هذا بوست يبرر كلشي اما هنا راح ادخل بالقصه كبل

كلشي بدء بيوم قبل امتحنات نصف السنه بشهر تقريبا من جنت ثاني متوسط جنت اراسل صديقي، وبذاك الوقت جنت توني داخل بالدين بشكل اقوى و مثل اي طفل توه عرف دين بدء يتعمق بيه و يشوف باقي الأديان و اجتني مثل الدهشه من قصص وغيره و مبادئ الي يطرحه الدين حسيت هذا عالم جان مخفي عليه، من جنت اراسل صديقي بدء كلشي بسؤالي اله
انجل :اكلك ؟انتَ تعرف شنو هي البرهانيه؟
صديقي :لا شنو هاي
انجل: باجر بالدوام احجيلك
صديقي :تمام
هنا البرهانيه هو اسم الدين الي اخترعته شتقيت اسمه من كلمه ( برهان )
خلال الفتره هاي من ليل للصبح علمود اروح للدوام جنت افكر وأفكر بشنو اساس هذا الدين؟محنت اسميه دين جنت اسميه علم لأن إذا اسميه دين راح ابين لنفسي اني كافر فسميته علم البرهانيه ،صنفته على اساس انه علم مختص بدراسه و إعطاء ادله علميه لكل دين و اثباتا شلت هاي فكره و خليته براسي و رحت ثاني يوم جنت لابس لبس مرتب اكثر من باقي الايام قميص و رباط علمود ابين رسمي اكثر و يأخذوني بجديه اكثر وكفت يم صديقي
انجل :اسمع خل افوتلك بالموضع كبل ،انت منو كلك دينك هو صحيح؟
صديقي:انجل تريد تطلعني من الاسلام؟اكيد ديني الصح
انجل:إذا هيج عندك ثقه بدينك هو الصح ليش ما تبحث عنه و تبحث باقي الأديان علمود تتاكد ،كل شخص يكول اني صح بس يخاف يبحث علمود لا يغير
صديقي :يعني شنو ترديني اسوي هسه اروح ابحث بألف دين؟
انجل :لا باوع عليه ليش ما تصير براهني؟

رغم صدمته إلا اني حجيت وياي من باب إبعاد الشك و اثبات لنفسك و للناس حتى ان الاسلام صحيح من الباب البراهني هي شنو البراهنيه؟هي إعطاء برهان يثبت الدين يعني هنا راح تثبت دينك صحيح علميا و خالي من الاخطاء هنا راح توحد إيمانك روحيا و علميا اكثر ،هو شبه اقتنع بس مو بقوة اني رحت احجي للباقين واحجي الهم و بديت هنا اكللهم ان براهينه أصلا على قديم بس قبل المسيحيه و الاسلام بس وراه هذا العلم اندفن ،ليش ما نرجع نطبقه ونقرب نفسه لله اكثر شويه شويه سالفه تدخل بعقلهم كتلهم راح اضيفكم بقناة تلي بيه هذا العلم شويه توتروا لان عبالهم جماعه متطرفه بس باوعت الهم و بديت احجي عن ان هذا شي هو اساس الحياه الي يجمع بين ذكاء و الانسانيه شلون الانسان عالم و مؤمن ان يكون شخص سيء؟انتم راح تصيرون علماء و عارفين ،شويه مدح و تميز و زراعه تكبر برأسهم بدوء يتقنعون ،من رجعت للبيت ضفتهم تقريبا عددنا جان 9-11 هنا رغم بساطه العدد إلا انه بدء شراره بيه من سيطرة بديت ارتب الأمور اخليه علميه و اصمم فيدو وادزه وادز اسماء شخصيات عود جانت برهانيه شويه شويه صار موضع حب بالنسبه الهم صاروا يحبون الشي و يردون يتعمقون بيه ورا كم يوم وصلنا عشرين نفر حبيت اضيف شخص وياي يساعدني بهذا الجانب فختاريت اول صديق كتله بهذا الموضع رحت اله بالدوام طبعا اغلبهم بدوء يلبسون ملابس رسميه اكثر عود ثقافه وعلم باوعت لكيته واكف اشرت اله بيدي واخذته على صفحه محد يمنا و هنا بديت احجي وياه
انجل:تدري شنو خلاني اكلك اول ناس؟لان حسيت بيك شي جبير شي قوي يعني مثلا هسه انت كم كتاب بحياتك قاري؟
صديقي :هواي كلش
انجل :لا ما قاري يجوز أصلا بس مع ذالك عندك علم بالفلك و دين و معرفه و هواي شغلات شوف شلون بكم يوم خليت ناس بسيطه عقوله تحي علم يعزز دينا و ينصرا بفضل معرفتك و كلامك و سيطرتك على ناس
صديقي:(شويه يفكر بس حب الكلام )
انجل :منيلك كل هذا العلم ؟عقلك اكبر من عقول البشر الي بعمرك بعد كم سنه شكد راح تكون كبير بهاي دنيا لعد،شلون صار عندك كل هذا العلم ؟
صديقي يباوع للكاع شويه صافن يريد يجاوب
انجل:اني اعرف شلون
صديقي:شلون؟
اهنا اقتربت منه وكعدت على ركبتي و اباوع اله احسسه انه اكبر من كل البشر وكلت اله:لان انتَ الله اختارك ممكن ماكو نبي بس اكو شخص ينزل عليه الوحي و ينطيه العلم ممكن ما تكون نبي في دين بس نبي في العلم
هنا صديقي شويه تردد فبديت أقنعه اكثر
انجل:دباع وين مكاني اني على تراب كلشي ماعرف وكلشي ما قاري ومع ذالك كلتلك على برهانيه بالصدفه وانت الي كاعد تيحيه ،كم شخص بعد كم سنه راح يحبك كم شخص بعد كم سنه راح يتبعك وبعد كم سنه راح تكون عالم ديني الكل يتعبك طريقك ممهد لأنك عالم تدعم الدين و اخلاق اتبع اتبع اتبع العلم الي يطور روحك و عقلك انت اكبر من كلشي انت نبي
صديقي كلش تحمس وحس نفسه جبير
انجل:اريد منك تبدء همين تدعي ناس مثل ما دعيتهم وتحجيلهم عن مكتوب برساله التلي المثبته ،
هنا وبكل اسف اكول اني صنعت شخص صار كله نشر دين جديد يم كل شخص يعرفه ،رساله التلي جان ليه تعاليم مثل صلاه وغيره بس بشكل غير مباشر علمود لحد يعتبره كفر هواي ناس اجتي النا يعني مراهق الي مو كلش إيمانه او مسيحي الي يريد يثبت صحه دينه يم أصدقاءه الي يضحكون عليه او ملحد او لا ديني او حتى طلاب من صف اكبر و جانت خطتنا داخل المدرسه بعده بالفرع و نتشر اكثر، ايام قليله وصولنا 84 تقريبا وسولف ويا اربع اشخاص همه همين ضحكت عليهم علمود يجبون ناس ،كلهم نفس البس و صارو نفس الحجي كلهم صاروا يحسون بالانتماء لمكان واحد كلهم حبوها لذالك امنوا بيه ،جنت احجي ويا الاربعه ونتناقش شنو نسوي من نوصل ميه جنت احاول ابني شي عظيم للميه و خطوه نقل جديده ورا نقاش كلنا الاحد بالمدرسه نسولف ويا العلماء (جنه نسمي الي يمنؤن بالبرهانيه علماء ) جان يوم خميس نمت و كعدت يوم جمعه نفس الشي كله كله حرفيا اني ويا باقين نحجي بس بهاي الفكره و شنو نسوي ،ثاني يوم السبت همين نفس الروتين و بليل صارت تطمر قوي حسيت هذا جوء مناسب طلعت على سطح و رفعت ايدي عود المنقذ وكذا و داحجي وامدح نفسي بس ورا ما نتبهت لنفسي اكتشفت اني دا أتكبر بكلامي هذا على الله، بهذا كلامي دا أتحدى الله
استوعبت اني دا اخلي ناس تبتعد عن الله و عن صلاته و إيمانيه و جنت اجذب على نفسي و باقي ناس من جنت اباوع على مطر الي ينزل قوي و صوت رعد و سماء و غيوم استوعبت شكد اني صغيرررر بهاي دنيا ومالي قيمه علمود أتكبر و اخلي ناس تتكبر
من يومه عرفت شكد ذليل و خاسئ اني بهاي دنيا شكد صغيررر اني بهاي دنيا و ضعيف فكريا و جسديا و كلشي هذا جسد ضعيف رغم البرد و تعب و الانهاك جسدي رفعت ايدي للسماء صوتي كله غصى بعد ما ستوعبت ذنبي كلت بصوت ناصي بيني و بين نفسي (اللهي هل تغفر لي؟)وأعبده وأعبده وأعيده… ما جنت احس بالبرد ما جنت احس بكلشي فجاء لكيت نفسي اعيط بهاي جمله و ابجي و كاعد على كاع ما حنا أشوف بس ايدي المرفوعه ما كنت اسمع بس صوت مطر القوي و رعد ما جنت احس بس بذنبي و شلون خليت ناس كله تبتعد و تعوف صلاه و العباده و حتى دراسته وحياته علمود شي وهمي ،واني ابجي واتوسل لربي يغفر لي غيرت السوال من (اللهي هل تغفر لي؟)إلى (هو اني اغفر لنفسي؟)اني راح اتقبل نفسي ورا هذا كله و شلون صرت هيج حيوان قذر وانطيت لنفسي مكانه اكبر من نفسي و صدكت نفسي اكبر من كد تعب تمددت هنا شويه و طفيت وراه نزلت للغرفه ونمت فزيت بليل بيه فلاونزه قويه لان نمت بدون ما انشف نفسي اباوع على ساعه تقريبا ب4 كلت هو منبه يدك ورا ساعه صفنت شويه حالتي حاله تذكرت شنو سويت و رجعت نقهرت كمن غسلت من طين و بدلت و كعدت على سجاده انتظر وقت صلاة و صليت وأثناء صلاة كلت راح افلش كلشي و ارجع التزم بديني و ابطل هل سوالف كملت صلاه و نزلت جوه شفت امي كاعده كلتلي شعجب يوم لبسك غير وليش خفيف تره بارده؟كلتله لا احب هيج كلتلي زين بس البس شي يغطي راسك لان شعرك بعده مبلل ،هو مو مبلل بس بقى هيج من بارحه كتلته صار طلعت و شفت شوارع كله غركانه بقيت صافن وجسمي مكسر من فلاونزه على اساس اغيب بس كلت إلا اروح وصلت هنا و دخلت باوعت كلهم نفس لبس كعدت على رحله ويا وصديقي سئلني على لبسي كتله بالفرصه فعلا خلص الدرس وهو كل شويه يينطيي فكره و شي اباوع عليه بشمئزاز لان صدك خرب و دمر،جمعتهم أربعتهم واني احجي وياهم هيج وهيج وهذا كله شرك وكفر و غلط واحنا دا نشيل ذنب ،شنو جان ردهم؟
ما يعجبك اطلع منه
صدك ضجت و بديت اصرخ بيهم و أرزلهم كل واحد اكله انت هيج وهيج تره ومالك حق تشوف نفسك نبي حاولت اكثر نرجسيه بس همه مصرين رحت للصف الي بصفنا دخلت لكيت جماعتنا (علماء)رددت احجي وياهم اجوا ذولا الاربعه يعاركون و كلنا سحلونه للاداره هنا ردت اشكي عليهم مسوين دين بس خفت كلشش خفت اوكع من عينهم بس كلت للمدير من سئلتي على سبب وكتله احنا مسوين جماعه و بدنيا تطلع شويه شويه و تصير كفر وشرك وكذا المدير منجذب وياي و يسمع وبنفس اللحظه سواه استدعاء ولي امر النا كلنا و من وصلت امي شوفته القناه كبل كلي احذفه و اخذ اسماء الطلاب كلهم و اذكرهم 84 او 85 لان حسبهم كدامي ،ما اوصف الانهيار لو حمل الي حسيت بيه شلون مدرسيهم كلهم يباوعون عليه و امي مقهوره و تباوع عليه كلنا اخذنا فصل اسبوع و انذار و كتابه تعهد و من رجعت بديت احجي ويا امي وحجيه كلش قهرني
كلتلي عود ردتك سند بدل ابوك الي راح هيج وتوكفني كدام صديقتي و مدرسات و أولياء الأمور؟بشنو قصر وياك ربك علمود هيج تسوي؟
لليوم أفكر بكلام امي الله يرحمه
…
بعد مده تحديدا بثالث شويه التزمت وخذته كدرس علمود ما اصير نرجسي او متكبر على اي احد و فعلا من صرت ثالث محد تذكر القصه أصلا حتى مدرسين صاروا يأخذونه بضحك
قبل مده اسبوع يمكن التقيت بصديقي الي بديت ويا كل هذا و جنه تذكر القصه ونضحك
من حسيت هذا عبء راح و شلون التزمت و كل شخص عاف هاي سالفه حسيت همزين ارتاحيت
اليوم اني شخص بعيد كل البعد نرجسيه و كبرياء و تكبر على اي شخص هواي مرات التقي بشخص يستغرب مني شلون بعيد عن هيج صفه بس اني صرت اخاف اشوف نفسي ناجح ولو شويه او بمكان اعلى علمود لا يجيني تكبر
الحمدلله وشكر .

10:-بترجكن (اقتراح شهيد)أصلا هاي أطيب اكله بتاريخ
9:-
8:-صدر دجاج و فوتشيني
7:- مادري شسمه من (اقتراح فطم )واتوقع لو ضايف عليه معجون و مسويه تبسي تطلع أطيب
6:-
5:-

هسه أنطوني اقتراحتكم ؟

قديمه و جديده

u/xKhtab

جريمه" قصر عائله ايكلس"

اصدقاء همه
كارلوس مايك
ديمارون ايكلس
ليندا ستونك
كمارس كون
جانا موتن
راحوا لبيت ريفي فخم راجع لعائله (ايكلس )وبعد ساعه ب1:30Am يعني بنص اليل من تليفون (جانا موتن) تكول بصوت متوتر ويلهث(ليندا منتحره!ليندا ميته!)بعده بدقايق الشرطه تجي و تجمع الأعضاء و يجي المحقق و يبدء بتحليل الغرفه و نتيجه التحليل جانت

تحليل مسرح الجريمه

غرفه مصبوغه باللون الابيض تحتوي على بلكونه و باب زجاجي و ستاره رصاصيه و جربايه من الخشب الفخم عليه مخده و باطنيه مبعثرات و بجوار الحربايه على الأرض في جهه المقابله للطاوله هناك مخدات ملقيات على الأرض و الطاوله كان عليه حقيبه ليندا مفتوحه و علبه الميكاج على طاوله و حبل قصير غير سميك متعلق في اعلى السقف شبه محكمه بربطه واحده و تحت جثه المتدليه حبل طاوله قصيره
طول الحبل :1.00m
طول الطاوله :0.30m
طول الحائط:3.00m

بعده تظهر نتائج الفحص الطبي

طول (ليندا ستونك ) يبلغ 158 و وزنها 57 لا تزال حديثه الموت اي ماتت بعد ساعه 1:00am و تظهر تضرر عريض ممتد على كامل الرقبه مع ضربه قويه اسفل الضهر وكان هناك شي عصا او خشبه ضربتها بسبب شكل الضربه و هناك كسر للأظفر بسيط و يظهر ايضا ان مكياج لم يكن مكتمل على وجهه الضحيه

فقره الاستجواب

كارلوس مايك:(الطول 177,وزن 68)كنت اتمشى بجوار المنزل استكشف في ساعه 1:00am انتظر ان يجهز الطعام الذي يحضره (كمارس كون), لم اعرف أين كنت بالضبط بسبب ظلام ,علاقتي به كانت سطحيه لم اعلم انه سوف تاتي اصلا و لا احمل اي ضغينه عليه اتيت بعد دعوه (ديمارون ايلكس)فقط
ديمارون ايلكس :(الطول 187 الوزن 85)كنت استحم من ساعه 12:30am-1:20amبعده توجهت إلى غرفتي ومررت بغرفه (ليندا)كان باب مغلق ولم اهتم و عبرت من غرفه جانا و كان باب شبه مفتوح لم انظر و نزلت إلى طابق الاول و سئلت كمارس عن طعام قال لم يبقى إلا قليل إلا أني رائيت انه كان لا يزال في تقطيع صلق معكرونه رغم انه قال سوف يبدء بالطبخ قبل حتى ان استحمّ,كان يطبخ البشاميل ,لعلاقتي به كانت علاقه قويه جدا رغم أننا واجهنا بعض مشاكل موخرا لكنه كانت بسيطه جدا و قمنا بحله هذا إذا قال لك احد ذالك
جانا موتن:(الطول 160,الوزن 58) كنا من اعز الاصداقاء رغم اني اكره حبيبها السابق و حذرتها منه انه خائن لكنه لم تسمع كتشفت خيانته قبل شهرين من هذا الرحله و هذا ما جعله تقلل ظهوره لكن حين اخبرني ديمارون ايلكس بمجيها وجب عليه مجيئ لاجلها وأننا اعز صديقات،لا اعلم ان كان الأمر انتحار ام لا أنا خائفه، كنت في غرفتي وفي حوالي الساعه 12:50الجميع نهض ليفعل شي بعد ان اخبرنا كمارس انه سوف يطبخ و صعدنا سويه و كل واحده منه ذهبت إلى غرفه و في ساعه 1:00am سمعت صوت اقدام كان من مرر و لم اهتم وفي ساعه 1:10am سمعت صوت باب فتح ظننت انه ليندا لكن حين فتحت الباب قليلا وجدت انه ديمارون ايكلس ذاهب ذاهب للحمام الذي في طابق الثاني لان حمام في طابق الأرضي يحتوي على سخان منفصل و هذا سخان معطل ربما بسبب ان منزل اخذ فتره متروكه و عدت لأشاهد مسلسل و ارتدي سماعتي و بعد عشر دقائق ذهبت لليندا ووجدتها ميته
كمارس كون:(طول 180 وزن 77)علاقتي به كانت عاديه هي فقط زميله لا احد يعرفه إلا ديمارون كان معجب به فقط و بعده اتهمت ليندا ديمارون بتحرش لكن لم يصدقه احد و نبذوهم هي وحبيبها الذي كان لديه مشاكل مع ديمارون ايضا و بعد ان اكتشفت ليندا خاينه حبيبها قامت جانا بالصلح بينهم، كنا جالسين شباب في غرفه ديمارون و كان الباب مفتوح و رائينا فتيات في الاستقبال فذهبنا و جلسنا و حين اخبرتهم اني سوف اطهي الباشميل اذهبا للمطبخ و صعدن الفتيات للطابق ثاني و ذهب كارلوس للتمشي و ريمارون ضل جلس , تاخرت لاني كنت ابحث عن طريقه صوص باشميل.

تكدرون تسون سكب لهذا التعداد و تحليل

1- نرى في دائره الاوله تلاميذ سقراط يصطفون حزنا على أستاذهم ويملى وجههم اليأس
2- نرى سقراط يشير بيده للسماء دلاله على خلود الروح رغم ان جسده معرض للفناء
3- نرى لا بالي و هو يتسلم كاس السم و لا ينظر له
4- الذي يعطيه الكاس هو احد تلاميذه وهو لا يتحمل هذا المنظر لذا يغطي وجهه
5-احد تلاميذ سقراط يجلس يائسا هناك لا يجزع لشده اليأس
6-زوجه سقراط تشير بيده للوداع

بكل بساطه هذا مثال بسيط اني راح انطيكم لوحه تاريخيه بدون تحليل وانت تأشرون على الأماكن و تكتبون بالوصف التحليل مالتكم و على كل تحليل صحيح تأخذون نقطه و كل يوم لوحه و اكثر شخص يجمع نقاط خلال اسبوع يطلع بالصحيفه و يكون اكو ترتيب الاول خمسه
هاي فعاليه بكل بساطه يعني انطيك لوحه تأشر على أماكن و تكتب تحليلك بالوصف و على كل تحليل صحيح تاخذ نقطه تجمع نقاط اكثر تفوز

اول لوحه تنشر ساعه ب9:00pm

والكم يوم كامل حتى تتوزع النقاط على تحليلات مالتكم وتنشر لوحه الثانيه

لازم تكتب عنوان البوست (#لوحات) ضروري

❌‼️الصور الكدامكم حقيقية ومابيها اي تدخل ذكاء اصطناعي او شي، گايز احنا المستقبل حتلو قليلية احنا راح نصنع المستقبل ﻻزم نصنعه على ترك البلاستيك ﻻن مضر بالبيئه وحتى لصحتنا اذا متريدون الذكاء الاصطناعي علمود المي ﻻ يخلص ف احموا المي من البلاستيك والاوساخ ،حتى من تسافرون اخذوا مستلزمات الاكل مالتكم حتلو يضحكون عليكم، بالمستقبل علموا اطفالكم على هالعاده‼️❌

♦️اضرار البلاستيك :

🔴يتحلل ببطء كلش، يعني ممكن يبقى بالبيئة سنين طويلة وما يختفي بسهولة🚫.

🔴إذا نرميه بالشارع أو بالأنهار، يوصل للبحر والحيوانات ممكن تاكله بالغلط، وهذا يأذيها🚫.

🔴من يتكسر إلى قطع صغيرة يسموها مايكروبلاستك، وتنتشر بالمي والبيئة🚫.

🔴حرق البلاستك بشكل عشوائي يطلع دخان ومواد ملوثة تضر الجو🚫.

🔴تصنيع البلاستك يحتاج نفط وطاقة، وهذا يساهم بزيادة التلوث وانبعاثات الغازات🚫

.

♦️يعني باختصار: البلاستك مو المشكلة بحد ذاته، المشكلة بالاستخدام المفرط ورميه بطريقة غلط وعدم إعادة تدويره🚫.

طبعا علمود تعرفوون الحلم ليش غريب لازم أحجيلكم الحلم الاول وراه احجيلكم الحلم الثاني الي هو الغريب , جنت راجع من حمله بيه ولد عمي و ناس بعد غربه نزل الناس و كمل بينا الطريق و وصلنا لبيت عمي و جان يختلف عن حقيقه المهم نزلنا و اني ورا شويه عفتهم و كملت رجعتي للبيت بس اثناء طريق شفت منتزه جبير و حلو رحت دخلت له و ضليت بيه شويه وجان يمه جامع و هاهيَ, هسه احجيلكم شنو الغريب قبل فتره ورا زياره جنت طالع اتمشى على شارع السريع العام اتمنى فتهمتوني المهم واني اتمشيت مسافه جان اشوف جامع كبير اسمه جامع الدوني و دخلت بالفرع لكيت نفس متنزه طبعا جانت ساعه ب٩ صبح دخلت بقيت امشي لكيت نفس البيت مال ناس غربه واني دا اتقرب من بيت شويه شويه دخلت له جوه من طابق ثاني وراه شويه حسيتهم كعدوا ف طفرت بس قررت ارجع لان شفت اكو كامرات ف رجال من طلع رحتله و بقيت كاعد وياه بطرمه اكله اني اعرفك وكذا وكذا وعندك بنيه كذا شكله و عندك ولد هم هيج و هو مصدوم, اخير شي طلع كله هذا حلم😍

طبعا اول شي لا اريد تعاطف ولا كلام عني هاي تفاصيل يوميه عن شنو عشت بزياره الأربعين الي رحت اله اول , اني ك مراهق اكيد عندي نفس التفكير ويا اي مراهق لذالك هاي قصه والي صار وياي من اول يوم لثالث يوم ممكن انت هم يفيدك لو فكرت بيه لذالك إذا تريد جيب شي تشربه او شغل شي تسمعه و اقره 🤍.

اليوم** الاول **
انطلقت بالسياره مع اثنين لكِ نصل إلى نقطه معينه نبدء منه ،في طريق كاعد مع صديقي كنت انظر من نافذه أقول لنفسي (كل ما اردت الذهاب لاجله هو تطهير القلب ام أجابه و معرفه دائما ما كنت ارى ان هذا الرحله هي روحانيه وذات تغير للروح فالمشي منقطع عن العالم لايام لا بد ان يغير شيا ،لكن أنا خائف التفكير , التفكير يشعل الندم وذكرى و الاشتياق دائما كان التفكير يخيفني لذالك في مثل هذا الايام لم يكن لي مهرب سوى التدخين لست بمدخن كنت ونقطعت لسنتين لكن كنت ارى انه لا حل غير هذا ان يخدر جسدي و يغلق عقلي مشيت ومشيت كثيرا و في عقلي ايضا هارب من فكري كان اصدقائي يتمشون امامي وأنا في خلف وبعده اتمشى معهم ,ان فكرت انهرت ولا يجب ذالك لكن الم ارد الرحله ؟فلما الخوف؟كنت اتمشى اتمشى في طريق عريض مليء بالمواكب والزوار لكنه لا يزال متسع وواسع مشينا تقريبا 6-7 ساعات وكانت قليله لكن الشمس بدت تظهر ونحن نتمشى في ليل فقط فقررنا البحث عن مبيت في طريق , امسك بي شخص متوسلا ان اخذ صحن البيض بطماطم وهو خادم وأصر لكني لم ارد لكنه أصر فاخذته وبعده وجدت طاوله في طريق فتركته والان اسئل نفسي الذنب ذنبي لاني اخذته ام ذنبه لانه أصر على اعطائي اياه ان لا ذنب لاحد , وصلنا إلى مكان ليس بجيد غرفه وفي خارج حمام ومطبخ و الغرفه ليست جيده التهويه و بدون كهرباء لكن لم نعترض وجدت لنفسي مكان بمفردي وضعت حقيبتي و غطيتها بسجاده و ذهبت للحمام وحين دخلت كانت هناك قطرات تنزل على رائسي حين رفعت راسي وجدت طبقه من الإسفنج التي تغطي سطح الحمام و حين خرجت ورمظرت علمت سبب القطرات التي سببها خزان ماء كان فوق الحمام و ما القطرات الا عد تنزالي للانهيار, كل شي سوف ينهار عاجلا ام اجلاً هروبي من تفكير هو هروبي من حقيقه محتومه سوف انهار او ربما انهرت , بعده توجهت إلى مكاني وكتبت يومياتي, لم يحصل شي من ما طمحت له في اول يوم ربما لاني رفضت تفكير