السلام عليكم.. يجماعة الخير انا لغاية اليوم ده مش بعرف ازاي بيتم تسعير شغلي كمصمم جرافيك او محرر فيديوهات يعني ايه المعايير الي بستند عليها, بشوف ناس بتقول قدر وقتك وتعبك وشغلك والخ..., بس برضو مش فاهم اعمل ايه برضو يعني ايه اقيس وقتي انا مش بعرف الحسبة لدرجة اني ممكن اسعر تصميم لوجو ب5000 جنيه وهو ممكن في السوق ب 500 جنيه أصلا
- ياريت حد يكون فاهمني ويقدر يبسطلي الموضوع وازاي اقدر اعرف تسعيرة شغلي.. وشكرا
انا معايا مبلغ في خمسات ومعيش حساب بنكي ولا باي بال والمبلغ بقاله فترة في الموقع
جه في بالي فكرة وعاوز أعرف هتنفع ولا لأ من أخواتي الي فاهمين..
عادي أعمل حساب باي بال واحول عليه المبلغ وطبعا مش هقدر اسحبهم من باي بال لأني معنديش فيزا مربوطة او كارت
فالفكرة فين بقى إني أصلا بحاول ادخل موضوع الكريبتو ده وافهمه فسؤالي بقى هل ينفع احول المبلغ من باي بال لمحفظة كريبتو؟
يعني المعاملة هتكون..
Khamsat ----> pay pal ----> crypto
يجماعة الخير أنا كنت نازل أشتري في أمان الله فجأة سمعت صوت فرقعة بس قولت يارب متكونش العجلة بس للأسف دقيقتين ولقيتني بمشي على الطارة.. أخواتي الفنيين إزاي أقدر الحم العجلة بتاعتي بنفسي لأن أي عجلاتي هيبعبص فيها ويجرح في المعدن.. حد يديني نصيحة أعملها إزاي وهكون شاكر ليه
أنا "اسمي"، ويمكن لحد دلوقتي مش عارف أوصف نفسي بمسمى وظيفي واحد بشكل دقيق.
من حوالي 5 سنين دخلت مجال التصميم الرقمي بشغف كبير جدًا، وكرست له أغلب وقتي وحياتي تقريبًا. خلال الرحلة دي اتعلمت مجالات كتير:
Graphic Design، Video Editing، Motion Graphics، وحتى بدأت أتعلم 3D.
كنت بحب المجال فعلًا، ويمكن ده السبب اللي خلاني أكمل رغم إني للأسف ما قدرتش أحول الشغف ده لمسار مهني حقيقي أو مصدر دخل واضح.
ومع الوقت بدأت ألاحظ إني وقعت في مشكلة التشتت.. كل شوية أتعلم حاجة جديدة بدون ما أرككز على اتجاه واحد واضح أو أبني نفسي في السوق بشكل صحيح.
ومع التطور السريع للذكاء الاصطناعي، بدأت أفقد الحماس تدريجيًا، لحد ما وصلت لفترة وقفت فيها كل حاجة تقريبًا، وحسّيت إني تايه بين اللي اتعلمته وبين مستقبلي الحقيقي.
بنزل الكلام ده هنا لأن أكيد فيه ناس مرت بتجربة مشابهة، حد بدأ بشغف كبير واتعلم كتير لكن ضاع وسط التشتت وعدم وضوح الطريق.
لو حد مر بالتجربة دي وقدر يعيد ترتيب نفسه أو يلاقي اتجاه واضح، أحب جدًا أسمع نصيحته أو تجربته.
فيديو من غير كلمة بيشرح كتير جداً
من الحاجات الي بتفرحني بعد كل يوم بنزل فيه رايد هي الصور الي بصورها بشكل عشوائي ♥️
طبعا الأرقام بتقول إني كنت بحبي مش بجري وده لأني كنت نازل اتمشى بالعجلة واشم هوا مش رياضة 😁
هو ليه لما شخص يقول لشخص حاجة في الدين سواء نصيحة بيقعد يجادله ويحرق كتير، هو أنت معندكش الوعي الكافي انك تعرف انه مش كلامه بل كلام ربنا، يعني اعتراضك ده على كلام ربنا، ولو تعرف وبتجادل ف إزاي مش فاهم
