ಮೊನ್ನೆ ಬ್ಲಾಸಮ್ ಗೆ ಹೋದಾಗ ಮಲೆಗಳಲ್ಲಿ ಮದುಮಗಳು ಇಂಗ್ಲೀಷ್ ಅನುವಾದದ ಕವರ್ ಪೇಜ್ ನೋಡಿದೆ. ಬಹಳ ರಿಪ್ರೇಶಿಂಗ್ ಎನಿಸಿತು. ಕನ್ನಡದಲ್ಲಿ ಆ ಪುಸ್ತಕ ಹಲವಾರು ಮರು ಮುದ್ರಣಗಳನ್ನು ಕಂಡಿದೆ ಆದರೂ ಅದರ ಕವರ್ ಪೇಜ್ ಯಾಕೆ ಬದಲಾಗಿಲ್ಲ ಎಂಬ ಪ್ರಶ್ನೆ ಹುಟ್ಟಿತು. ಇದೇ ರೀತಿ ಕನ್ನಡದ ಹಲವಾರು ಅಗ್ರ ಪುಸ್ತಕಗಳ ವಿನ್ಯಾಸ ಹಾಗೇ ಉಳಿದು ಬಿಟ್ಟಿದೆ. ಈಗ ಅದೊಂಥರಾ ಆ ಪುಸ್ತಕಗಳ ಗುರುತೇ ಆಗಿ ಹೋಗಿದೆ.
From the limited experience of reading screenplays, The Substance screenplay is the one of the best ones. I am surprised how the writer used font size to convey emotions. It was like a eureka moment for me. Attached are some examples, you can read the screenplay for free on the web.
ಜೆಯಮೋಹನ್ ಅವರ ಕನ್ನಡ ಅನುವಾದ "ತಳಾತಳ" ಪುಸ್ತಕ ಓದಿದ ಮೇಲೆ ಅವರ ಬರವಣಿಗೆ ಬಹಳ ಇಷ್ಟವಾಗಿಬಿಟ್ಟಿತು. ಆ ಪುಸ್ತಕ ಓದಿದ ಮೇಲೆ ಅವರ ಪುಸ್ತಕಗಳ ಅನುವಾದದ ಸುದ್ದಿಯ ಮೇಲೆ ಯಾವಾಗಲೂ ಒಂದು ಕಣ್ಣು ಇರುತ್ತಿತ್ತು. ಇತ್ತೀಚಿಗೆ ಇನ್ನೊಂದು ಪುಸ್ತಕ ಕನ್ನಡಕ್ಕೆ ಅನುವಾದವಾಗಿದೆ, ಅದೇ "ಆನೆ ಡಾಕ್ಟರ್ ಮತ್ತು ಇತರ ಕಥೆಗಳು".
ಮೊದಲೇ ಹೇಳಿಬಿಡುತ್ತೇನೆ, ಅನುವಾದ ಇನ್ನೂ ಸ್ವಲ್ಪ ಅಚ್ಚುಕಟ್ಟಾಗಿ ಇರಬೇಕಾಗಿತ್ತು. ಆದರೆ ಇಲ್ಲಿನ ಕಥೆಗಳು ಅನುವಾದದ ತೊಂದರೆಗಳನ್ನು ಮೀರಿ ನಿಲ್ಲುತ್ತವೆ ಮತ್ತು ತಟ್ಟುತ್ತವೆ. ಜೆಯಮೊಹನ್ ಅವರ ಕಥೆಗಳನ್ನು ಓದಿದಾಗ ಅವರು ನೋಡುವ ದೃಷ್ಟಿಕೋನವೇ ಬಹಳ ಹೊಸತು ಎನಿಸುತ್ತದೆ. ಅಂದುಕೊಂಡ ಹಾಗೆ ಇಲ್ಲಿಯ "ಆನೆ ಡಾಕ್ಟರ್" ಓದಿದ ಮೇಲೆಯೂ ನೆನಪಿನಲ್ಲಿ ಉಳಿಯುತ್ತದೆ ಮತ್ತು ಚಿಂತನೆಗೆ ಹಚ್ಚುತ್ತದೆ. ಊಟದ ಲೆಕ್ಕ ಮತ್ತು ಧರ್ಮ ನನಗೆ ಹಿಡಿಸಿದ ಇನ್ನೆರಡು ಕಥೆಗಳು.
ಅವರ ಬಗ್ಗೆ ಹಾಗೆ ಹುಡುಕುತ್ತಿದ್ದಾಗ ಗೊತ್ತಾಗಿದ್ದು, ಅವರ ತೊಂಬತ್ತು ಪ್ರತಿಶತ ಬರಹಗಳು ಅವರ ಬ್ಲಾಗ್ ನಲ್ಲಿ ಉಚಿತವಾಗಿ ಓದಲು ಸಿಗುತ್ತವೆ ಎಂದು. ಇನ್ನೊಂದು ಅಚ್ಚರಿಯೆಂದರೆ ಜಗತ್ತಿನ ಅತಿದೊಡ್ಡ ಕಾದಂಬರಿಯೆಂದು ಹೆಸರಾದ "ವೆಣ್ಮರಸು" ಕೃತಿಯನ್ನು ದಿನಕ್ಕೆ ಒಂದು ಅಧ್ಯಾಯದಂತೆ ಆರು ವರ್ಷ ಸತತವಾಗಿ ಬರೆದು ತಮ್ಮ ಬ್ಲಾಗ್ ನಲ್ಲಿ ಪ್ರಕಟಿಸಿದ್ದಾರೆ. ಈ ಕಾದಂಬರಿ ಮಹಾಭಾರತದ ಮೇಲೆ ಆಧಾರಿತವಾಗಿದ್ದು ೨೫೦೦೦ ಪುಟಗಳಷ್ಟು ದೊಡ್ಡದಿದೆ.
ಅಂದಹಾಗೆ ಈ ಪುಸ್ತಕ ಬಿಟಲ್ ಬುಕ್ ಶಾಪ್ ವಿಜಯನಗರದಲ್ಲಿ ಲಭ್ಯವಿದೆ.
Someone built this interesting website, which loads random pages from old Kannada Magazines. Great way to explore our literary heritage.
https://kannada-archive.netlify.app/i/hosathusamputa110000unse\_c0y3/43