن او ذكرى.
السعر ٤٠٠ ريال سعودي .
ياجماعة صارت لي مشكلة غبية وتورطت لعبت الدن رينق وكان لفلي ١٩٥ وعندي كل الاسلحة والدروع ( على سوني ٤ ) لما اشتريت سوني ٥ قررت ابيع الفور ومسحت حساباتي ونسيت ارفع التخزيات وكل شيء راح ( كل الالعاب ) بس مقهور على الدن رينق مالي خلق ارجع اعيد كل شيء من جديد كنت لاعب فوق ١٠٠ ساعة . قريت فيه ناس يقدروا يعطوا سولز للتلفيل فهل فيه احد يقدر يساعدني بذا الشيء ؟
انا جسمي مربرب مو متين وعمري في الثلاثينات واتمنى انحف
ويكون جسمي متناسق ولا احب النادي فأسوي تمارين HIIT للمبتدئين من يوتيوب لكن لما اتمرن حرفيا احس اني بموت قلبي يدق كأنه بينفجر نفسي ينقطع عضلاتي تنحرق. وثاني يوم كل جسمي يؤلمني فسؤالي كيف تتحملوا التمارين ؟
اولا: اغلب الروايات اللي ابغاها غير متوفره قي كندل العربي 😑.
ثانيا: اسعار كتب كيندل الانجليزي ارخص من العربي 😑.
ثالثا: كنت اعتقد اني اقدر احول ملفات الpdf الى epub وتشتغل طبيعي لكن لا ماتغير شيء كانها pdf مااقدر اكبر الخط.
والان الجهاز مرمي في الدرج مااستفدت منه ابدا .