u/Additional-Action353

if i have a lat pulldown on pull and also on upper day, should i track the weight and reps progression differently? or just track it normally?

يالربع قاعد اضخم تضخيم محسوب سعرات ونادر ما اكل مطاعم وغيره يعني شبه نظيف، زايد بس ٢٠٠ سعره، مشيت على هالنظام فتره، وزني عالميزان قاعد يزيد وقاعد انشف بنفس الوقت شلون لا تسألني، يعني في فرق بالعضلات بس لاحظت الدهون خصوصا عند التراي قاعد تقل، مادري الشي هذا طبيعي ولا لا بس انه مكمل عالدايت وبشوف وين اوصل

يا اخوان بس رساله بسيطه، قبل لا تكتب بوست تسال فيه عن اي شي حرفيا، جرب ابحث داخل الصب واكتب الشي الي تبي تعرف عنه وشوف لو مسوين عنه بوست قبل او لا، يعني مو لازم كل شوي بوست "شلون انحف" وفيه قبله الف بوست مع نفس الاجابات والاساسيات، غالبا بتلاقي الاجابة الي تبحث عنها بس لو تكتب السوال بالsearch.

يعطيكم العافيه 🌹

شفت فيديو توني واحد يقارن بين اوزانه قبل شهر وحالياً على جهاز صدر علوي (بنفس نطاق العدات) وزاد تقريبا ١٠ كيلو عالجهاز، طبعا بتسالوني شنو شفت؟ حرفيا التكنيك انضرب وصار تمرين اكتاف وتراي وتفعيل الصدر العلوي صفر بالمية واهو قاعد يوهم نفسه انه تطور.

شوف عزيزي اللاعب الطبيعي، اول شي بشرح شغلة منطقية عشان تفهم الزيادة، خل نفرض انت تلعب جهاز بنش برس (مثال) وكل تمرين تزيد كيلوين ونص وتييب نفس العدات، اذا بالبداية كان بنشك ٦٠ وتلعبه مرة بالاسبوع فنهاية السنة بيكون بنشك ١٩٠ والي اهو كلام غير منطقي نهائياً.

تسجيل الزيادة الملحوظة لازم يكون خلال شهر، يعني لو اليوم شلت صدر علوي ٢٠ كيلو ٨ عدات، عادي الاسبوع الي بعده تلاقي نفسك شلت نفس الوزن بس ٦ عدات، هالشي يتاثر بعدة عوامل، منها النوم والتغذية قبل التمرين والبري ووركاوت والف شي ثاني.

فانت صحيح لازم تعطي جسمك سبب لزيادة العضل عن طريق زيادة الحمل عليه، لكن فيه انواع للزيادة ومو شرط تكون اوزان فقط، ممكن نفس العدات ونفس الوزن لكن التكنيك صار افضل، ممكن لا تزيد عدة او عدتين من الاسبوع الي قبله، وممكن لا تزيد وزن اذا وصلت نطاق عدات عالي.

لو انت مثلا تمرين تلعب جولة ٨- ١٠ عدات ماكس، خل نتكلم عن جولة وحدة، ممكن اول اسبوع نفس الوزن ٨ عدات، الاسبوع الي بعده توصل لل١٠ عدات بنفس الوزن، تروح الاسبوع الي بعده تزيد الوزن وتبدا من اقل شي بنطاق عداتك الي هو ٨، وتقدر تقيس هالمثال على باقي التمارين والrir والخ.

نقطة اضافية انه الtendons تتاقلم ابطئ من العضلات، فتمارين نفس التراي تبدا تحس الم فيها بسبب انه ليلحين مفصلك ما تاقلم مع الوزن القديم ورحت انت زدته وهني تصير الاصابة، لازم تفرق بين الم العضلة والم المفصل/الاوتار، الم الاوتار اذا حسيت فيه وقف او غير التمرين لانه عمره ماراح يخف ودايما بيزيد لحد الاصابة.

المختصر انه لاتتدلع بالزيادة بس بنفس الوقت لاتصير مينون اوزان بس تبي تزيد بدون ماتفهم طريقة الزيادة.

شكراً على القرائة 🌹.

he left, this is a sidemen reddit, we come here to enjoy sidemen, take the drama to r/ksi because this shit is getting boring

كمية النصب الي قاعد تصير عالبنات بالمجال الرياضي شي مو طبيعي، مسميات وقفوا يستخدمونها لانها مغلوطة من فوق ال١٠ سنين.

اول شي موضوع ال”toning” مافي شي اسمه تونق واي مدربة او مدرب يقول هالشي اسحبوا اشتراككم لانه بينصب عليكم، العضلات ماتشتغل بهذي الطريقة ومافي تمارين حق
ال”shaping” هذا حرفيا كلام فاضي، كل الدراسات وكل شي قالت انه البنت تحتاج تلعب resistance training، وهو حرفيا تمرين الحديد نفس الاولاد لكن احس انه فيه فوبيا من انك تشيل دمبل ثقيل خوفا من انه الجسم يصير رجولي وهذا الشي مستحيل يصير مافي شي اسمه بنت تعضل نفس ولد الا بعد فوق ال٢٠ سنة وبهالوقت البنت تحتاج جسم فيه كتلة عضلية لان البنت تخسر عضلاتها اسرع من الولد خصوصا لما تصير ٤٥ وفوق + اكتشفوا انه تمارين المقاومة تحسن من كثافة العظام وهذا شي ايضاً يفقدونه البنات لما يكبرون.

ثاني شي البيلاتيس، اكبر نصبة مرت علي في المجال الرياضي اهي البيلاتيس، هذي ال"رياضة" حرفيا ماتقوي غير المرونة وكل المدربات الي تدربها واجسامهم تكون متطورة نوعاً ما اساسا يلعبون حديد نفس الولد حرفيا ويشيلون اوزان بدون مايخافون من هالشي وبعدين بالليل تروح تدرب بيلاتيس وتنصب عالناس.

ثالث شي بروتين باودر البنات، يعني ماتوقع يحتاج اعلق الصراحه.

انا عمري ماكتبت بوست عن موضوع متعلق بالبنات لاني ماحب اتدخل بهذي الاشياء بس صارلي يومين كل خمس ثواني اشوف بوست "ابي تمارين ترسم الجسم"، مافي شي اسمه تمرين يرسم الجسم!!!! هو حرفيا لازم تلعب حديد طبيعي والفرق بس بيكون انه البنات عادتا يعتمون بالجزء السفلي اكثر وهذا شي عادي لكن مايعني اهمال العضلات العلوية لانه بس تكبر بالعمر بتقعد تعاني من عدم توازن او تناسق وعادي تكره ام اللعبه

اليوم خلصت فاينل ومن الضغط النفسي رجعت البيت وطقيت 400mg كافيين ولعبت صدر اقسم بالله احلى لحظة بيومي اهي لما اكون قاعد اشرب البري بالسيارة والسبيكر اعلى شي يخي شعور ما ينوصف واكون مشغل فيديو tren twins احس اني بنفجر من الحماس.

حبيت اقولكم انه بعض الاحيان التمرين مو لازم يكون للبناء العضلي، فيه ايام كل الي تحتاجه بمب صدر وتخلي مخك يهلوس من الكافيين عشان تعدل مزاجك واسحب على كل مسوولياتك، عادة سيئة لكنه شعور خيالي.

في احد يسوي نفس الشي ولا انا مريض نفسي؟

الناس صايرة تنجذب للمسميات مثل كيتو، فيقان، صيام متقطع، الخ.

شوف عزيزي، كل هذي الانظمة بتوصلك لنفس النتيجة، انا ادعم انه الشخص يختار نظام يناسبه لكن عادتاً تلاقي الي عندهم خبرة سنين بالنادي يلجئون لنفس النظام وهو عجز السعرات.

عجز السعرات هو الشي الوحيد الي تحتاجه عشان تنزل مت وزنك وحرفياً ابسط نظام ممكن تمشي عليه وبشرح خطوة بخطوة كيف تسويه.

اول شي بتدخل على هذا الموقع تكتب طولك ووزنك وعمرك وباقي البيانات، بيطلعلك سعرات المحافظة
https://www.calculator.net/calorie-calculator.html

بعدها شتسوي؟ تنقص من ٣٠٠-٥٠٠، لا تمشي على نظام ١٣٠٠ سعره لانه ماراح ينزل وزنك وبشرح ببوست لاحقاً.

الحين انت نقصت هذي السعرات شنو المطلوب؟ اقطع الكارب؟ لا. اقطع الدهون؟ لا. لازم توازن بينهم فالي راح تسويه، تضرب ١.٣-٢.٢ بوزن جسمك بالكيلو قرام، بيطلعلك قرامات البروتين، وباقي الكالوريز تكون كارب ودهون.

ملاحظه: للي اوزانهم جداً مرتفعه لاتضرب معدالة البروتين بوزنك الحالي واضربه بالوزن الي تبي توصله لان اذا ضربته بوزنك الحالي بيطلع جداً فوق احتياجك ومستحيل تاكل ٣٠٠ قرام بروتين باليوم.

ليش مايصير اقطع الكارب والدهون؟ لانه بعد يومين بالكثير طاقتك بتنضرب بسبب نقص الكارب، الكارب هو مصدر الطاقه للجسم وحتى بالتمرين تحتاج الكارب لانه باختصار يعتبر مثل البانزين للعضلات.

ليش ما اقطع الدهون؟ الدهون مهمه للهرمونات، لما مصادر الفات تكون شبه معدومه، الهرمونات بالتالي بتتلخبط والجسم مايعيش بشكل طبيعي، النظام الغذائي مو فقط عبارة عن نزول وزن، لازم جسمك يكون متوازن عشان تستمر لاطول فترة.

انا نصيحتي نزل برنامج macrofactor (مو اعلان)، ينفع لنزول الوزن (التنشيف)، وايضاً للتضخيم، البرنامج يختصر كل الكلام الي قلته فوق ويعدل جدولك بشكل اسبوعي، البرنامج مايعتمد على قرائات الساعه والخطوات لانها غير دقيقة، ويعتبر جداً متطور بقرائة البيانات، وبصب r/macrofactor الناس تنزل نتايجهم بعد الالتزام الكامل بالدايت الي يصممه البرنامج.

وعشان تشوف تطور اكثر، امش ٧الف خطوة يومياً، والعب حديد لانك لما تبني عضل سعرات المحافظه عندك بترتفع فبتقدر تاكل اكثر لكن هذا الشي مابيصير الا بعد سنة-سنتين عالاقل.

النظاك الغذائي الصحية جداً بسيط، لاتعقدونها 🫶.

ليش بكل سيرفر قيمنق فيه مود عمره اربعين ويقعد طول اليوم عالكمبيوتر تلاقي معطي بنتين ثلاث اعمارهم ماتتعدى ١٨ رولات "قطوتي" ومن هالغثى، شي جداً مقرف وكرنج الصراحه، واذا دخلت بنفاش او قلت شي عنهم يعاملك كانك كفرت.

انا اشوف هذي الاشكال تحتاج تدخل مصحة نفسية، لان عيب انه واحد بهالعمر يقعد يشتري نايترو حق بنات اعمارهم ١٦…

So currently im studying cs and ive been keeping my gpa very high, but im always seeing this debate about if i should focus more on building projects and getting certs or if i should focus on keeping my gpa high, i can do both but obviously there will be tradeoffs.

on instagram n tiktok i keep seeing these vids of recruiters or whatever for big companies like nvidia stating that they actually care about the gpa of the student applying, can someone help me decide wether i should focus more on building projects related to cyber security? because next year is my 3rd year in cs and ill finally start taking cyber sec courses.

السلام عليكم،
اليوم موضوعنا عن جهاز الانبودي وليش هو مو دقيق لقياس الكتلة العضلية وكتلة الدهون، قبل لا تعلق ادري انه الجهاز منتشر بالنواد والمستوصفات لكن اقرى الكلام الي بكتبه بعدها احكم.

جهاز الانبودي بطريقة مبسطة الي يسويه هو انه يمرر تيار كهربائي خفيف بجسمك وقدر نسبة الدهون والعضل والماء بنائاً على مقاومة الجسم.

ليش الانبودي غير دقيق؟
فيه عدة اسباب بس بذكر الاساسية:
-كمية الماء تلعب بالنتيجة وتغيرها بشكل كبير، جرب سو اينبودي قبل وبعد التمرين وبتشوف الفرق، وحتى دخولك للحمام او يغير بالنتيجة.
-النوم وتوقيته واذا انت ماخذ كفايتك من النوم.
-مستوى القلايكوجين والكارب عندك + اذا كنت تتمرن بشكل مستمر او تاخذ كرياتين تخزين الماء بالعضل بيختلف.

شنو البديل؟ الجهاز الي المدربين العالميين يعتمدون اكثر عليه هو الdexa scan، اذا بكون صريح، السكان جداً غالي وعادي يكلف ١٤٥ دولار للفحص الواحد، فللي قادر هذا بديل ممتاز.
لكن الاغلب مايقدر يفحص dexa كل شهر والبلغ يعتبر عالي، فالحل كالاتي:
لازم تخلي الضروف الي تقيس فيها دايما متشابهة، بما معناه انه تحاول تقيس اول الصباح، ادخل الحمام اكرمكم الله قبل لا تقيس، خل نسبة الكارب الي ماكلها بنفس التوقيت وكمية مقاربة للمرة الي قبلها، لاتقيس بعد التمرين او بعد السونا او بعد وجبه ثقيلة.
بهذي الطريقة بتطلع بافضل نتيجة من جهاز الانبودي.
وانا اشوف افضل طريقة تمشي عليها انك تاخذ صور لجسمك او تطالع جسمك بالمراية عشان تشوف الاختلاف والتطور، مو كل شي على ورق صحيح وفيه ناس مكتوب انه نسبة دهونهم عالية لكن تلاقي عنده سكس باق.

im currently studying cs on my second year, havent taken any cyber security courses yet but going to do that on my 3rd year.

this summer i have a chance to get a job or a cert, just wanted to see what job yall recommend i should get that would be useful in my cv later on.

would a IT helpdesk job be worth it?

planning on getting a summer job as a student, currently studying cs, i didnt take a single cyber security course yet, I wanna take a job that would be useful and add something to my cv later when i graduate.

what jobs do yall reccomend i should apply to for the summer?

السلام عليكم، الصيف ماعندي ولا اي شي اسويه وودي اتعلم muay thai كتجربة يديدة، مابي نادي يهال لاني فوق ال١٨ بس ابي شي يستقبل شخص مبتدئ مع انه عندي خبرة بفنون قتالية ثانية، الي يعرف نوادي او مجرب خل يحطلي اكاونتهم ماعليكم امر 🙏

سمعتها اكثر من مرة، للشخص الي توه بادي او مايروح النادي اصلا قد تكون هذي العباره مالها معنى، لكن بالنسبة للشخص الملتزم الجمله صعبه جداً.

ولو بنكون واقعيين محد بيهفهم سبب التزامك، محد مهتم باهدافك، مافيه شخص قاعد على الدكة ويشجعك طول الوقت.

اغلب الشغل بتكون انت، انت بروحك.
اذا عندك تصور دقيق للشي الي تبي توصله والشي الي تبي تسويه ماراح يكون مطلوب منك غير انك تسوي الشي وبس.

المشكلة انه هذا الطريق بياخذ وقت، العضلات ماتطلع بيوم وليلة، راح تنزعج بالسوشل ميديا لما تقرا كومنت واحد وزنه ١٤٠ ويقولك انه الشغل الي انت وصلتله بسنتين اهو يقدر يوصله بشهرين، وراح تنزعج لما تسمع كلام من ناس عمرهم ماكملو يومين ورا بعض يتفلسفون عليك وعلى نتايجك.

الهدف الي تبي توصله بياخذ سنين، ولما اقولك سنين اقصد عادي ٥، لان الهدف عمره ماراح يثبت وكل ما تتطور تبي توصل لمستوى اعلى، فبالواقع عمرك ماراح توصل للهدف لانه دايماً بيتغير وبيصير اصعب.

انا اشوف هذا اجمل جزء من اللعبه، مهما شرحت لشخص اهدافك وشلون كل سنه تتطور او تتغير، عمره ماراح يهتم ولا راح يفهم بالدرجة الي انت مهتم فيها، الموضوع مو بس جسدي بل هو نفسي، انك دايما تسعى للهدف الي تبيه بينك وبين نفسك حتى لو تمر شهور وماتشوف تطور ملحوظ، هذا الوقت الي المفروض تستمر فيه لان الاغلب يوقف عند ابسط عائق.

ورجائاً اسكت، مو لازم تتكلم عن كل شي تبي تسويه قبل لا تسوي الشي، حرفيا اسكت، سو الشغل المطلوب، لما تطلع النتيجة روح حطها اعلان بالشارع، لكن لما انت تقعد تقول بسوي وبسوي انت بس قاعد تسوي هذا الشي عشان توهم نفسك انك انسان قاعد يحقق طموحه وبالواقع مجرد كلام وانا وانت عارف انك عمرك ماسويت شي قلت "تبي تسويه".

-باتمان

لو خيروك انك تاخذ مليون دولار حالياً، او ترجع عمرك ٦ سنين لكن مع كل الخبرة والمعلومات الي عندك وكل شي تعرفه، شنو بتختار؟

السلام عليكم، قبل جم يوم شفت اكثر من فيديو عن ناس تطور العاب روبلكس وتسوي العاب من الصفر باستخدام claude، والموضوع فعلا مربح بشكل مو طبيعي اذا اللعبه اشتهرت، هل فيه احد عنده تجارب مع هالموضوع لان عمري مابرمجت شي بروبلكس واخر مرة لعبتها قبل ٥ سنين.

بقولكم موقف صار معاي امس بتمرين الصدر، انا من النوع الي ملتزم بنفس الاجهزة ونفس الترتيب صارلي شهور ماغيرت شي واذا فيه احد بالجهاز عادي ادخل معاه او انتظره يخلص اذا باقيله شوي.
المهم شفت واحد على جهاز الصدر فراشه قاعد وهو واضح مبتدئ جداً جداً، قلتله كبتن كم باقيلك؟ قالي ٥ جولات، طبعاً ماقدر اقول شي انا يعني كيفه هو وجدوله، قلتله عادي ادخل معاك؟ قالي لا.
انا هني حاشتني صدمة وبنفس الوقت مبهور من ثقة النفس الي عنده فقلت اتركه وامشي احسنلي عشان ما اخرب مزاجي خصوصاً انه يوم صدر.
بس بعدين تذكرت انه هذا الموقف كان يصير معاي بشكل مستمر ودايما يكونون مستجدين، فقلت اعلمه شوي اتكيت النادي، ومنها هم بقول للمستجدين بعض النصايح بالتعامل، لان النادي مو بس مكان تبني فيه عضلات وفيه اسلوب تعامل تتعلمه.
شوف يا عزيزي المستجد، انا لما اسالك انت جم جولة باقيلك، هذا مو فضولاً مني بعرف جدولك الخيالي، يعني انا ماقررت اليوم بروح عند هذا الجهاز وبعرف الي قاعدين عله بالعاده جم جولة يلعبون، انا قاعد اسالك عشان ادخل معاك مو اكثر ولا اقل، فمن الاحترام انه لما اسالك جم جولة باقيلك تقولي جم وتسالني تبي تدخل؟ هذي اساسيات التعامل بالنادي وشي بديهي.
والشغله الثانيه، لما تكونون قروب ٣ واكثر، تصرف جدا طفولي انكم تحاولون تدخلون مع واحد بالتمرين،
انا وانت عارفين انه بتقعدون ساعه تسولفون بين الجولات، بالتالي الراحه عنده بتصير ٤ دقايق وفوق وتكون انت خربت تمرينه.
فمعلش هدو اعصابكم وعادي اذا فيه احد بيدخل معاك، انت وقت الراحه عندك بين الجولات اصلا دقيقة ونص عالاقل، فمن البديهي انه هالدقيقة ونص ممكن يلعب فيها عادي، وانا اذا شفت انه اهو مستعجل، قوله يدخل جوله ثانية، حركه ماحب اسويها بس بتخليه انا ينطر بين الجولات على ما تاخذ وقت راحتك، او انه يدخل على طول جولة ثانية، بالتالي انت حرفيا تمرينك ماتغير ووقت الراحه نفسه.
-باتمان