u/Ordinary_Barnacle947

كنت امبارح بشتري سندوتشات من محل وعملوا 40 جنية ، روحت مدى للست 100 جنية فقعدت تدعبس كدة وراحت مطلعالى 55 جنيه وقالت يبقالك 5 جنية عشان مفيش فكة، فأنا قلت خلاص مفيش مشكلة يتبقالى 5 جنية، مرة واحدة طلع راجل عجل شبة الدب كدة سألتة معاك 5 جنية، قالها لا اديلوا سندوتش كمان بعشرة، فالست قالتوا هو مش عايز سندوتش كمان، قالها لا لا اديلوا واحد كمان بعشرة اديلوا واحد كمان بعشرة، فالست كانت ادتلى الفكة والفلوس مفرودة فى ايدى، لقيت صحبك دة راح مادد ايدو وعايز يشد الخمسة جنية منى بالعافية عشان اخد سندوتش بعشرة، فأنا روحت باعد ايدى مرة واحدة عنة وقلتلة انا مش هاخد سندوتش تانى، فالراجل تقريبا اتكسف ولقيتوا مرة واحدة كدة سكت وبرق وقرعتة لمعت وقالى انت بتزق لية، الى هو كسم الضحك انا ملمستوش اصلا دة هو الى كان عايز ياخد الفلوس من ايدى ، فالمهم روحت ضاحك وقولتلوا انا مزئتكش وروحت ماشى و هو قعد يضحك زى اللبوة

انا لسة ناقل لمكان جديد من يومين، اقسم بالله حاسس ان انا عايش فى محاكاة، انا مش مستوعب اى حاجة قدامى حاسس ان انا بحلم، انا فضلت سرحان فى مرايا امبارح اكتر من نص لساعة لغاية لما حسيت ان انا ببص لحد غريب، انا حرفيا مش عارف اعمل اية، والغريب كمان ان انا حاسس ان انا كنت فى المكان دة قبل كدة كأنى كنت عايش هنا فعلا قبل كدة كأنى بتفرج على حياة واحد تانى وبيجى معاة شعور غريب مش عارف اوصفة والمشكلة انى انا عايش لوحدى مفيش حد يكون معايا فى الوقت دة مفيش غيرى انا ونفسى، ونفسى دية هتموتني قريب