u/Ruqayyah_349

ملاحظة اللي كلتها بالبداية بس اول شخص يندلها ويطك سكرين ويأشر عليها افوزه واستضيفه
تحياتي للجميع

❌‼️الصور الكدامكم حقيقية ومابيها اي تدخل ذكاء اصطناعي او شي، گايز احنا المستقبل حتلو قليلية احنا راح نصنع المستقبل ﻻزم نصنعه على ترك البلاستيك ﻻن مضر بالبيئه وحتى لصحتنا اذا متريدون الذكاء الاصطناعي علمود المي ﻻ يخلص ف احموا المي من البلاستيك والاوساخ ،حتى من تسافرون اخذوا مستلزمات الاكل مالتكم حتلو يضحكون عليكم، بالمستقبل علموا اطفالكم على هالعاده‼️❌

♦️اضرار البلاستيك :

🔴يتحلل ببطء كلش، يعني ممكن يبقى بالبيئة سنين طويلة وما يختفي بسهولة🚫.

🔴إذا نرميه بالشارع أو بالأنهار، يوصل للبحر والحيوانات ممكن تاكله بالغلط، وهذا يأذيها🚫.

🔴من يتكسر إلى قطع صغيرة يسموها مايكروبلاستك، وتنتشر بالمي والبيئة🚫.

🔴حرق البلاستك بشكل عشوائي يطلع دخان ومواد ملوثة تضر الجو🚫.

🔴تصنيع البلاستك يحتاج نفط وطاقة، وهذا يساهم بزيادة التلوث وانبعاثات الغازات🚫

.

♦️يعني باختصار: البلاستك مو المشكلة بحد ذاته، المشكلة بالاستخدام المفرط ورميه بطريقة غلط وعدم إعادة تدويره🚫.

موضوع اليوم حيكون عن البزازين لان احد اعضاء الصب يريد يعرف اصله و فصله

اصول القطط /

القطط العاديه الي نربيها ببيوتنه و القطط الكبيره الي هيه الاسود و النمور يرجع اصلهم لنفس الكائن

و هوه ال(Proailurus) و حرفيا معنى اسمه "القط الاول"، حجمه ما چان چبير بگد النمر چان حجمه صغير وزنه 9 كيلو يعني تقريبا اكبر من البزازين بشويه

چان اخمصي المشي يعني يمشي برجله كامله عالگاع مثل الدب،

كل انواع القطط الحاليه تمشي على اصابعحها ال4 و عدها اصبع وره ما يطخ الگاع

چان مگضيها عالاشجار لان چان متسلق ماهر و ذيله چان طويل كلش حته يساعده عالتوازن

و چان عنده عدد اكبر من الاسنان بس ما چانت مخصصه 100% لتمزيق اللحم

×××××××××××××÷×÷÷÷

التفرع /

وره القط الاول اجه نوع من القطط و انقسم ل3 انواع واحد منها انقرض و 2 بقوا

النوع الاول : ​ذوات الأسنان السيفية (Machairodontinae)

و هاذ هوه النوع الي انقرض چانت انيابه طويله جدا من هاي القطط چان ال Siber tooth چان يشبه اللبوه بس انيابه طويله جدا

النوع الثاني : ​القطط الكبيرة أو النمريات (Pantherinae)

تشمل الفهود و النمور و الاسود و كل القطط الچبيره الي يميز هذا النوع انو عنده تركيب بحنجرته يخليها مرنه و يساعده على الزئير بشكل مرعب

النوع الثالث :القطط العاديه او الصغيره (felinea)

مو بس البزازين الي نلگاهن بالشارع لا هاي تضم هواي انواع و على الرغم من انو بعضها يعتبر چبير بس ما عنده صفات القطط الكبيره مثل فلوبا الي اشتهر بالميمز و اسمه الحقيقي الوشق الصحراوي ، القطط الصغيره حنجرتها صلبه مو مثل القطط الكبيره لهذا السبب ما تگدر تزئر بس تگول ميو

×××××××××××××××××××××××××××××××××

شنو الاشياء الي فقدتها القطط بسبب هالتطور ؟

اول شي هوه المشي على كامل الرجل : لان چان مو عملي و بطيء ف تطورت حته تمشي على اصابعها و هذا الشي زاد من طولها و سرعتها بشكل ملحوض

بعض الاسنان الخلفيه : القط الاول چان عنده 38 سم بس القطط الحاليه عندها 30 بس لان فقدت هواي من اسنانها الخلفيه

حاسة تضوق السكر : معلومه غريبه بس ةل القطط الحاليه ما تگدر تضوگ النكهات الحلوه ابد بسبب طفره جينيه صارت و استمرت، و هذا الشي اجبرها على انو تكون لاحمه 100% و ما تاكل فواكه و كاربوهيدرات

حركة الفك الجانبيه : القطط فقدت قدرتعا على تحريك فكها لليمين و اليسار ، و هذا تغيير قوي احنه البشر نگدر نحرك فكنه لليمين و اليسار حته ننقل الاكل من جهة للثانيه و نطحن الاكل بشكل احسن بيننا القطط تحتاج تميل راسها بشكل كامل

×××××××××××××××××××××××××××××

شلون البزازين عاشوا ويه الانسان و منين بدت علاقتهم بالبشر ر ليش تعتبر رمز ديني عند المصريين القدماء ؟

قبل فتره كلش طويله البشر اكتشفوا شي غير تاريخهم بشكل كامل و هوه الزراعه ، يعني بعد ما يحتاجون كل يوم يدورون اكل حته ياكلوا

بس واجهوا مشكله چبيره نا يگدرون يحلوها

و هيه الفئران ، چانت الفيران تجي و تاكل المحاصيل و الفار الواحد يكدر يخلف 100 واحد بالسنه ف ما يخلصون حرفيا

لاحضوا انو القطط تجي و تتغذه عالفيران و تاكلهم

القطط الي ما تخاف من البشر عاشت بمزارعهم هم تحصل اكل بلاش و هم المزارعين يستفادون و القطط الي چانت تخاف ماتت و انقرضت لان صعب تحصل اكل لهذا السبب بدت تطور علاقة القطط و البشر

و بمصر القديمه الناس چانوا يقذسون القطط لان چانت الدوله كامله معتمده عالزراعه و التجاره بالمزروعات و القطط چانت تساعدهم يخلصون من الفيران يعني زادت ارباحهم و محاصيلهم ف بدوا يقدسوهن

الي يكتل بزونه حته لو بالغلط ينعدم ، و حته چانوا يربوهن بالبيوت مثلنه هسه و چانت اكو رسومات تبين انو بزونه گاعده جوه الكرسي و تاكل من طاسه مخصصه الها بالرسومات مال مصر القديمه ، و اذا ماتت بزونه مال عائله لازم يزينون حواجبهم كتقدير للبزونه الي ماتت

و بسبب تعامل البشر الزايد ويه البزازين گامت تعيش ويه البشر طبيعي و تعتمد عليهم

××××××××××××××××××××××××××

Fun fact :

الرسامين الاوروبيين بالعصور الوسطى ما چانوا شايفين الاسود چانوا يرسموهم من وصف الناس الرحالين الي شايفيهم ف چانت الرسمال مال اسود شكلها يخوف و مرات يضحك راح احط صور للرسمات

××××××××××××××××××××××××××××

هاي معلومة اليوم الثالث و راح استمر لحد ما تجي الوطني 12 ساعه متواصله

حطوا ابفوت عالبوست اذا ما چنتوا تعرفون هالمعلومات و لان تعبت و اني اجمعهن

حصل كثير ولا اقصد اي عنصريه

وغالبا يشبه اصبع رجلي الصغير