ما بعجبني كيف كتير شباب ما بنادوا مرتهم باسمها جدا شيء مقزز يعني الاسم مش اشي عيب نحكيه
يعني ممكن يحكوا عنها اي اشي ولا يحكوا اسمها!!!!
بحكوا حرمة / ام العيال/ ربة المنزل ….
او حدا بدور على بنت يتزوجها فبحكي عنها المستورة؟ !!!!!!
بتقدرش تحكي زوجتي المستقبلية او شريكة حياتي؟
جد بحس بدهمش يتطوروا هالفئة ويطلعوا من داء الرجعية والتخلف؟
معلش عالاسلوب بس فعلا بكره هالالقاب الي بدون ادنى داعي
البلد الي حابيين تزوروها -مؤخرا صرت احب الصين بشكل مش طبيعي بتخلط بين الحضارة العريقة و المدن الجميلة والطبيعة الخلابة غير انه الناس لطيفين حسب تجارب كتير ناس و الاحترام و النظافة الي عندهم اياها
لو جربتوها شو اكتر نكهة عجبتكم؟
مؤخرا جربتها لاول مرة بنكهة المانجا وكانت زاكية ومنعشة
كيفكم يا عسولات؟
بدي اسالكم شو اشياء بسيطة عملتوها وحسيتوا جد عملتلكم جلو اب بشكلكم؟
انا لما صرت البس شال مودال حسيت صار شكلي الطف لانه ناسب وجهي اكتر من الجورجيت
انتوا احكولي شو عملتوا؟
ليه ما بصير في مادة ثقافة جنسية بالمناهج؟ يعني ليه هاد الموضوع كتير مهمل وكل الناس بتتجنب تحكي فيه وتوّعي فيه المراهقين؟
صرت اشوف انه موضوع مهم بس بنفس الوقت منفوخ بالتخباي بالنهاية هاد اشي طبيعي
يعني من اوائل الاسئلة الي بتخطر للطفل وبسألها لاهله انا كيف اجيت؟
فليش جد ما نحكي بالموضوع بشكل محايد ونوعّي الناس عنه؟
لانه قلة الوعي بهالموضوع سببت كتير اشياء سيئة
احكولي رأيكم بشكل سلمي و موضوعي لو سمحتوا
زاكي كتير وبستحق التجربة و سعره كتير مناسب
اجى ببالي تساؤل انه هل فعلا افكارنا و وجهة نظرنا هي ملكنا؟ ام هي فقط متأثرة بالفكر المجتمعي وتفكير الناس الي حولنا؟
في احد المواضيع شفت فيديو قصير عنها و شفت الكومنتس وانصدمت كيف نظرة الناس للموضوع بعيدة عن شو فكرت كتير و بعد بفترة حكت اختي اشي واكتشفت قديه انا كمان كانت نظرتي بعيدة عنها
الموضوع رجع انفتح اليوم واذ به اكتشف اني بعيد حكي اختي تقريبا بصيغة اخرى وقبل شوي خطرلي هل هاد فعلا تفكيري و وجهة نظري؟ او انه فعلا ما فكرت بالموضوع وتبنيت رأي حدا تاني بس عشان اشارك بالنقاش ويكون الي رأي؟
كتير عادي ما يكون عنا رأي بموضوع يعني طبيعي موضوع ما فكرت فيه كفاية ما تكون كونت رأيك حواليه
احكولي شو بتفكروا بهالموضوع؟
حاولت اعمل بيتزا واتبعت وصفة والعجينة ما زبطت وبابا بده عجين بطحين الحبة الكاملة حسبي الله بالطيبات بس
فضفضة عالسريع اضحكوا عليها او واسوني😔
As a girl who is her way of thinking is far away from people i find it hard to find someone in real life so do you think here is a place where i can find the one?