u/no_2sn

معقوله كل الدمنهوريين مسلمين ومسيحين

​**الجريمه (نجيب محفوظ)** قرأت القصه الاولى فقط بالمجموعه القصصيه (المطارده-المسرحيه)

الجريمة الوحيدة اللي كانت برواية نجيب إننا عالقين في نفس الحالة من السبعينات، بل وإن في عصرنا أصبحت الفئة اللي بتتكلم بنفس طرح نجيب (او الاقرب لطرحه) إنها فئة مختارة مع إنها بتتكلم بفكر بدأ في السبعينات " ان مكنش قبلها " ومش قادرين يتخطوه.

نجيب عرض المشكلة بطريقة هزلية ومجردة تبعا لاسلوب كتابة الروايه (اسلوب تجريدي هزلي عبثي) ، دا على الاقل مقبول بطريقه ما لان نجيب حاول يوصل مدى سخف مشاكل البشر الي من قيام الحضاره وهما بيعيدو ويزيدو فيها وهو اعتمد الاسلوب التجريدي عشان يوضح مدى التكرار الي احنا فيه

ومشكلتي مع نجيب انه بيعرض المشكله من الاساس بس هو معذور لانه شخص عايش في السبعينات وفي بداية الصدمات الاخلاقيه والمسائل الفكريه الثوريه

بس مشكلتنا الأكبر إننا حاليا بنعرض الموضوع (المشاكل) بطريقة درامية، يعني (كمثال) فئة المسلمات المفكرات اللي بتسأل دايماً: (أنا عارفة إن الله فرض الحجاب ، التعدد(اباحه) بس ليه بجد إيه الحكمة)، دا مثال – ملايين ألامثلة موجوده–.

لما نكون في 2026 ولسه بنطرح مشاكل ميتة اتسلخت شرح وتدليس وترقيع وشرح ولف ودوران

حرفيا كل المشاكل الي في عقلك في خمسين الف شخص اتكلم عنها باي اسلوب ممكن تقبله

ومع ذلك لسه بنختار نعرض المشكله عشان نحس اننا تنويرين ومثقفين

فبدل ما تتعبونا بالمشكله مثلا ايه رايكم تعترفو بيها ونبدا ندور على حلول

هي دي الكارثه انهم بيطرحو المشكله عشان عايزين ينكروها

وكل المواضيع دي بتسحب في ديلها مواضيع تانيه كتيره زي التكرار والتفاخر بالهرم الاخلاقي والتفاخر بتتبع تريندات نصر الافكار الاخلاقيه تحت مسمى انا مسالم

حتى ولو مسالمته تتعارض مع معتقداته الخاصه بس هو هيقرر يتتبع الهرم الاخلاقي

ودا ولدلنا فئة السلفي الوهابي المراهق

الي بيتنمر على نفس فئة المراهقين المفكرين

وكلهم بيتلاقو في نقطه واحده ان محدش فيهم عنده افكاره الخاصه