u/Bitter-Storage-1148

السلام عليكم، انا جديدة في الشرقية وقاعده ابحث عن شقق للاجار، لقيت وحدة في حي الشعلة الدمام العمارة جديدة ونظيفة وتشطيبها جديد ومودرن جدًا، فيها مواقف خاصة لكل شقه. هي اصلاً شقق تمليك لكن فيه شقق ملاّكها قاعدين يأجرونها

العمارة ٧ ادوار شقق وفيه اكثر من عمارة لنفس المشروع جنب بعض

والشقة في الدور الثاني ٣ غرف وصالة مع بلكونة مطلة على الشارع ومطبخ راكب (بدون الاجهزة) ومكيفات راكبة اجارها السنوي ٣٥ الف

تبعد عن دوامي بالظهران ٢٠ دقيقة في قوقل ماب، وموقعها على خط سفر الصراحة اعتقد الرياض الدمام ما اعرف ايش اسم الخط بالضبط بس شفت لوحة المطار وانا رايحه لها والطريق اللي جنبها يودي الى الجبيل تقريبًا، انا لاحظت انها بعيدة عن المدن والحي السكني بشكل عام واضح كله عماير جديدة وهادي بس فيه تموينات وفيه محطات وصيدليات وعلى طول تطلع على الخط السريع.

وش رأيكم فيها؟ هل ايجارها كويس مقارنة بالايجارات اللي هنا لو ابغى مكان جديد ومودرن ونظيف؟ وموقعها؟

انا جديدة على المنطقة مثل ما ذكرت وما عرفت وش رينجز الاسعار هنا يعني كل اللي شفتها بعقار نفسها ونفس الحجم ٤٠ او ٤٥ فاعتقد ان سعرها جيد بس ما اعرف

ساعدوني وشكرًا لكم.

انا توظفت قبل فترة بوظيفة كلها اجتماعات وتطلب مني التحدث مع ادارات ورؤساء ادارات خبراتهم فوق ال٢٠ سنة طوال اليوم، ومن فترة طويلة كنت الاحظ ان يصعب علي ترتيب الجمل والكلام بطريقة سلسة لكن لما توظفت تأكدت من هذي المشكلة، عندي لغتين اللغة العربية الأم و اللغة الانقليزية و عندي مصطلحات كثيرة ومختلفة باللغتين بحكم اني أقرأ اغلب الاوقات (يعني قلة القراءة والمصطلحات مو سبب) ولكن مشكلتي في التحدث باللغتين! حتى بلغتي الأم! ما اقولكم اني شخص ابكم لا فعلا اقدر اكون جمل كاملة و لكن باغلب الاحيان تكون غير مفهومة وصياغتها ركيكة واحتاج اعيدها. حتى خارج نطاق العمل، بالسواليف العادية لاحظت اني ما اقدر اقول سالفة بترتيب سلس

هل هذي مشكلة تنحل بالعلاج النفسي او وش اللي اقدر اسويه لان مع وظيفتي الجديدة الموضوع بدأ يأثر علي وصرت ما أوخذ بشكل جدي لأن للاسف لساني ما يسعفني واحسه مربوط في اغلب الاوقات.

قبل تقريبا ٣ شهور انخدعت بإيميل فشنق مسويته شركتي القديمة للتدريب ولعلي فتحته وبعدها عطوني كورسات سايبر إلزامية اخلصها

وبوظيفتي الجديدة اشتغل كمدقق على السايبرسكيورتي😂
مدري حسيت تستحق التفكر

السلام عليكم
انا الاسبوع اللي فات انهيت عقدي مع شركتي السابقه بفترة التجربة وبوقع عقدي مع الشركة الجديدة بعد يومين

في التأمينات الاجتماعية GOSI مكتوب (غير نشط) ولكن في التأمين الصحي مازال ساري على الشركة القديمة، حاولت الغيه بنفسي قالوا لازم الشركة هي تلغيه وانا حاليا اتواصل معاهم بخصوص هذا الشيء

بس واضح مطولين وانا باوقع العقد بعد بكرا هل ما راح اقدر اوقع عقد المباشرة الا بعد ما اطلع من التامين الصحي؟ او عادي اوقع بس شركتي الجديدة تنتظر اطلع من التأمين الاول عشان تضيفني لتأمينهم الجديد؟

السلام عليكم، انا اليوم استقلت من دوامي (انهاء عقد بفتره تجربة) و اليوم اخر يوم
الجهة الثانية طالبين مني شهادة GOSI اني طلعت من التأمينات
فيه بقوسي بس هذي الشهادة (المشترك مسجا وليس على رأس العمل) هل هي المطلوبة؟ ولا فيه شيء ثاني لازم يسوونه؟ لان الHR عقد علي الموضوع ويقول بياخذ اسبوعين (احسه اكبر كذاب) ويحاول يستغلني عشان اجلس

هل ممكن يؤول الى الرفض؟

هل ممكن يؤول للرفض؟

معليش السالفة طويلة شوي فضفضة

امس الصباح مديري طلبني اسوي تاسك وبستخدم فيها تقنية Ai وتدريب مودل وكنت متحمسة لها وشرحت له وش الابروتش اللي بمشي عليه واني مقدر احكم الين يخلص المودل تدريب بس بالغالب راح يكون شغال تمام

طلعت من عنده وبديت اشتغل وادرب المودل وبعدها بساعه مناديني وبالمكتب الcowroker الثاني وقالي ان توني تفاهمت معه وقالي ان فيه طريقة ثانية كذا كذا كذا يقول عنها خوينا اللي جالس فوش رايك؟ قلت له ماقد سمعت عنها بس انا بكمل شغلي وبشوف المودل وش يطلع الا يرد الكو وركر يقول ابد اعتبرها خالصه وامرها بسيط و سبق جربت على مشروع مشابهه وبخلصها بكرا يتكلم قدامه كان التاسك له وكانه خذاها مني لاني ماعرفت اسويها وانا توني مابديت؟ قال المدير وانتي قلت انا مثل ماعلمتك بكمل الابروتش حقي ونشوف. وجلست اشرح للكوركر وش طريقتي قال وش ذي مابتنفع قدامه (ماقد جربها مثل ما انا ماسبق جربت طريقته) يعني سراق وبجيح وقليل ادب! بعدها المدير ناداني بساعه وقالي هو شكله فهم غلط انا كان قصدي يشتغل معك كدعم مو ياخذها هو وانتي وش رايك عادي معك؟ قلت اصلا انا بسوي ابروتش وهو بيسوي ابروتش مختلف فحتى لو بيساعدني ما بيعرف وش بيسوي ولا انا بعرف وش بسوي اذا ساعدته كل واحد يتكلم من تجاربه السابقة. فانا بكمل شغلي وهو خله يكمل شغله. جاء اليوم المودل حقي خلص تدريب وجايب اكيورسي عالية ولكن يبغاله كم تعديل والكو وركر مخلص شغله ويقول انه كامل وخلص تدريب وبيرفعونه وخلاص بيعتمدون شغله ويجي المدير عندي يسالني وش اخر ابديت على اساس رضاوة وهم الريدي متممين على شغل الكو وركر
بحياتي ماتضايقت زي كذا وحسيت اني فاشلة مع ان خلاص طريقته (يقول هو انها مضمونه) وطلعت افضل من الابروتش حقي والواحد يتعلم من اغلاطه ويسعى يكون افضل بس انا مامداني حتى اجرب طرق ثانية لان التاسك انسرق مني زي السلام عليكم

الحمدلله على كل حال