u/nima_nmanm

انا محافظات و ماكو سكن مؤثث بالمحافظة الي ادرس بيها و ما اريد اقسام ف سولفولنه هل الفنادق خيار جيد و شلون جانت تجربتكم و هل هي مناسبة للبنات ؟

من جنت صغيره جنت اضغطهم من جهه و هسه كلهم عوج و شكلهم مو منتظم شي مربع شكلهم شي بيضوي و ما اعرف ابردهم و اهم شي اهمم شيي شلون اعدل الاظافر المعوجه

شوفوا انا بنيه كلية مرحلة اولى و ويانه طلاب تحميل ف واحد ولد يعني كتب بالكروب انو يريد واجبات و اذا ما دزوله راح يرسب و مدري شنو ف انا طبيتله بالخاص كتله ما عندي بس الموضوع الفلاني و دزيتله ف كلي انت ارقى طالبة و كلهم يكلولي ما عدهم و مدري شنو و وراها ظل يسئلني على غير مادة و جنت اساعده ادزله ملاحظات واجبات هيج لان كسر خاطري المهم وراها ظل يسولف سوالف عشوائية موت و انا وحيدة حيل بالكلية ما عندي صديقات ف جنت ارد علي املي وقت هيج بس هو الظاهر فهمها غير شي و يلمححح ف هسه انا افكر اذا اعترفلي شسوي انطي بلوك لو شسوي و طبعا اعرف الخطأ كله خطأي لان اولا ليش دزيتله و ثانيا ليش انطيته مجال يسولف و ارد علي و اسولف انا بس هسه شسوي انا ما ادخل علاقات و مدري شنو بس اريد هيج نسولف و هاي هي ( راح اموت من الكرنج مال السالفة بس والله ما عندي احد اسئلة )