u/seriouslyunseriouss4

السلام عليكم ، فيه احد قراه؟ قريت شوي منه و اعجبني لكن لاحظت الكاتب يدخل افكار من ديانته (حسبته مسلم) و تركته على طول

اسلوب الكتابة مرةةةةة ممتع و حتى الهمني ابدأ اكتب، لو تفهمون بالكتابة و اساليبها المختلفة لا هنتوا اقترحوا لي كتب لها نفس اسلوب كتابة خلف زون في كتابه (من قتل وليد).

و اذا عندكم معلومات عن الاساليب المختلفة برضو افيدوني🙏🏽.

لا هنتوا كيف التخصص؟ فيه حفظ كثير و لا فيه تطبيق و معادلات؟

اعطوني اي معلومة عنه ممكن تفيدني الله يسعدكم، افكر احول له

السلام عليكم، وش ممكن يتوظف خريج تقنية حيوية؟ و لا هنتوا ابغى كلام من الواقع و عن تجربة اذا تعرفون احد او انتوا توظفتوا

برضو يفرق الماجستير؟ و لا عادي اتوظف على طول بعد البكالوريوس؟

السلام عليكم، ابغى افضفض و استفسر اذا غضبي مبرر او لا بخصوص حالة ابوي.

ما ابي اعطي تفاصيل كثير بس ابوي مريض روماتيزم و للاسف حالته جدًا سيئة و رافض مرة انه يتعالج.

بدأ الموضوع من فترة نوعا ما طويلة، كان ابوي شخص اغلب وقته برا البيت و فعال و دايم يتحرك يعني، ف الروماتيزم كان صدمة و عرقلته بس بالبداية كان يحاول و يحاربه و حنا معاه و كنا نساعده بالصغيرة و الكبيرة، و مع مرور الوقت صار يعتمد علي انا و احد اخوتي خصوصًا، و صار كانه دوري الاساسي بالبيت هو اني اعتني فيه و مُتوقع مننا اول ما نقوم انا و احد اخوتي اننا على طول نخدمه و نكمل خدمة لساعات طويلة مرات نتعدى وقت نومنا و حنا لسى نخدم، و اللي يغبن انه شبه مهمش تعبنا و محد مرة يقدره، حتى ابوي بنفسه. (لدرجة مرات للاسف للاسف يُعتبر نومنا مو حاجة، يعني لو قلت ابغى انام يواجهوني بغضب و مين راح يقعد عند ابوي؟؟ او لما ناكل عادي نقوم من نص اكلنا اكثر من مرة، و لو كنا متجمعين يكون متوقع مني انا و احد اخوتي زي ما قلت اننا حنا نقوم و الباقين يكملون اكل، صرت احس بعدم امان و اريحية طول الوقت و احس ان باوقات الراحة حقتي النادرة ان فيه شيء ينتظرني اخلصه)

حسيت ان ممكن انا بالذات خليته يعتمد علي تماما (لدرجة اذا يبغى احك له جبهته او خشمه اشياء كذا مرة سبيسفك) احس اني ضريته باني كنت اقدم المساعدة له بشكل مفرط، كنت اصغر و احسب اني اسوي خير بس نوعا ما ضريته، خليته يعتمد علي بدون ما يحس. صار dependent علي بشكل مو طبيعي.

صرت اضغط على نفسي و اسوي نفسي مبسوطة انه اخدمه و انا بأشد تعبي.

صار ذا الشي مرة مزعلني و تكونت مشاعر غضب تجاه ابوي، احب ابوي جدااااا كالمتوقع، لكن الله يهديه مرات ما يتحكم بكلامه و على اتفه و اصغر "الاخطاء" مني يقعد يعطيني جمل مرة تجرح و اقعد اسابيع اصلح اللي خربه فيني، صح دايم يدعي لي بعدها و نادرا يعتذر، بس على كثر ما احاول اتجاهل التأثير النفسي لكلامه ما اقدر.

للأسف احس طول الوقت بمسؤولية علي اني اصلحه، اصلح تفكيره، عاداته السيئة. و دايم امالي بسرعة تتحطم قدامي و يوريني ابوي انه ما يبغى يحاول حتى.

صار يترك اثر سلبي علي و على اخواني جسديا و نفسيا، تعبت مرة و اتمنى يرضى بفكرة العلاج قريب.

ادعوا له الله يسعدكم، و ادعوا لنا يتيسر وضعنا و نتأقلم معاه.

مرات احسني الوحيدة بالعالم اللي تهتم بشخص اخر او تقدم العناية لشخص اخر، مدري كيف اشرح بس caregiver

لو انتوا كذا انا افهم غضبكم و المكم، و اتذكروا ان ربنا اللي اكبر من كل شيء معانا. الله يكتب اجرنا كلنا و يعوضنا و نفرح بشوفة احبابنا بأتم صحتهم.

السلام عليكم، انا طالبة جامعية بكلية العلوم و ودي اعرف اكثر عن لينكد ان

مرةةةة جديدة عليه و ما اعرف الا قليل، برضو ماني عارفة وش ابغى وظيفة بالضبط فكرت بشركات كبيرة منها ارامكو و فكرت اكمل دكتوراة و اصير دكتورة

عمومًا اذا عندكم خبرة افيدوني، و هل ضروري ابدأ انشر بحسابي من الحين؟ (لسى باقي لي ع التخرج كثير)

و ايش اصلا انشر؟