u/rugei1

اني كـَ مراهقة توني خلصت امتحانات الثالث ، صار سنتين تغيرت اني واهلي بس شلون ، بداية اني راح احچي والشكوى لغير الله مذلة بس لأن هنا محد يعرفني اني منو ، شوفوا يعني قبل سنتين ماما بدأت تتغير نگول عادي لان توها جابت اختي وهرمونات وكذا ، ماما من النوع العصبية لكن حنينة ، وبابا عصبي ومتدين حيللللل وميتفاهم بس كذلك حنون ، اشو اثنينهم انگلبوا ، ماما سابقًا مچانت تغلط علينا حتى لو سوينا خطأ اني واختي ، مثلا دگول انچبي اكلخرا مطية غبية ثولة ، حدگولون وذا كلمات عادية ، احنى من تربينا ما تربينا على هذا الاسلوب شيء اكيد انو راح انزعج ، وبابا من يسمعها يگول لها لا دگولين هيچ ، الى ان صار مثلها ، حرفيا بابا يريد ما نخطأ ويريد بالگوة يسوي حياتنا بالمسطرة ، اذا مثلا انگلب المي كـَ اي كوب ماي عادي يعصب ويگول غير تتنتبهين وينطيني محاضرة مع العلم اني مو معصومة واذا هو سوة نفس الخطأ يگعد يبرر ، هو صحيح الفعل تافه وميحتاچ تبرير لكن هو هيچ ، وذا احنى بررنا يگول مطفيات ، مثلا بأخر امتحان وزاري بالفيزياء قبل بيوم چانت دنيا ظهر ونعست وغفيت تعبت من الدراسة ، ف المبردة ما اشتغلت واني چنت دا احاول اقاوم النوم بس ممطولة بالگاع اشو فزيت ع صوته يگول ليش ماشغلتي المبردة گتله مادري گالي مطفية ، حدگولون كلام عادي والله يضوجني حيل حيل بابا عبالك نفس الحچيات الغثيثات بالاعراس الذكوريات ، بالضبط صحيح هو يدعم المرآة ومو ذكوري لكننن اقصد من ناحية الكومنتات شكد يعلقققققق هواييي ينرفزنييييي، انوب بالعطلة اگوم أشعر بعدم الانتماء ماما بس تصيح ننظف الها ، دگول اني نايمة وانتن تنظفن ، اعذرها انها تعبانة لان توها جايبة اخوي مع العلم هاي غلطة يعني اخر مرة خلفتي قبل 8 سنوات انوب خلفتي بنية أنوب ورة 6 اشهر حملتي وخلفتي وبنتج الاخيرة توها عمرها سنة وكم شهر ، مسؤولية چبيرة واحنى عائلة هادئة حيللللل ومصاريف هواي حيل ، مرات ببعض المواقف تخليني اتأكد انها مخلية عقلها بعقلي ، لو بعقل اختي سواء الوسطانية العمرها 9 سنوات او بالصغيرة حاليا عمرها سنة و7 شهور ، من تعصب تضرب اختي الصغيرة (العمرها سنة) والله ماأچذب وتتدعي عليها بالموت والله ماما مو هيچ مدري شچاها وهي متدينة وتعرف دعاء الام مستجاب ، دگول الها انتِ مصيبة نزلت عليهه ومدري ايش شوكت الله يخلصني منچ تخيلوا دگول الها fuck you، واني بس دگلي فلانة تعاي اگوم ارجف اخاف ترزلني حرفيا شوفوا وين وصل بيه الحال اشعر بعدم الانتماء للمعلومية عندي تبلد بالمشاعر من قبل سنة ونص والاسباب اعرفها بس ححتفظ بيها الية، والله تعبت حيلللللللل لا دگولون انتِ مراهقة وتتحسسين تراني فاهمة وعاقلة واعرف الصح من الغلط واعرف انو الاهل يضلون اهلك وتحبهم وتبر بيهم غصبا عليك ، بس شخصيتي انكسرت حيل هواي وماجاوب والله انظلم هواي بالبيت قررت اصير القوية بس شلون اقوي شخصيتي ؟ تعرضت للظلم وللتنمر حتى من اهلي بالبيت گدام الخطار واذا ازعل يگولون رعنة ميحتاچ الزعل واذا اعبر عن مشاعري اني ضايجة ماما تضل ترزل بيه ودگولي تلطمين لطم مدري ايش ، حتى من اتمرض محد يجيبلي دوة اطيب بوحدي ، حتى الشيء الاريده مايجيني واني البنت الچبيرة المظلومة ومالي رأي ، وهواي مشاكل دا تصير بين الام والاب بابا مدا يساعد ماما مثل قبل ومن نطلب منه مساعدة يگول مابية حيل وهو توه گاعد من النوم وما انكر ماما ماعندها وقت لنفسها بس بابا دا ينرزفني صاير لا مبالي وميخلي احد يحچي دوم مسوي نفسه هو الصح وميخطأ ، هنا اني دا احن للماضي اتمنى نرجع عائلة سوية وهادئة ، اختي ذاك اليوم بچت لان مختنگة تخيلوا اهلي ممنوع احد يبچي تخيلواااا ماكو تعبير عن الرأي شسمه گالوا عليها مسوية مصيبة ومدگول لاحد وياويلج وياسواد ليلچ (هي ممسوية شيء وبهل طريقة يعلموك شلون تبعد اطفالك عنك بخمس دقايق وتخليهم يخافون منك ويضمون عليك سوالف )الي معاجبه كلامي لا يذب سمه هنا خل يسكب البوست وخلص .

اهء اي صح الالون مابيها ربط بس حبيت يكون حنطاوي وي لون شعر غريب ولون عيون مختلف عن لون شعره وحطيت توقيعي(حقوق عود ديربالكم تاخذون رسمي اقصدد فني ) المهم گلولي على الأخطاء علمود اتعلم🤓🌹🌹

ادري بيه هوااااايي أخطاء بس تعاجزت 🫳🏻🫴🏻

اليوم نتكلم عَن "التنمر"وقوة الشخصية والثقة بالنفس ، ذول المواضيع مِثل السلسة ، وحدة مرتبطة بالثانية ، التنمر حالة يعاني منها أغلب الناس وَهي ظاهِرة مُنتشرة بِـ مُجتمعنا ، الخلل مو بشكل اليتنمرون عليه ، الخلل بالمُتنمر وهذا الشيء خلصانين منه ، والتنمر سواء شكليًا ، تصرفيًا ، التصرفات مثلًا الشَغف والهوايات ، ويجي المُتنمر يتنمر على مثلًا رسمك او صوتك ، حتى لو إِنك مُبتدئ بدل ميچرحك يگدر يشچعك ويعلمك اذا يعرف ، والتنمر مُستحيل ينقرض ، اسبابة : الشعور بالنقص والغيرة من المُقابل ، خاصةً اذا الشخص المُتنمر يكرهك ويغار ، هنا يحاول ينزلك إِلىٰ مُستواه ، علمود يعوض النقص إِلبداخله ، ونجي من ناحية الشكل ، اولًا شكلك مو انتَ الختاريته ، وماكو شخص كامل ، وكل شخص عنده مميزاته وعيوبه ، حَتىٰ المُتنمر عنده عيوبه ، لكن ميشوفهن ، بدل ميشوف نقصه الي بأخلاقه يجي يتنمر ويتنمر ، والمشكلة الشخص المقابيل يتأثر ، والمُتنمر يشمر بالكلام كأنما عادي ، ولو قال تعالى ﴿وَتحسبونهُ هينًا وَهو عِند الله عظيم ﴾ ، الكلام السيء حيكسر قلب المُقابيل ، وبيوم القيامة حَـ يأخذ حقه ، اتمنىٰ لو انتَ كُنت شخص مُتنمر تبطل هلعادة السَيئة ، مو معناها انت كول ولا سبورتي وكذا ، انت انسان ناقص بلا اخلاق وبلا اتكيت ، ياريت تصحح من اخطائك وتروح للشخص التنمرت عليه تعتذر منه ، وهنا يجي دور الاعتذار ، قوة شخصية مو ضعف ، بالعكس حَـ تبرز شخصيتك قوية وانسان خَلوق ، وهنا نجي للنقطة الاولى الثقة بالنفس وقوة الشخصية ، من لو كُنت يا عزيزي القارئ الشخص المگرود اليتنمرون عليه ومسويه ميز مال تَنمر ، هنا لا تخلي كلامهم يأثر بيك وإِنما يقويك ، وقوة الشخصية مو معناها اذا شخصٌ ما تنمر عليك ترد عليه بوقاحة ، وانما تتجاهل الموضوع او ترد بأسلوب يمثل اخلاقك وَمعدنك الطيب ، ليش التجاهل؟ لان المُتنمر يدور ردة فعل حزينة او اي رياكشن علىٰ وجهك يبين الانكسار ، وهنا هو يحصل اليريده ، وانتَ تبين متأثر وهذا اكبر خطأ وهو حينتصر عليك ، والرد بأسلوب حلو ، هنا مثلا لو شخص تنمر مثلاً مثلًا علىٰ صوتك ، تِگدر تجاوبه بِكل البرود الكوني بِـ "مفتهمت شنو اليضحك؟" هنا حينجلط رسميًا ويضل ساكت ، ولازم تخلي حدود أنو محد يتنمر عليك ، ولا تخلي كلامه يأثر عليك ابدًا ابدًا ، واذا نجي من ناحية كلامي ، كلامي ما يتطبق علىٰ الأهل ، بر الوالدين فوق كل شيء ، هو لله اذا كانوا سيئين وليس الهم ، حتى لو يسيئون الك ويسبوك ويتنمرون لا تحچي اي شيء ضل ساكت اهلك فوگ راسك ولازم نطبق الدين الإسلامي في حال كُنت مُسلم ، وإنْ انتَ غير مُسلم قانونيًا همات لازم تبر بيهم ، اتمنىٰ مِن اعماق قلبي فدتكم ، مع السَلامة .