u/Calm_Wing418

بحثت في قوقل مابز وشفت الخيارات حسيتها مطاعم عاديه ومره مالها دخل بفكرة الfine dining فاللي يعرف له مطعم او عنده تجربة سابقه يشارك

كل ما زققو بجوي أوقف أكل أو آكل أكل غير صحي فقط أو ألعب ألعاب خايسه لين ما عيوني تروح فيها ياخي ابي أحول هالطاقة الزق لشيء إيجابي ودي أطلع حرتي في تمرين ولا هواية بس دايم اتجه للعادات السيئة وما اعرف كيف أقدر أغير هالشيء. أحيانا هالشيء يأثر على إلتزامي بالصلاة، اللي بيقولون الصلاة المفروض ملجأ ادري بس أحيانا احس اني احتاج اني اكون في حالة نفسية متزنه عشان اقدر اركز واني اذا صليت بذي الحالة بكون كأني قاعده اسلك فأحيانا اجمع بعض الصلوات وهالشيء يزق بجوي فوق ما هي زاقه.

اللي عندها تجربه مع هالشيء وقدرت تغير هالنمط تفيدني

انا ما احتاج تتوريال انا احتاج شيء اقوى شيء ما ادري ايش هو ساعدوني كيف ابدأ. اذا في وحده منكم بدأت من الصفر والحين مستواها تحسن ابغا اعرف قصتك بليز كيف بدأتي وكيف تعلمتي

جاتني فكرة مدري كيف بيتم تطبيقها بس قلت بطرحها مبدئيا. الفكرة هي ان كل وحده تعلمت اي مهاره ووصلت فيها لمستوى متقدم سواء لغة معينه أو كروشية أو رياضة معينه تتكلم عن تجربتها مع تعلم هذي المهارة وتقترح علينا المصادر اللي افادتها لتعلم هذي المهارة عشان اللي عندهم اهتمام بتعلم هذي المهارة يقدرون يستفيدون من الخبرات. او تسوي قروب وتشرح بسكل مفصل للي عندهم اهتمام (ما عندي علم لو نقدر نسوي هالشيء هنا) او مدري في طرق كثيرة نقدر نطبق فيها هالشيء.

انا ببدأ وبتكلم عن المهارة اللي اشوف اني اقدر أساعد فيها الا وهي اني اعرف ياباني فاتوقع اني بقدر افيد اي وحده مبتدئة وعندها رغبة تتعلم هاللغة وتتطور فيها.

شاركو المهارات اللي تعرفوها في الكومنتات🙏

اتوقع بسبب الظلم اللي تعرض له اغلبنا قد يكون في ناس زيي يواجهون صعوبة في التعاطف مع أهاليهم، يعني اذا لا قدر الله احد الأفراد اللي أذوك أصابه شيء هل تقدرين تتعاطفين معه؟ انا ما احس انه اي احسن يستاهل لكن أجد صعوبة كبيرة في اني اتعاطف.

انا تعرضت للتحرش في طفولتي المبكره مره من احد الأقارب يمكن كان عمري ٤ سنوات وقتها بس ما زلت اذكر، واذكر ان امي دايم كانت تسألني كل فترة وفترة اذا في احد يلمسني في منطقة معينه وكنت اقول لا وهالمتحرش ما كان يسويها في البداية لكن جا اليوم اللي فعلا لمسني ويوم سألتني امي قلت اي وقلت مين هو واذكر ان ردها كان لو لمسك مره ثانيه قولي له بعلم امي وعلميني.

مر الوقت وطلعنا من المكان اللي صارت فيه الأحداث هذي ورحنا مكان ثاني بعيد عنه ونوعا ما نسيت السالفة هذي زي اللي انسمحت من عقلي مؤقتا وما صرت أفكر فيها لكن أثرها ما زال باقي ولأن امي ما فهمتني وقتها ايش هو التحرش وليش غلط اني انلمس في مناطق معينه كنت اثناء طفولتي ألمس أطفال ثانيين بطرق غير صحيحة وصدر مني الchild on child SA بدون وعي مني. حطو ببالكم ان طول فترة طفولتي امي كانت تتعامل معي كأني ما قلت لها شيء عن التحرش اللي صار لي وانا وحده من الناس اللي ما تعلمو معنى كلمة تحرش إلا بعد الثانوي حرفيا كنت اشوف كلمة تحرش كلمة تطلع في الأخبار التلفزيونة زي الإرهاب يعني كلمة ما افهمها وما اهتم اني اعرفها. واذكر كانت تمنعني هي والوالد من اني أزور بنت جيراننا الصغيرة لو اخوانها الكبار كانو موجودين وانمنعت من كثير اشياء من باب انهم خايفين على زيي زي الأغلب هنا.

بعدها بسنين طويلة ايام الثانوي تعرضت للتحرش في السوق واختيني وامي كانو موجودات امي كانت مع اختي مشغولة وعلمت اختي الثانيه بعد ما صار الشيء بشوي وبديت اصيح اذكر اختي قالت لي وينه اللي تحرش فيك واشرت عليه كان بعيد نوعا ما لكن قدرت اشوفه من بعيد بعدها اختي بدت تحاول تهديني وكذا وانا نوعا ما كنت اتصرف بطريقة اني ما ابغا امي تشوفني وانا ابكي وانتهى الموقف ورجعنا البيت واختي ما علمت امي باللي صار بشكل مباشر قدامي رغم اني قعدت افكر بعدها وقلت مستحيل ما شافوني وانا ابكي بس محد فيهم علق. كل هذا وانا ما اعرف معنى كلمة تحرش ولا اعرف معنى الشيء اللي صار لي. شاركت تجربتي مع احد صديقاتي وقالت تحرش؟ وبدت تسألني أكثر عن التفاصيل وان ليش اختك ما سوت شيء وهكذا وقتها بدأت اوعى لأشياء كثيرة وبعد محادثتي مع صديقتي بفترة قصيرة بديت اتذكر أحداث التحرش اللي تعرضت له في الطفولة وربطت اللي صار لي بكلمة تحرش وبدأت اتسائل ليش امي قالت لي "لو لمسك مره ثانيه"؟ وهل تكلمت مع المتحرش هذا بعد اللي قلته ولا سلكت وسحبت علي؟ كنت افكر بس ما قدرت اني استجمع شجاعتي واسألها بشكل مباشر. وابغا أوضح ان هالشيء مو الشيء الوحيد اللي كون عندي مشاعر سلبية تجاه امي، كل ما افكر أكثر استوعب انها ولا مره منعت اي ضرر عني سواء كان أذى بسيط ولا كبير ومنه الضرب اللي كان يجيني من ابوي ومن اخواني وبالعكس كانت تدعم اخوي مهما سوا وفعل بي وكانت تقول لي لا تراددين ابوك حتى في المواقف اللي هو غلطان فيها وانا حرفيا بزر ابتدائي فصرت اشوف انها سبب كبير في المعاناة اللي انا عانيتها في حياتي واشوف انها متواطئة.

بعدها بفترة قصيرة من تذكري لأحداث التحرش اكتشفنا ان الوالدة عندها سرطان وللآن تتعالج منه (ادعو لها بالشفاء) يوم وصلني الخبر ما بكيت الا بعدها بفترة طويلة وبكيه موب ذيك البكيه حتى، لكن انفجرت بكاء يوم جيت اعلم صديقتي جلست اصيح بشكل قوي لدرجة قالت لي عادي مو لازم تقولين وقلت الا انا ابغا اقول وما قدرت اقول ولا حرف وقتها من قوة الصياح وما قلت لها لا هي ولا اي صديقة من صديقاتي وقتها كنت اشوف ان ماله داعي وايش الفايده غير انهم صح قد يدعون لها لكن في النهاية بينظرون لي نظرة شفقة انا ما ابغاها.

وقتها هذا الحدث كان كافي لأني اسحب على فكرة اني اسألها بشكل صريح رغم اني ما سامحتها لين بعد سنتين وانا افكر قلت انا ليش حطيت فبالي انها ما سوت شيء هي باين انها مهتمه ولا ليش كانت تسألني بين فترة وفترة وقلت بحسن النية من وقتها خلاص معد صرت احس ان الموضوع يضايقني زي اول.

لين جا اليوم اللي عرفت فيه ان المتحرش هذا بيجي بيتنا وبيجلس معنا كم يوم وكانت هذي اول مره يجي فيها بيتنا في حياته لانه عايش في منطقة ثانية بعيده عننا وما قد صار بيننا لقاء من ايام طفولتي ايام ما كان يتحرش فيني.

وقتها كنت مترقبة لردة فعل امي وما توقعت ابدا اللي سوته، كانت جدا مرحبه وتتكلم عنه كأنه الضيف اللي تنتظره بشوق وحتى كانت تتعب نفسها في الغداء وتسوي افضل الأصناف وشاده حيلها رغم أنها تعبانه ومريضه. وقتها انا كنت بنجن ما قدرت اتحمل لدرجة تفاعلي مع الاهل بشكل عام صار غير طبيعي وتحديدا امي صرت ما اكلمها وتوقعت انها بتفهم لو ما كلمتها لكن حرفيا ما لاحظت في البداية ويوم لاحظت كلمت اختي عشان تتدخل وفعلا تدخلت اختي وعلمتها السالفة وذكرت جزئية اني علمت امي زمان وما سوت شيء والآن ما سوت شيء وقاعده تتصرف بشكل طبيعي، اختي قالت ان مستحيل امي كذا وانها كانت دايم تسألهم في طفولتهم لو في احد يلمسهم بطريقة غلط او لا اكيد انها ناسيه وقالت لي ارجع اكلمها طبيعي عشان مرضها وان ترا المرحلة اللي هي فيها مهي مرحلة علاجية هي مرحلة تاخذ فيها الكيماوي عشان لا ينتشر المرض فقط والله اعلم كم باقي لها وبعدها سألتني لو ابغاها تروح اطرده واخوفه وكذا ولا ابغاها تسوي شيء ثاني وانها بتسوي اللي ابي ووقتها قلت بفكر، لأن فعليا ما اعرف ايش التصرف الصحيح ولا كنت احس انه اذا انطرد هالشيء بيساعدني لأن اللي كان قاهرني ردة فعل امي أكثر من أي شيء.

بعدها اختي قالت لأمي السالفة وانا ما كنت موجودة معهم والظاهر ان امي قالت لها امها ناسيه، وجت امي قالت لي بالحرف الواحد ليش ما علمتيني انا كنت احسب اني مظلومه طلعت انا الظالمة. وقتها حسيت اني مره قريبه لأني اسامحها رغم أنها ما اعتذرت بشكل صريح لكن هالجملة كانت كافيه بالنسبة لي لأني فعلا ابغا اسامحها بس للاسف القصة ما انتهت هنا.

اللي صار هو اني علمت اخوي وهو كان برا البيت (من الهطافه اللي فيني) توقعت انه بيرجع يلعن خيره لكن السبيكه تصرف من نفسه بدون لا يعطينا خبر راح دق عليه ويبدو انه هدده وقال له ينقلع والمتحرش فعلا انقلع فجأة وكان الموضوع غريب بالنسبة لنا انه ليش فجأة قرر يطلع. بعدها جبنا رقمه ودقينا عليه انا واختي واختي قالت له لعد يجي عندنا وان هذي اول وآخر مره ولو جا مرة ثانيه او شافته عند أي أحد من الأقارب اللي عندهم أطفال في بيتهم راح تعلمهم انه متحرش واللي صار انه بعد فترة الأقارب اللي هو جالس ببيتهم قررو يزورونا وهو جا معهم وابوي واخوي ما كانو في البيت وامي عطت نفس ردة الفعل القذرة اللي عطتها في أول مره انو يا هلا والله وتصرفاته كانت عاديه انا جلست اصيح ووقفت اكلمها وعطتني ردة الفعل اللي بكيفك وراحت تعلم اختي، اختي قالت انها بتروح المجلس وتطرده قدام الرجال وامي كانت تحاول تمنعها والظاهر قالت شيء زي يمكن انه تاب. اختي راحت وانا رحت معها وطردناه والضيوف اللي جابوه انقلعو معه.

من هذا الموقف انا عرفت ان الموضوع فعلا زي ما انا كنت أتوقع امي قاعده تعطي ردات فعل غير طبيعية وما قدرت اني اسامحها ١٠٠٪ للآن واواجه صعوبة كبيرة في اني اتعاطف معها لدرجة صرت ادعي ان الله يشفيها عشان اقدر اكلمها عن الموضوع بشكل طبيعي وأعاتبها وابين حزني وخيبة أملي فيها. ومو بس امي بشكل عام أواجه صعوبة في اني اتعاطف مع أفراد عائلتي رغم اني إنسانه مره اتعاطف مع الغير لكن يوم يجي الموضوع عند اهلي ما اقدر اتعاطف.

زي العنوان انا من 2024 وانا اجمع اي مبلغ يجيني (الآن وصلت 400 ريال) نيتي من التجميع كانت اني اغير حالي للأفضل عن طريق اني استثمرها في شيء زي كورس او غيره واقدر احصل منه شهادة وبعدها اتوظف او اني استخدمها لأني اقدم للدراسة في مكان ما برا واذا جاني قبول بعلم اهلي او سيناريو من هذي السيناريوهات يعني ما عندي فكرة معينه وصدق للآن ما ادري ايش بسوي فيها. اللي صار هو ان امي شافت المبلغ لأني حطيته في مكان شبه مكشوف مؤقتا وسألتني هذا حق مين قلت حقي... هي ما سوت شيء ولا بتسوي شيء إن شاء الله بس احس بعدم الراحه لأنها درت عن هالشيء وللآن مني عارفه وين اخبيه حرفيا له يومين في جيبي هههه

اللي عندها افكار لأشياء ممكن اسويها بالمبلغ تفيدني واذا لا أصلا ناويه اني اجمع زيادة من قل الأفكار فعادي🙏

هذي نصيحة مهمه جدا، اتفهم ان الأغلب هنا ما يقدرون يتمردون على نظام أهلهم بشكل قوي او مباشر حتى لكن لا بد أن يكون في مقاومة من طرفك. اسوأ شيء ممكن تسوينه هو الإستسلام التام لأن هذا هو الشيء الوحيد اللي بيضمن لك ان اهلك مستحيل يتغيرون. لازم تبينين رفضك وغضبك ولو بشكل جدا تافه وبسيط وانا اتكلم بشكل عام. اهلك ما يسمحون لك تطلعين البقالة؟ بيني رفضك لهاشيء اطلبي انك تروحين البقالة بشكل مستمر حتى لو كل يوم خلو اخوك الصغير يروح معك بعد فترة بيعتادون هالشيء وقد يخلونك تروحين لحالك يوما ما. وانا اتكلم بشكل عام مو بس سالفة البقالة لأن بشكل عام التغيير بيكون تدريجي ما بيجي يوم وفجأة بيقررون يعطونك حريتك.

وزي ما يقول الشاعر "وَعاجِزُ الرَأيِ مِضياعٌ لِفُرصَتِهِ

حَتّى إِذا فاتَ أَمرٌ عاتَبَ القَدَرا" لا تكوني عاجزة رأي واعرفي ان لك يد في تغيير حالك

اللي جابو فوق التسعين احتاج نصائحكم ومصادركم

من زمان وانا انبهر باللي يكون حافظ شوارع المدينة وما يستخدم قوقل مابز ولا غيره ويعرف الطرق واساميها. قريبا ان شاء الله بطلع رخصه وادري انه اكيد اي طريق بمر منه يوميا بحفظه لكن انا ابغا افهم الرياض وشوارعها بشكل أعمق فاللي عنده اي نصائح يفيدني

​

برضو عندي سؤال خارجي: وين أفضل مكان للكشتات؟ انا ابغا مكان اقدر اشوف فيه النجوم وما ادري هي النجوم ما تبان في المدينة بسبب الاضواء ولا هي فعلا غير موجودة

ابغا أعمال عربية ممتعة، سواء افلام او مسلسلات او حتى برامج تلفزيونية كل شيء بس اهم شيء تكون عربية وممتعة لأني بقترحها على صديقتي اللي تتعلم عربي

I've always thought that Carol's voice and speaking style were so special until I watched the first episode of euphoria and immediately recognized Martha Kelly's voice there as Carol's?? So she wasn't voice acting the entire time and this's how she actually speaks?