هل تحسون بالوحده؟
الكلام بيكون ملخبط ويمكن ماله معنى أو ما اقدر اوصل يلي اقصده لكن مجرد فضفضه لاني وصلت اخري، اوقات أحزن على نفسي كذا واحس بالوحده مره مع ان عندي الحمد لله أصدقاء كثير وقريب من اهلي والناس واخالطهم كثير وبالعكس الكل يحبني ودايما أصدقائي حتى لو كانت صداقات جديده يرتاحون لي ويفضفون لي وما اقوله كفشرخه ولا بهرجه لكن صدق الحظ اني دايما انا الشخصيه السعيده يلي في كل مكان احاول اضحك وانبسط والناس يحبوني عشان كذا لكن ومع كل ذا الناس حولي احس اني وحيد احس بوحده موحشه ، انا دايما يلي اسمع وافكر في حلول واحاول اطبطب لكن انا ما القا نفس الشخص لنفسي اوقات تمر علي مواقف صعبه وما احد حولي اوقات يذبحني التفكير وانعزل شوي ويجيني اتصال ولا رساله هيا نطلع نجدول وانا ابغى الارض تبلعني من الهم اوقات تجيني مشاكل صح مقدر افضفض لاحد بها لكن شعور انك تحس واحد جمبك يعطيك اريحيه عظيمه، اوقات احس انا بس شخصيه ثانويه في حياه الجميع دايما احس نفسي مثل الشخصيه يلي تطلع كم سيزون في المسلسلات وتبني الأحداث بعدين تختفي ابدا ماقد حسيت نفسي شخصيه اساسي في حياه احد، انا انسان منجز واحقق نجاحات يلي في سني ما يحققونها لكن ما القا احد يحتفل معي وإذا جاني تبريك دايما احسه بارد ويلي يغضني أكثر إذا صديق مقرب ما بارك لي ولا اهتم لأمري ويلي العن منها كلها الوالد يلي مايعطيني وجه مع اني ولده الكبير واحاول ارفع راسه لكن مهما أنجزت يتعامل ببرود ونادرا جدا يقول ماشاءالله ولا الله يوفقك بطريقه تسليك، اوقات ودي افصل على الكل بالأخص يلي يجيك يفضفض حتى لو مشكلته تافهه أو هو الغلطان لكن إذا جيت انت بينت جزء بسيط من مشكله عندك يبدأ ياخذ محتوى للضحك. والكلام يطول ولن ينتهي وادري انه ملخبط مليون لكن زي ماقلت بس ودي افضفض