u/schmittian1

سابقاً كنت إذا أتكلم مع أي مسلم سواء شيعي أو سني ما كان يعطي للموضوع أهمية ولا يستدخله بأي موضوع غير ديني، بس بعد ما طلعت هاي المسوخ بمواقع التواصل مثل المهدوي ووليد اسماعيل تولدت نوع من الأنوية-المركزية العقائدية وبحكم ان العامة يفرطون باستخدام المواقع ويكثرون من المقاطع القصيرة فهذا حيولد عدهم ضعف في الفاهمة وبحكم أيضا انهم ما متعلمين طرق الاستدلال وشروطه حياخذون كلامهم بشكل كامل كحقيقة مطلقة مهما كان الدليل مبتذل أو متهالك أو بعيد أصلاً وهذا مو بس حيولد روح الاختزال واستلحاق كل شي بالدين {شوف الشيعة شيگولون عن السنة بكتبهم وشوف السنة شيگولون على العراق بكتبهم} مهما كان مركب ومعقد إلى مجرد مؤامرة على المذهب ومهما كان الشخص جاهل حيتكلم بثقة زايدة بسببهم يعني أنا صاعد بسيارة واحدهم قراية ميعرف يقرأ يسولف بالعقائد بصيغة حاسمة وتحزمية، بناءً على كل هذا اشوف الجيل القادم حيمر بأزمة طائفية كلش چبيرة بسبب هذول الكم واحد ملطلط بمواقع التواصل اتمنى تصير فد حملة ضدهم ويحظرون حسابات المحرضين مثل ما سووا مرة بوليد اسماعيل لأن بالله مالنا خلگ خريط العقايد 🙏🏻

ذاك اليوم ردت أشتري المباحث المنطقية مال ادموند هوسرل هو كله ٣ مجلدات دورت عليه دوارة بالسوگ تالي يطلع سعره ٧٥ أدري شمشتري هو كتاب والمشكلة الكتب الدينية والخريط تلگاهن موسوعات مطشرات بكل مكان ٣٠ و ٤٠ زين هو منو يقرا شو مجتمع القراء قليل زين آني شسوي بكتب ما تفيدني مطشرات بكل والكتب إلي أريدها يادوب احصلها وإذا حصلتها فسعرها فلكي لعد شلون نتعلم شلون نجيب مصادر إذا واحد راد يكتب رسالة أو دراسة بتخصص علمي، والله الوضعية داچة.

شوف حبيبي الواعي الكامل المكتمل من الآن أنا لا شيوعي ولا رأسمالي ولا أي شي بس وصلت حدها كمية الهجوم على هاي التوجهات ما حأصير براسك من جماعة الإنسانوية والليبرالية وحرية الرأي وهذا الخريط بس مو المفروض انت فاهم الشغلة وعندك تصور كامل لمبادئها قبل النقد؟ مو القاعدة المعروفة {الحكم على الشيء فرع تصوره} صحيحة؟، مع ذلك تشوف واحد يهاجم الشيوعية والنظام الاشتراكي في الاقتصاد وهو كل إلي يعرفه عنهم مقطع بتيك توك يشرح الأفكار بصورة اختزالية عامية {مثال البقرة وهذا الخريط} يهاجم الماركسية وإذا تگله تعرف الديالكتيكية المادية يصفن بوجهك رغم هي أول شي تدرسه بالفلسفة الماركسية أو لما ينقد على الإلحاد واللا-دينية عباله يعني شواذ ومهووسين باخراج الناس من الإسلام و٢٤ ساعة نقاش اديان أو قبل كم يوم شفت واحد يتهكم على الإشتراكية-القومية والأممية-الشيوعية وهو ما يدري انهم انطلقوا من نفس المبادئ السلطوية ومن نفس الديالكتيك التاريخاني وبنفس الروح التقدمية وهتلر نفسه كان شيوعي عام ١٩١٩ وأهم منظر اشتراكي قومي إلي هو شميت كان يمدح لينين ويثني عليه، ما أدري ليش يقررون بشكل تحزمي وهم من أول تمحيص تبين الانشقاقات التصدعية بأنساقهم المعرفية المبتذلة، وخلاصةً: إلي على هاي الشاكلة حمير {جزمًا}

ايش المسوغات الذرائعية لديمومة استبقاء التجهيزات التسليحية للعناصر الحزبوية الانتمائية المتشظية بالجمهورية العراقية؟

أفضل دافع للعيش ومواصلة الحياة اليومية ومشاكلها وطلايبها هو الكراهية، ولحد يصير براسي «إنساني» ويطلع النزعة الليبرالية عنده

آني انعفيت من الخامس العلمي وقررت أُقبل على مواد السادس من هذا الشهر فأسأل عن الملازم والمدرسين بعيدًا عن المشهورين منهم لأن معظمهم ملازمهم غير مرتبة وعادة فيها حشو ماله داعي خصوصًا آني سريع الفهم وحتى المدرسين محاضراتهم بيها كلام هواي ماله داعي فمنو ملزمته مرتبة وأگدر أعتمد عليه وعلى محاضراته