u/zain_wow

رعونة ترامب وتصرفاته چانت السبب بأنه يكون منبوذ بين رؤساء العالم، هذا الشي ممكن يصير لأي بشر يتجاوز حدوده بعلاقاته الإجتماعية، لهذا لازم نعتني بشخصيتنا لما نتعامل وية الناس

قبل أن تبكي وتنعى سيد الشهداء، إفهم سبب إستشهاده

إستشهاد الإمام الحسين عليه السلام، يتخطى حواجز التضحية من أجل الإسلام، وتوصل للتضحية من أجل الإنسانية

الإمام ما يريد إنسان خاضع، ذليل، راضي بالتهميش والضعف والإحتقار، أما بالنسبة للمسلم، فأقل ما يقدمه لقضية عاشوراء هو الإلتزام بالمبادئ التي ضحى من أجلها الإمام

طبعًا بعل نعرفه منو، ومولخ همين نعرفه منو🥀

هل هذه ِ بغدادُ ؟ كنتُ عرفتُها

تأبى مُهادَنَة َ الدّخيل ِ العاقِ

​

ما العُجْبُ لو خانَ الفؤادُ ضلوعَهُ ؟

إنَّ الذي خانَ العراق َ عِراقي

الي ينصحك ما يكرهك ولا عنده مشكلة وياك، ما أدري ليش أكو ناس يتحسسون من النصيحة رغم هي شي أساسي بالمجتمع، بل حتى واجبة بالإسلام، وحتى عيب لما يجي واحد ينصحك لمصلحتك تگله معليك لأن هذا الشخص ما نصحك إلا من محبة فلما تفشله حتى تحافظ على سلوكك السيء فهذا يعبر عن أنانيتك، مع إحترامي يعني🙏🏻

هاي العبارة كتبها فان جوخ برسالته لأخوه ثيو

تگدر من خلالها تفهم شگد البيئة والمجتمع الي أنت متواجد بيه يأثرن عليك

حاول تنقل نفسك من البيئة الفاشلة إلى البيئة الناجحة، لأن أنت راح تعكس جوانب بيئتك بسلبياتها وإيجابياتها، أخلاقك ومبادئك وأهدافك بالحياة كلها ممكن تتغير أذا ما سيطرت على نفسك وعلى بيئتك

قيس چان دائمًا يتغزل بليلى ويذكرها بأشعاره بمراهقته، ولما راد يتزوجها رفضوا أهلها وعشيرتها الزواج لأن إعتبروه "فضحها" بغزله وأشعاره بين العرب، وعاش قيس بعدها بعذاب وكذلك ليلى.

​

خطأ واحد من قيس چان كفيل أن ينهي أحلامه، لهذا قبل لا تتزوج بنية لا تضيع وقتك ووقتها بالحرام، الغزل والمشاعر الي تتبادلونها بالنت ما تفيدكم بدون مشروع زواج حقيقي خصوصًا بمجتمع إسلامي محافظ، هذا الخطأ شگد ضيع شباب ونساء، وتذكر إن بنات الناس مو لعبة فإذا ما ناوي تتزوجها لا تحاچيها أصلًا وتخليها تتعلق بيك

فِدَاءً لمثواكَ من مَضْجَعِ

تَنَوَّرَ بالأبلَجِ الأروَعِ

بأعبقَ من نَفحاتِ الجِنانِ

رُوْحَاً ومن مِسْكِها أَضْوَعِ

​

-محمد مهدي الجواهري

ما أدري إذا إنتم تحسون بنفس الشي لو لا، لكن أحس محد صار مهتم بالحروب ولا للناس الي تموت بيها مثل قبل، صرنا معتادين نشوف مشاهد القتل كأنها مقاطع عابرة مثل باقي الريلزات.

المشكلة الأكبر أن الموضوع ما يقتصر على اللامبالاة فقط، بل حتى صار البعض يبرر للقتل والإجرام، مثلًا أكو يبررون هجوم الصهاينة على فلسطين ولبنان،وهجوم روسيا على أوكرانيا، وحتى المدنيين الي يموتون بإيران محد مهتملهم، صار الموضوع بس سياسة، "اني احب فلان نظام واكره فلان نظام أما الي يموتون فمجرد أرقام" ونفس الشي يتكرر بقصف القوات العراقية أخير فترة، ونص العراقيين ما مهتمين

بغض النظر عن القتل والزنا والإغتصاب والظلم، لأن هاي الشغلات كلنا نعرف أنها الأسوأ وما بيها مجال للمقارنة، لكن غيرهن شنو؟

ليش الناس تكرهه؟ صحيح عنده شعرين أو 3 سيئات، لكن هذا ما ينفي كونه أحد أفضل أدباء العصر الحديث، وچان الأهم تقريبًا بالثمانينات، والقصيدة النثرية الي بالمقطع ألقاها گدام قادة النضال الفلسطيني بذاك الوكت، من ضمنهم ياسر عرفات

الذكرى السنوية لمجزرة سبايكر

الرحمة والخلود لشهدائنا الأبرار، لا تنسوهم من الدعاء

بإستثناء حكومة عبد الكريم قاسم طبعًا

المقطع هذا أحد التحف الفنية للشاعر تميم البرغوثي

اني ما أقصد أن ندعم تميم بشكل خاص، لكن أي صانع محتوى يقدم شي حلو ومفيد المفروض الناس تدعمه، مو ذول التافهين الي ينشرون أشياء مخلة أو مثيرة للجدل بالتيك توك والأنستا، الي هدفهم الوحيد فقط الشهرة حتى لو على حساب كرامتهم ومجتمعهم