r/schwiiz

Hoi zäme!

Ich bi en 19-jährige us Züri und plane dä Summer en Trip dur de Kaukasus. Dafür suechi en Travel Buddy, de bock hät mitzcho! :)

Route:
📍 Start: Tbilisi, Georgie
📍 Ziel: Yerevan, Armenie
📅 8. August – 16. August 2026 (flexibel aber sött ih dere Wuche sii)

Ich bi mega fasziniert vo sowjetischem Modernismus, Brutalismus und vergessene bzw. verlassene Orte. Drum suechi öpper, wo das au spannend findet.

Ich wür gern hauptsächlich mitem Zug / Marshrutka reise – unter anderem mit de legendäre sowjetische Nachtzug-Verbindig zwüsche Georgie und Armenie. Debii wämmer möglichst viel vo de eindrücklichste Monument und Relikte im Kaukasus entdecke.

Ich suech öpper wo Bock het uf so es Abentüür.

Schriib mer e DM, falls Interesse häsch! :)

Nur blöd hemmer die wise scho zuebaut - eigentli isch das jo egal - ob die dumme viecher vo zecke gfresse werde, oder ob mehr die eifach id müllpressi werfed. es macht nämli kei sinn, usser fürn tierlifründ wo no bitz subventione kassiere wott.

I kenn niemerd wo en echte lamm kebab esse würdi. Du scho? Wer isst Lamm Kebab?

lg

S’geniale a dere Debatte isch: Millionär und Milliardär im Parlament, Immobilie-Bsitzer, Verbänd und Partei-Elite zeiged permanent uf "z’vill Lüüt" - und de Pöbel diskutiert brav über Zuwanderig, statt über Bodebsitz, Hypothekarabzüg, BVG-Optimierig, Erbschafte, Kapitalgwünn und Mietwucher.

Das Problem isch nöd, dass z’vill Lüüt i de Schwiiz läbed. S’Problem isch, dass z’vill Regle so gmacht sind, dass Vermöge automatisch meh Vermöge wird - und Arbeit, Miete, Krankekass und Alltag immer meh drunter begrabe werded.

Wer Bode het, profitiert devo, dass Bauland knapp bliibt, Bauhöche begrenzt sind und Verdichtig überall blockiert wird. Für Eigentümer heisst das: Boderente. Für Mieter heisst das: meh Miete, weniger Wohnige, meh Druck.

Wer scho Vermöge oder Immobilie het, bechunt billigi Hypotheke als Hebel. Wer nüt het, zahlt Miete und finanziert indirekt d’Rendite vo de andere. Schöns Prinzip: "Du hesch scho vill? Da hesch no billigs Gäld dezue."

Hypozinse chasch vo de Stüüre abzieh. Miete nöd. Das belohnt verschuldeti Immobilie-Besitzer, vor allem bi hohem Iikomme und hohem Grenzstüürsatz. Wenn d’Hypothek optimiert wird, heisst’s Finanzplanig. Wenn d’Miete z’tüür isch, heisst’s halt: zieh doch weg.

Denn BVG. Wenn öpper Karriere macht und plötzlich 250k oder 300k verdient, tuet d’Pensionskass so, als hätt die Person dä Lohn scho s’ganze Läbe gha. Zack: "Vorsorgelücke". Und denn chan mer massiv stüürabzugsfähig iichaufe. Für Normalverdiener theoretisch au möglich - praktisch fehlt halt de Stutz.

Über em obligatorische BVG wird’s no schöner: Kader-Vorsorg, überobligatorischi Plän, 1e-Plän, individuelli Anlage, alles schön im Stüürmantel. Je höcher de Lohn, desto nützlicher s’Instrument.

Süüle 3a isch au so es Ding. Offiziell für alli. Real für die, wo nach Miete, Krankekass, Chind und Alltag no paar Tuusig Stutz vorig hend. Wer knapp lebt, het kei Stüürvorteil, sondern es leers Konto.

Privati Kapitalgwünn sind oft stüürfrei. Lohn wird brav bestüürt. Wenn s’Depot oder Beteiligige wachsed, isch’s elegant. Schaffe wird voll abgrächnet, Bsitz wachse loh viel weniger.

Erbschafte und Schänkige vererbed Klasse ziemlich bequem wiiter: Immobilie, Depots, Firmäanteil, Startvorteil. Und nachher heisst’s denn: "Mer muess halt fleissig si."

Pauschalbestüürig und Stüürwettbewerb helfed vor allem de Mobile und Riiche. Wer gnueg Gäld het, chan Kanton, Gmeind, Wohnsitz und Struktur optimiere. Normali Lüüt hanged a Job, Schuel, Familie und Wohnigsmarkt. Mobil sii isch sälber scho es Privileg.

Und all die Einsprach, Zoneplanig, Heimatschutz, Quartiercharakter, Ortsbild, Schattewurf, Verkehr, Lärm, Grünflächi - tönt alles neutral. I de Praxis schützt’s aber oft eifach bestehendi Eigentümer vor meh Wohnraum und damit vor sinkender Boderente.

Eigenmietwert-Debatte? Wird gern verkauft als Entlastig fürs Rentner-Päärli im alte Hüüsli. Je nach Usstaltig profitiere aber vor allem Lüüt mit vill Immobilievermöge. Mieter bechömed devo: exakt gar nüt.

Und wer nur Lohn het, isch stüürlich ziemlich nackt. Wer Firmä, Holdings, Dividende, Spese, Vorsorgelösige und Berater het, chan ganz anders jongliere.

Unde gits denn d’Gegesiite vom gliiche Spiel:

Kei schwiizweite Mindestlohn. Für es Land mit Schwiizer Miete, Krankekass und ÖV-Preise scho speziell.

Arbeitsverträģ mit 0 Stunde. Arbeit uf Abruf heisst: Arbeitgeber het Flexibilität, Arbeitnehmer trägt s’Risiko. Hüt 40 Stunde, nächsti Wuche 5, Corona 0 - aber Miete, Krankekass und Esse laufed normal wiiter.

Mehreri Jobs, aber trotzdem kaum BVG. Wer drei Teilzeitstelle het, cha zäme es normales Iikomme ha - aber jede Job frisst separat Eintrittsschwelle und Koordinationsabzug. Jahrelang gschafft, aber kaum PK-Guthabe mit Zinseszins. Super fair.

Zahnarzt nöd grundversicheret. Zäh sind medizinisch schibar Luxus. Wer Gäld het, macht Kontrolle, Dentalhygiene, Füllige, Spange und Implantat rechtziitig. Wer knapp lebt, wartet bis es weh tuet - und denn wird’s richtig tüür. Prävention für Riichi, Notfallmedizin für alli andere.

Und denn luegsch ufe zu de Lohnbubble.

Wenn Zürcher Stadträt Richtung 300k statt 250k gönd, wundert’s eim nöd, dass e Tram-Hin-und-zrugg für a Familie mit zwoi Teenager 35 Franke als "günstig" gilt. I dere Bubble isch s’Portemonnaie halt anders kalibriert.

Nationalrat isch offiziell Miliz. Real heisst das aber au: Wer scho Vermöge, Firma, Verwaltungsrät, Lobby-Netzwerk oder sogar Milliarde im Rugge het, cha mitentscheide, was für Normalverdiener „z’tüür“ oder „z’vill Staat“ isch. Und dezue git’s no Taggelder, Spese und Vorsorgbeitrag. Bundesrat sowieso obere Liga. Und gliich tönt Politik oft so, als wär mer ganz nöch bim normale Haushaltsbudget.

Oder Migros: Wenn en Chef mit ca. 900k Jahrlohn (75k im Monat) öffentlich jammert, dass Herr und Frau Schweizer ennet de Grenze günstiger poschted, wirkt das chli speziell. Für ihn isch’s Strategie. Für Familie isch’s Monatsbudget.

Und während mer Kundschaft moralisch gern im Inland bhalte würd, het Migros sälber im Usland und i Nebegschäft sehr hunderti Millione verlocht. Aber klar: Wenn obe verzockt wird, heisst’s Strategie. Wenn unde gspart wird, heisst’s mangelndi Solidarität.

Mini Pointe:

Wenn e Kassiererin drei Jobs het und trotzdem kei richtigs BVG zämebringt, isch das "Flexibilität". Wenn de Chef 900k verdient und d’Lüüt im Dütsche poschted, isch das plötzlich es nationales Problem.

Wenn Arme z’wenig hend, heisst’s Eigenverantwortig. Wenn Riichi z’wenig Stüüre zahled, heisst’s BVG-Optimierig, Hypothekarabzug oder Standortattraktivität.

Mir hend nöd primär es Problem, dass z’vill Lüüt da sind. Mir hend es Problem, dass z’vill politischi und finanzielle Regle so baut sind, dass Vermöge automatisch stärker wird - und Arbeit, Miete, Krankekass und Alltag immer meh drunter verschwinded.

I don’t have a car or anyone to practice driving with. I only take one driving lesson per week with an instructor.
Is there anyone in Zurich who would be willing to let me practice driving with their car once or twice a week, while sitting next to me as a supervising passenger?
Please comment or message me if you can help. Thank you 🙏

Hallo zäme

vilicht weiss das hie öpper. i han via galaxus es gebrauchts produkt kauft. das isch ja so, dass das bitz wie bi ricardo oder so, dur en privatperson verkauft wird, wo das zuvor scho bi galaxus für sich kauft het.

das hani itz scho es paarmal gmacht und normalerwis gaht das au recht schnell. mues aber säge, dasi mi amig ned uf de versandstatus gachtet han.

jetzt staht aber bi mim am weekend kaufte produkt "lieferung verzögert" bzw "liefertermin wird abgeklärt". wie cha das si, isch doch en private wo mir das müessti schicke.

weiss da öpper meh?

Hallo mini Härzauerliebste Mitmönsche

(TLDR am Schluss)

Ig (Uterus Bsitzer:in) ha leider erblech bedingte Hoorusfau wo mer haut vorauem psychisch mega fescht zschaffe macht. Es isch scho ellei über di letzte 6-12 Mönet viu schlimmer worde. Minoxidil isch do sones Züg wo bewise mega guet mit däm hiuft wenn me früeh gnueg dermit ahfoht. I weiss es git topischi(?) Optione wie Schuum oder so Serum-Gedöns. Do das aber mega giftig isch für Tierli u ig e chli e zu neugierige Kater ha und ig rächt tollpatschig bi wotti das Risiko nid ihgo.

Jetz hani aber gläse dass Minoxidil Tablette uf Rezäpt or Schwiz erhäutlech si. I ha dänkt "jo huere nice mini grössti Insecurity wird glii Gschicht si!" und bi mit dere Idee zum Husarzt. Dä het aber gseit är heigi no nie vo Minoxidil Tablette ghört und chas au nid bstöue oder eso. Jetz bini haut chli verwirrt wius es anschiinend jo irgendwie git. I has uf dütsche Apotheke Websitene gseh aber ir Schwiz bini wie nonid fündig worde nach stundelangem google u umefroge etc etc.

Jetz zu mire eigentleche Frog: Het öbber vo öich oder öbber wo öbber kennt wo öbber kennt däm sim Cousin si Goudfisch sini Tante wo ir Schwiz wohnt Minoxidil Tablette becho? I bi chli fest verzwiiflet.

TLDR: Hilfe wo fingi ir Schwiz Minoxidil Tablette u wie bechumi die gäg mi Hoorusfau?

Hey zusammen

Ich möchte nächstes Jahr die HF BWL starten und werde gleichzeitig weiterhin 100 % arbeiten. Mir ist bewusst, dass die HF BWL grundsätzlich nicht als die anspruchsvollste Weiterbildung gilt. Trotzdem habe ich gehört, dass die Erfahrung je nach Schule sehr unterschiedlich sein kann. Bei manchen soll der organisatorische Aufwand oder die Menge an Abgaben deutlich höher sein als bei anderen.

Deshalb würde mich interessieren:

• Welche Schule könnt ihr empfehlen, wenn man nebenbei 100 % arbeitet?
• Wie sind eure Erfahrungen mit HSO, WISS, MBSZ oder anderen Schulen?
• Wie hoch war der Lernaufwand pro Woche wirklich?
• Gab es viele Gruppenarbeiten, Präsentationen und Hausarbeiten oder eher klassische Prüfungen?
• Welche Schule empfandet ihr als am entspanntesten bzw. am wenigsten stressig?

Zu mir: Ich habe vor zwei Jahren das KV mit einer 5,5 abgeschlossen, ohne besonders viel lernen zu müssen. Ich hoffe ehrlich gesagt, dass ich die HF BWL ähnlich effizient absolvieren kann und suche deshalb eine Schule, die sich gut mit einem Vollzeitjob vereinbaren lässt.

Ich freue mich auf eure ehrlichen Erfahrungen – sowohl positive als auch negative. Danke! 🙏

Lütt! Es ist nümm fünf vor zwölf! Es isch scho zwölfi gsii.

Wievilli Hitzerekord wärde mir no bräche? Khönne mir uf die Rekoord schtolz sii? Ganz ehrligg gsait: Gohts allne guet drbii? Ich hock sit vier Taag in dr abdungglete Wohnig, wo s ainewäg über 30ig Graad heiss wird. Trotz Ventilaator. Gang ich vors Huus, schtiig ich in e dumpfhaissi Wand iine. Für mii als elteri Persoon und Aschthmatikerin isch das schwiirig. Vor vierzig Joor isch es extreem gsii, wenn s Thermomeeter emolle uff 30 Graad klätteret isch. Ansünschte: 25-27 Graad im Juni/Juli. Aber es goht do nit numme um mii.

Fischschtärbe, Trockehait, Bränd, Gletscherschwund imene extreeme Tempo. Das sind numme e paar Schlaagziile vo de letschte Dääg. Rägnets emolle, denn z heftig und z weenig. Wältwitt gits immer meh Wätterextreem.

Wie wärs, sich ändligg bi unsere Politigger drfüür MASSIVSCHT iizsetze, dass die Klimaziil wältwitt umgsetzt wärde? Sofort und ohni Uffschuub. All die Parteye, wo numme dt Wirtschaft und s Waggstum im Aug händ und e bitzeli Klimapolitigg betriibe, ghööre aifach in Sänkel gschtellt.

Wie wärs, wenn sich jeede au mit sim Verhalte würd uusenandersetze? Muess me denn mit em Fluugi in dt Ferie fliege, muess me sin Gaarte mit Schotter zuepflaschtere? Ich waiss, es isch nit aifach esoo allne mööglich, zum Bischpill ihri alte Haizige umzrüschte. Doodrfür bruche mir tatkreftigi Regiirige - wältwitt! In däm Zämmehang: Dt Abschaffig vom Aigemietwärt mit dr Möglichkait, dt Unterhaltsarbete an Wohnhüüser vo de Schtüüre abzzieh, isch grad für Lütt mit eltere Hüüser, wo me saniire sötti, en Unding gsii. Au so öppis kurzsichtigs.

Das alles sind frommi Wünsch. Und villi händ scho uffgäh. Mache aifach witter wie bishär oder leugne dr Klimawandel. Es bruucht e Beweegig, die dermasse Drugg uffsetzt, dass sich ändligg öppis bewegt. Und dr Herr DT und sin chineesische Kolleeg ghööre so schnäll wie mööglig iigschperrt - läbenslang inerer forensische Psychiatrie.

Ich schriib das am 6i am Moorge, bevoor ich in Gaarte gang, go giesse. Noonemolle en superhaisse Daag! Was händ mir drvoo?

Edit: Und söll mir jetzt kaine vo deene kho, wo maint, es sigg alles egaal und wenn miir öppis mache würde, denn bringi das nütt. Mit däre Haltigg isch no nie öppis veränderet worde.

Nöd Krypto bitte.

Bi GoFundMe z.B. chame schiinbar säge, dass me nöd im öffentliche Spenderegister wett ufgführt werde, aber de Spende-Empfänger chunt din Name gliich mitteilt über. Wetti aber nöd.

Hintergrund:

Dä uf Bünzli gläse, und mer tänkt, wett en Batze drageh, en Hunderter oder so, viellicht mached anderi jo au mit.

Aber ebe: Machi nume wenn's (vo Spendersiite) komplett anonym goot :/

Ideeä?

Ich reg mich jedesmal uuf und ich finds so schad. 😕
Es isch dräckig, ständig wirsch vo obdachlosi wege fläsche pfand ahquatscht und überall muesch euro münz füre chlaube will "karte ab 10 euro".

S schlimme isch wo mi am meischte uufregt isch: ich mag mich als chind erinnere das düütschland vor 20 jahr zum gröschte teil uf em gliich guete niveau gsi isch wied schwiiz. Finds so truurig.

Wie gsehnd ihr das?

Wa cha me gege Chatze im Gaarte mache? Nachhaltig! SchISseT überall anne, ermordet dt Vögel in mim vogelfründlige Puuregarte. Ha mer jetzt e Wasserpumpgang gchauft.
I dem Zemmehang: Gits Gmaande, wo öppis gege die Chatzeplaag ondernemme? Über 1.5 Mio gits und s werdet immer meh. Mini drüü Vogelhüüsli chan ich abhengge.
Ich mag Chatze, Vögel abr ou und die werdet dramatisch dezimiert.