عقدة الاصل عند الجزائريين
كنت نتغدا فريسطو جا ل managerسقساني على الماكلة ادا مليحة ودار معايا small talk ، زعما منين جيت وادا عجبتني لبلاد تعهم ايا قتلو algeria منبعد قالي algeria is arab but you don’t look like one ايا قتلو نو مناش عرب بصح نتعلمو عربية فليكول ونهدروها منبعد بدا يسقسي على اللغات لي نهدرو ايا فهمتو. قدامي كانو قاعدين قروب عرب سمعو الconversation كانو في 7 يبانو من الخليج وفي وسطهم زوج كانو يهدرو عربية بصح بيوضة بلاك من الشام وواحد دزيري ايا انا نهدر مع سيد ونطق هداك الدزيري في وسط ال conversation قالو احنا المسلمين مكانش فرق بيناتنا وبدا يبرر زعما كلي تنشع قدام صحابو كي سمعني قلت امازيغ ودخلها تبرير مالقري هادوك لي كانو معاه مدارو حتى ردة فعل من بعد سقساني لكان انا قبايلية ولا شاوية قتلو لالا منبعد زعما قالي مكانش فرق بيناتنا والامازيغ والعرب عايشين مع بعضاهم بسلام
مهم محبيتش ندخل معاه فنقاش ونطول لهدرة قتلو بصحتك وخرجت
السيد نيتو مكانتش خايبة بصح مفهمتش علاه الجزايرين عندهم عقدة نتع اصل ولازم دايمن يحبو يبينو رواحهم للمشارقة بلي زعما راهم كيفهم باش يرضاو عليهم ويزيدو عليها
هي صراحة مكانش فرق بين الاجناس le corps physique n’est qu’une envelope بصح علاش هاذ الانكار والرخس ؟ وعلاش من دوم لجناس لي احتلو دزاير كامل لسقتو غير فلعرب
ولا حاسبين كي تنسبو رواحكم ليهم يزيدولكم الحسنات ؟ حتى فالوجه والله منتشبهولهم كامل حق الرب غير كون تقارنو جزايري و عربي لا علاقة فالشكل ولا اللون ولا اي حاجة وزيد بزيادة بحتاقروكم
هاد الشي لا حظتو تاني في اي حاجة تتعلق بالتراث
اي حاجة positif بنسبوها لحضارة اخرى كيما القصبة يقلك هادي بناوها لاتراك بصح هي فلواقع ستيل موريسكي كاين غير فشمال افريقيا حتى المراركة ولاو يعايروكم بهاد الشي ونعطيهم الحق في هادي على خاطر حنا حاقرين رواحنا