r/schwiiz

Ich bin selber IV Bezügerin ( 100% Rente) sit 4.5 Jahr und chan si sit 6 Jahr nümme uf mim glernte Job schaffe. Sitem Januar bini anre neue Usbildig dra, wo d IV leider nüt drazahlt. Mis Ziel isches in 3-5 Jahr chöne uf dem neue Bruef schaffe und d IV hoffetli ganz hindermir la. Ich bi 33gi und stecke grad biz inre Krise mit vielne Ängst und Zwifel und wür eifach mal gern die eint oder ander Erfolgsgschicht läse.

Ich bruch kei Tipps fürs ganze Thema Wiederigliderig oder so, sondern mich interessiered Gschichte vo Mensche wo wieder im 1. Arbetsmärt schaffet nach IV Rente und Jahre ohni Job.

Hoi Zeme

Ich wird das Joor 38 und mi grossi Vorsatz zum Jooresstaart 2026 isch gsi, das ich mich endlich mal sinnvoll um mini Altersvorsorg kümmere.

Und positiv gserh, ich ha nid total verseit drbi. Immerhin han, ich inzwüsche all mini PK Gelder - wo über die joore bi Arbetgeber Wechsel jewils ergendwo ligge blibe sind - chönne zemme sammle und ih mini jetzige PK chönne schiebe 🥳

Sit einiger Zyt versuech ich mit 3. Süle usenander zsetzte und ganz ehrlich gseit ich ha super wenig luscht drzue - sind sache wo mirs echt schwer fallt mich zbgeischtere. Vor zwei Wuche han ich den grad eh Ahruf vo minere Bank becho: "Öb ich mich mal mit 3 Süle und Altersvorsorg allgemein möchti berote lah."

Ich ha denkt: Jo mega, das isch super zuefall. Inzwüsche Berotigstermin gha und zimlich gnervt drvo. Ich nimm PK Uszug mit AHV Uszug mit, freu mich uf Berotig - das züg wird gar nid ahgluegt - sondern eifach 4 verschiedene Süle 3a Produkt vorgstellt. Also reine Verkauf - 0 Berotig.

Daher jetzt mal die verzwifliti Froog uf Reddit? Gits ergendeh Institution, Firma, Stiftig, egal - wo würklich eh Altersvorsorg Berotig macht? De Scheiss ahluegt und sich Gedanke macht öbs eher Sinn macht na chli Geld in PK schiebe oder meh Sinn macht in eh 3. Süle schiebe und wenn jo in was für eini, etc? Und zwar würklich im Sinn vo Berote und nid im Sinn vo "Eigeprodukt verkaufe" ?

Guete Tag mitenand,

Ich segs churz und knapp, ich schaff mittlerwili öpe 1 Monat als Zivi und han denkt, chum mach direkt die 365 teg den hesches... Jetzt gfallt mer de isatzbetrieb nöd und ich wot aber min lange Dienst durezieh uf 180 täg also quasi e Reduktion uf de langi Dienst...

Min Betrieb het mir zugstumme, und es isch oke für sie.

Was jetzte es Gsuech schriebe? Das Gsuech für "Dienstverschiebig" wo ich vor mir han seit nur i Notlage chan mer verschiebe. Aber es isch nöd wük eini? Ich wot eif nur reduziere uf 180 täg... Was jetzt es normals E-Mail mit de Unterschrift vom Betrieb???

I mim umfeld und us persönlicher erfahrig (schaffe und gseh) gönd viel lüüt wo im stundelohn agstellt sind obwohl sie chrank sind go schaffe, will sie sich s chrank si nöd leiste chönd. Bsunders problematisch isches, will die ja meistens im Lebensmittel bereich schaffed: resti, bar, Cafés und essensständ. Weder find ichs geil wenn öper mir mis sandwich git wo usgseht als ob er jetzt den grad chotze muess, no han ich oder mis umfeld gern so gschaffet

Ich mach mer drüber scho länger gedankä und hüt liisi zum erste mal gnau das, was mir siit wuche dur de grind gaht. Nach dere extreme trocheheit könnts eus bi starchräge über längeri ziit zu zimli hässlichi Hochwasssersituatione cho.

Und irgendwie isches wieder es wunderbars sinnbild defür, wie euses land mit dä Klimakrisä umgaht. Mir känned gfahr, mir hend zig fachlüüt, messdate, klimamodäl, risikoanalyse und irgendwo in Bern en 180 siitigä bricht mit 14 ahäng und enerä schöne excel tabälle.

Denn diskutiert mer jahrelang drüber, ob klimaschutz viilicht doch biz ztüür isch, zu hysterisch oder z'umbequem. Aber wenn dänn all Fälder vertröchnet sind und dänn plötzli all chäller under wasser stönt, staht denn wieder irgend en tubbel vor de Kamera und erchlärt mit ernstem bürgerliche frässi, das mer ii dem ussmass würkli NIE demit het chöne rächne.

Viilicht sött mer langsam vo "überrascht betroffä sii" uf "gfahrä endlich taminamal ernst näh, bevor sie iiträttet" umstelle.

Wär revolutionär, ich weiss.

Gahn ez denn uf jede fall paar Sandseck go postä nur für de Fall das die nöchst völlig unvorhersehbari Überraschig chunt.

Sali mitenand, ich hoff euchs goht allne guet.
Ich han e frog:
Negsts Johr rück ich in ins Militär in de Funktion Sanitätssoldat (Durchdiener) oder Rettigssoldat (DD) i (hoffentlich haha), und will nachem Militär Medizin studiere; defür muesi aber de NC schribe und mich dementsprechend druf vorbereite.
Do hanni welle froge ob epper Erfahrige het / ischätze kann ob meh Zit/ Kraft het in dere Zit, unter de Wuch am obig defür z‘lerne.
Nachem Militär hanni nonemol 1 Monet zit bevor de Prüefigstermin isch für intensives lerne.
Merci fürd Hilf!

Sali Mitenand

Mit 28i, eme EFZ als Informatik Systemtechnik (ohni BM) und scho 6 jahr als Sysadmin, han ich s gfühl ich sett vilicht en Wiiterbildig mache.

Macht en HF Informatiker/in Sinn? Und het öper erfahrige ih some Studiegang und chasch d Schuel empfelle?

Danke scho im vorus für üchi Inputs! 🙏

Wo findmer no Brülle? Isch chli knapp, ich weiss

Gschätzte mitbünzlis

Ich hoff die frog isch i dem subreddit ok.

Mir wend i nöd so ferner Zuekunft chli öbis vo üsrem gäld gewinnbringend investiere. Für das sin mir vor churzem uf de Bank gsi und hend üs chli berate loh. Üs sin diversi Optione für fonds oder ou aktie aabote worde. Mir sind üs jetz aber nöd sicher ob das de richtigi Entscheidig isch.

Deswäge wäri froh ah do wo Erfahrig hend villicht chli verzelle was ihr gmacht hend und wies usecho isch? Villicht gibts ja näbe Fonds und Aktie ou no andri Möglichkeite wo mer cha drii investiere.

Mir hend öber 10-20k zur Verfügig wo mer chönnted näh zum investiere.

De Podcast vo The Market Huddle hend mir scho glosed aber isch nöd so hilfriich gsi.

Hallo zusammen

Ich bin aus dem Kanton Thurgau und habe die Frist für meine Steuererklärung bereits bis August verlängert. Jetzt läuft die Zeit langsam davon und ehrlich gesagt fehlt mir immer noch komplett die Motivation, mich selbst durchzukämpfen.

Meine Situation ist eigentlich sehr einfach: alleinstehend, Arbeitnehmer, keine Liegenschaften, nur ein paar Konten und die Säule 3a. Trotzdem will ich die Erklärung nicht einfach schnell schnell selbst durchklicken, sondern das sauber und mit möglichst gutem Ergebnis erledigt haben.

Ich sehe ständig Werbung von diversen Plattformen, die das Ganze für 70 bis 100 Franken erledigen wollen. Das Problem: viele dieser Seiten wirken auf mich ziemlich veraltet und wenig vertrauenswürdig, und ich will meine Steuerdaten ja nicht irgendeinem Zwei-Mann-Betrieb ohne Impressum anvertrauen.

Kennt jemand von euch grössere, seriöse und etablierte Anbieter, die man für so einen einfachen Fall empfehlen kann?

Bin für jeden Tipp dankbar, auch für Warnungen vor Anbietern, mit denen ihr schlechte Erfahrungen gemacht habt.

Danke schon mal!

Ich han ä Frag. Es git so viel sammel und spendenorganisatione i der Schwiz, allne vora Glückskette. Die meischte sammlet gäld für Projekt im Usland.

Warum Chamer etz nöd es Projekt starte und sammle damit Buure chönd Fueter chaufe anstelle d‘Küeh go schlachte?

Ich weiss jetzt ned öb de post i dem sub gsi ond glöscht worde esch oder en andere schwiizer sub. Gfendes grad nlmme. S esch drom gange, dass sech öbber beklagt hed, daser noch de lehr mete Lohn vo 4.8k im Monet mues starte ond en "aspruchsvolli' Lehr gmacht hed, vermuetlich Plattform Entwickler EFZ oder so.

Ja was seli dezue säge... Ich be sed öber 25 Johr i de IT tätig ond be emmer bitzli überrascht was aktuelli lehrabgänger a lohnvorstellige hend. I de legschte mönet send vorallem im ruum ZH brutal viel IT stelle abbaut worde und dor das sehr viel erfahrni lüt ufem märt.

Dezue hend jetzt grad ganz viel d Lehr fertig und suechid en stell. Ech ha scho dossier vo Lehrabgänger gseh wo kei nische know how hend ond öber 100'000.- wend. Als system engineer professional natürlich! Das chond aktuell en guete Linuxer met 30i ond 10 johr praxis öber. Ond die send eher "sälte".

Wenn du us de lehr chonsch ond chli windows und azure chasch besch läider käi spetzi. Ond fendid üch demet ab, dass IT generalischte ned grad gsuecht send.

Fende jetzt 4.8 x 13 au eher mager, aber met 5,5 x 13 hesch als lehrabgänger im momänt grad en guete lohn.

Suechid üch en guete Arbeitgäber, möchid mal admin / junior und sammlid erfahrig.

Mier sind es Päärli (W28 und M31) und hend gmerkt das mer zwenig lüt hend wo mit üs sache zockid.

Ich zocke ame gern multiplayer sache wie Peak, Backrooms und so wiiter. Grad liebeuglich mit em spiel Big walk (mösste mer aber no chaufe🙃)

Mi Verlobti spillt die gliche sache, spillt aber au gern shooter und anderi unterschidlichschti sache.😂

Hets da inne lüt wo au grad uf de suechi nach lüt sind? Wär cool wemmer amig mindestens z 4te si chönntet.

Freue mich uf üchi antwort😁

Zersch mal ich will kei Hass gege Usländern sondern Kritik am System.

Ich han e relativ hoch agseheni Lehr gmacht und ha Problem gha en job finde. Woni den mit de Lohnvorstellige dütlich abe bin hets plötzlich doch klappet. Mini lohnvostellig hani gha willi mit arbetskollege gredet han und die gseit hend so epis im bereich vo 5.5-5.8 im Monet isch en aständige istiegerlohn. Nur hend die das no vor 10+ Jahr gha. Mittlerwile gits viel meh wo usem Usland i t schwiiz chömed zum meh verdiene und glichzitig für schwiizer Verhältniss weniger verlanget. Situation jetzt: ich han en job aber für 4.8, fast 1000 weniger als mini ehemalige arbetskollege wo sie agfange hend und währenddesse sind t prise um einiges ufe. Am neue arbetsplatz 80% hochdütsch, brochenes dütsch oder nume englisch.

Ja i gwüsse bereich hemmer en Mangel, aber mich kackts eifach ah dasi mi unter mim „marktwert“ verchaufe muess nur zum mit de tüüfe aforderige vo iwanderer konkurrieren z chöne.

Isch meh uschotze aber ich glaub ich bin nöd de einzig wos so gaht