صايره مااطيق احد واشوفهم كلهم يستغلوني ويستعملوني لفتره محدده من الوقت خصوصًا الاقارب وصحباتي بعد مايجوني الا وقت الفضاوه وانا مني فاضيه الصدق ووراي اشغال لكن والله افضي نفسي عشانهم لكن هم فعليًا احسهم مايستحقون وقتي صرت انغث منهم كلهم فجاءه ولا والله اني احبهم كلهم
لكن فيه اشياء فيهم تبين لي انهم مايجون الا بالوقت الي يبونه مايسألون ويكلمون الا وقت انهم يحتاجوني
ابغى حسابات تيك ويوتيوب تعطيك نقلات وتكتيكات وتعلمك الاساسيات
اهخ والله ياخي سوالفي رهيبه وتضحك ليه لما اجي بسجل فويس واكمل السالفه يقفلون السالفه بضحكه ولا ستيكر ويطلعون من المحادثه 😔😔 حرام عليكم ياخي
فيه ناس كثير اشوفهم طبعًا غير جامعه البترول يقولون فيه جامعات ارسلو لهم قبول وزي كذا شلون مافهمت الفكره
ايش افضل مصدر للستيب؟ وكم مده المذاكره ؟ واذا كان فيه جدول يكون افضل
الي اختبر يقول تجربته
فيه ناس مهما تسوي فيهم جميل وتكرمهم هم كذا طبعهم وصخ يعني اجيبلك واكرمك تقولين لي ليه ماجبتي من المحل الفلاني طعم حلاهم افضل ؟ ماتبين كنتاكي بعد؟ يلا مناك بس
ماقد جربت ذا الشعور الصدق لان دايم الي اطيح فيهم يا مصلحه يا بلاخير انا ابعد او هم يبعدون، او اعتقد اني فاشله بتكوين الصداقات لان صحباتي يسوون قروبات بدوني ويخرجون ويصورون لي او يمكن عشاني ما اندمج معاهم بشكل تام او اني بعض الاحيان مااهتم للرد كثير بس برضو اعزهم لكن الشعور سيئ شوي ، والصراحه مو بس صديقات برضو اقارب دايم احس لما اقابلهم يكون بس عشان ينبسطون بالطلعه مو عشاني انا وبرضو ما احسهم يستمتعون لما يسمعون سوالفي ، مو اني مااعرف اسولف او سوالفي بايخه بس يمكن بيئتي غير
انتف رموشي 🫰🏻 اييي نعم انتف رموشي وماادري وش اسوي طفشت حرفيًا احط ماسكرا واروح انتفها وابغى افتك من العاده الخايسه ذي بس اسويها لا ارادي
المشكله الدرجه الي جبتها شينه مره من اختبار الورقي ولي وجه اسأل
مني قادره احس حتى وانا اضحك مني مرتاحه ياناس هم الاختبار فوق راسي مره يعور ، عمومًا انا باقيلي ٨٦ قسم من اللفظي ومني عارفه كيف اخلصها ونفسيتي خياس ماسويت شي من ناحيه الكمي ايش اسوي اختياري باقي عليه اسبوع
احطونا اسرار ونصايح فعليًا استفدتوا منها للدراسه وانبسطتوا علينا وزاد انجازكم بوقت قصير ويبقى من يومكم شي للترفيه