دلوقتي تقدروا تختاروا الفلير المناسب لكل بوست قبل نشره، علشان يساعد في تنظيم الرسائل ويوضح طبيعة كل رسالة بشكل أفضل.
اختاروا التصنيف الأقرب لكلامكم ومشاعركم 🤍
وأي اقتراحات أو أفكار جديدة مرحّب بيها دائما. 💌
حساه هيتوظف حلو اوي هناا🤝
انا مشفتكش قضية خسرانة ابداً علي مدار تواصلنا ، و عايز تعرف ليه كنت صارمة في حسم الامر في الاخير مبيننا.. لانك مكنتش متمسك بيا ولا بوجودي اطلاقا ، انك زي ما اتأكدت بعدين بكل اسف كنت كل دة لسة من جواك متعلق بطيف شخص من الماضي.. ، و دة للاسف فتح عيني علي حاجات كتير… ، و سهل عليا اختيار ان اقفل الباب و اتربسه كمان
انا في تلك الفترة المتقطعة ، مجتش فرصة ان انا أُطلق العنان لربع مشاعري تجاهك حتي.. ، انت لا لحقت تعرف انا كنت بفكر في ايه للمستقبل لينا ، ولا كنت مستعدة اقدم ايه بكل حب مني عشانك
كنت هقدم اكتر من مجرد سند و دعم، بس دة لو حسيت انك متمسك بيا حقيقي ، بس انت حرفيا متردد و مش عارف اذا كنت عايزني ولا لا و دة شيء عمري ما اقبل بيه لنفسي ،انا عُمر ما حد ،من قبل كدا، حسسني بكدا :) ،عشان تكون في الصورة.
جزء مني بيقولي ابقي مغفلة لو صدقت منك كلمة تاني، و جزء متناقض نفسه يصدقك اوي حقيقي، بس افعالك كانت نقيض كلماتك و لا زالت .
و عموما انت مكنتش عارف انا كنت شيفاك ازاي ، ولا كنت بنسبالي ايه.
انت خُسارتك ليا كبيرة، و زي ما بقولك في كل مرة في الاخر ، اعمل الاصلح ليك و ربنا يوفقك في حياتك .
الحاجات دي هي اللي بتخلي للحياة معني جميل اوي بنسبالي ،و احساس لا يوصف بجد اني فعلا قِدرت اهون عليها و اخفف عنها و هي فعلا حد يستاهل كدا مني و اكتر ، الاجمل كمان انها قدّرت مجهودي برغم ان انا بجد مكنتش مستنية منها شكر او غيره، كفايا بنسبالي ان انا حسيت اني قدرت فعلا اعمل حاجة فرقت مع حد مهم بنسبالي، و حقيقي حقيقي حاسه ان انا مبسوطة اوي من كدا 💗💗
لحد فترة مش بعيدة كنت بدعي من قلبي فعلا اننا نكون من نصيب بعض..
وبعد كدا لما محصلش نصيب ، فضلت من قلبي لسة بدعي ليك ،ولكن بالخير و صلاح الحال بس ..
دلواقتي، و من بعد ما الصورة اتضحت ليا بالكامل،و شكوكي اتأكدت اخيراً ، بدعي و من كل اعماق قلبي إن ربنا يمحي أثرك من ذاكرتي بالكامل.
لما بمر باي ازمة في حياتي مخي تلقائيا بيفرملني و يفكرني باحداث وفاة والدي، كأن عقلي الباطن بيقولي انت مريتي بالاسوء فرفقا بنفسك..
فقدان والدي اللي مخليه لسة معلم جوايا حتي بعد مرور ٧ سنين منه، هو ان كانت علاقتي بيه وطيدة الي اقصي حد لا يكاد يشوبها شيء بدون مبالغة، كان قادر ياخد دور الموجه و الصديق و الاب و الناصح ، و كان إنسان استثنائي عموما بشهادة غيري ، المشكلة اللي بعاني بيها ان كان طول فترة وجوده كنت بتلقي دعم و احتواء و دلع وعندي حصيلة من الذكريات الظريفة معاه ، و كل دة انقطع عني من وقتها…
و برغم كدا من وقت وفاته عمري ابدا ما دورت علي نموذج اب في اي حد تاني اطلاقا، زي خالي مثلا او غيره ، و مش عايزة فعلا حد ياخد مكانه انا من قلبي ممتنة علي ال ١٤ سنة اللي عاشرته فيهم ، و بحمد ربنا ان تجربتي و علاقتي معاه كانت جميلة حتي و إن لم تدم .
صعبان عليا بس انه عاصر نسخة مني مكنتش احسن حاجه اللي هي تعتبر نسخة بداية فترة مراهقتي و انه كان يستحق مني وقتها اكون ابنة افضل عشانه، فالفكرة انا اوقات بعجز عن مواساة نفسي حقيقي ، و بالإضافة لتأكدي من قد ايه حياتي كانت بلا شك هتكون افضل لو كان لسه موجود و كانت اختياراتي علي جميع الاصعدة كانت هتبقي افضل لان كنت بقدر اشارك معاه تقريباً كل حاجة و كان خير موجه ليا دايماً..
و لا زلت مش قادرة اتخطي كل دة..
تستحق التجربة 💯
يارتني يا بابا سمعت بالنصيحة اللي كنت قولتها ليا وانا عندي١٢ سنة
عشان انا بجد بدفع التمن دلواقتي.
معلقة معايا من اول اليوم 😭
هان عليكي العشرة للدرجة ؟ ، انا عارفة صداقتنا مكنتش مثالية بس كنا وصلنا انا وانت لمرحلة كنا فيها اكتر من مجرد صحاب بجد، و علاقتنا كانت حقيقي مميزة جدا طول عمرها ، وانت شفتي بنفسك مجهودي في الفترات الاخيرة و محاولاتي في رجوع تواصل بيني و بينك ولو حتي يكون طفيف ! حرام عشرة اكتر من ١٥ سنة يروحوا هدر كدا والله ، كان نفسي حتي توضحيلي لو كان فيه تقصير من ناحيتي او لو كنت مدايقة مني في حاجة تعاتبيني و نشوف ليها حل مع بعض ، حزينة اننا بقينا كاننا اغراب بالنسبة لبعض ،من بعد ما كنا من اقرب الناس انا وانت في وقت من الاوقات..
حقيقي مكنش نفسي اخسرك ابداً