r/egyfoods

يتم تفكير

في الفترة الأخيرة أختلطت بناس كتير من طبقات مختلفة، عكس الأول كنت عايشة في أشبه ما يكون بفقاعة، ماكنتش بقابل ناس كتير من طبقات مختلفة اللهم إلا كل سنة مرة وغالبا ماكنتش يختلط بيهم اوي، لكن في عملي الحالي الفرصة جات لي وعايشت زميلاتي في العمل لأكثر من سنة و اللي كانوا -بالمناسبة- من طبقة اجتماعية أعلى مني ( فيه منهم أعلى حاجة بسيطة وفيه منهم ما شاء الله أعلى طبقتين مستريح).

المهم، إني لاحظت قد ايه ده كان بيأثر على التالي:

https://preview.redd.it/1448yv47ze2h1.jpg?width=720&format=pjpg&auto=webp&s=28ed072a0db4d6cd97bee1ceac8d6833a1e5b929

نعيم الجهل التذوقي.

بصراحة (ومكسوفة من الاعتراف ده بعض الشيئ) أنا حد اتعود ياكل اللي موجود ويقدره من غير تفكير كتير واستطعام كتير، أو حتى تطلعات أنه الطعم كان ممكن يبقى أحسن من كده وده بالتالي خلى مصطلحات زي كلمة "أفتر تيست"؛ أو الطعم اللي بيجي في نهاية تذوقك للحاجة ماتجيش على بالي.
كنت عايشة في نعيم الجهل التذوقي.

أنواع المخبوزات اللي قابلتها.

الكتييير والفروق الصغيرة وأسعارهم اللي مش صغيره كانت أول صدمة بالنسبة لي، لما البنات جابوا المكتب أنواع خبز مختلفة زي خبز البريوش، و خبز الساوردو - مش محتاجة اقولكم طبعا اني ماكنتش اعرف أنه فيه اختيارات أكتر من (العيش البلدي، الفينو، التوست).

https://preview.redd.it/z729n9qcye2h1.jpg?width=736&format=pjpg&auto=webp&s=5bfc591d53a02c5e5555fca107364810f080ce22

"هنفطر ايه النهاردة؟"

أحيانًا كنت ببقى مصدومة ومكسوفة من المنيو لما يقولوا لي "احنا هنطلب من كذا تحبي تطلبي معانا؟" ولكن لما كنت ببقى قابضة كنت بقول يلا نجرب ونوسع معرفتنا بدون تبذير- أصل ليه اجيب رغيف عيش ب٢٠٠ جنيه على الصبح بردو!

الصدمة الحضارية.

من البداية كان باين عليا أني عمري ما جربت هذه الاختراعات؛ فكنت بسألهم عن ترشيحاتهم خوفا من المجهول. أحيانا كنت بصارحهم أنه الأكل طلع معقول بس أقل مما توقعت بالنسبة للسعر، وأحيانا أخرى كان ✨مدهش✨، كأني اكتشفت خلايا تذوق جديدة في لساني! الموضوع كان أحيانا بالنسبة لي عامل زي الصدمة الحضارية لدرجة لما كنت بجرب أكلة أو طعم جديد كنت بسيب منه حتة آخدها معايا للي في البيت، زي الكائنات الفضائيه لما تزور الأرض وتاخد عينة عشان تدرسها مع أقرانها.👽
من المواقف الطريفة اللي حصلت لي: جبت لأخويا الصغير تريليتشي، فبيسألني ده عبارة عن ايه؟ قولت له ببساطة كيكة ومحطوط عليها لبن- راح مقاطعني: أم علي يعني!!

https://preview.redd.it/suumui9xxe2h1.jpg?width=736&format=pjpg&auto=webp&s=153c913c174f6cfe94db34a32c86426f7c33a24e

وأخيرا، التجربة دي بحلوها وغريبها خلتني أُقَدِر أكلي وهويتي وانفتح على تجارب جديدة من غير ما أحس بتهديد أو دونية، وأكون ممتنة لربنا على حاسة التذوق.

هل بتحسوا بعلاقة بين الطبقة الاجتماعية والذوق في الأكل؟
ايه أول أكلة اتعرفتوا عليها من برة دايرتكم الاجتماعية؟

ماما طابخه فراخ وبط وانا للمره المليون بقولها مبحبهمش وهي بتقولي ازاي دا انا طبخاهم عشان انتي بتحبيهم
وانا دلوقتييي هموت من الجووع ولو طلبت من برا هتهزق🚶🏻‍♀️

مشعايزة اقضيها ايسكريم عشان ده الحاجة الوحيده اللي بتحسسني بالارتواء حاليا. مهما اشرب ميا بحسني عطشانة ومهبطه.

كنت بعتمد عالكركديه قبل كده بس انا ضغطي واطي فبطلته. ياريت تقولولي بتحبو تشربو ايه فالحر مفهوش كافيين وسكر كتير ومهما شربتو منه مبتزهقوش.

خلونا نعدي الفترة دي لخد مالبطيخ والمانجا يطلعو ويتربعوا على العرش 😋

حلو وفيه بروتين ونسبياً رخيص وبيشبع لكن مبتقبلش طعمه. ايه الطرق الممكن اكله بيها تخلي طعمه احلى ؟

ازاي فيه ناس بتقبل الاكل وعليه بهارات قوية او الناس الي بتاكل الفلفل الشطة ده ... ليه حد يعمل في نفسه كده بجد