u/Clean-Philosophy-108

كنا قاعدين نشوف مقطع 24 ساعة بدون جوال في الحسا و صار بخاطري الكبسة اللي سووها و انا قد ذقتها بمطعم بس ذي طلعت الذ احبك الحسا 🫶🏽

شوربة تدفي مع ان صيفنا هالسنة ما يرحم و مشاركة اختي كانت بخبر الثوم و طلع كومبو الاحلام مع الشوربة يمييي

اشتقت انزل في الصب الاعظم لكن حسيت ان ايامي السابقة كانت متشابهة و هادية و استوعبت ان هالشي نعمة احتاجها بين الحين و الحين خصوصا قبل بداية الدوام الشهر الجاي

اخيرا وصلتني خيوط جديدة لبطانية جديدة ان شاء الله اصمل و اخلصها قبل تخلص الاجازة

ادمنتها و هذي ثانية مره اشربها

خفقت الماتشا بقهوة سعودية بدال الحليب او المويا مع شوية عسل و و استخدمت دبس التمر محلي مع حليب البرو فانيليا

الخطة كانت اسوي لشخصين فجأة البيت كله صار يبي لما طلع لذيذ

مع استخدام leftovers من سلطة مطعمي المفضل

اعطيت الكاتسو فرصة ثالثة بس هالمرة صناعة منزلية مو من المطعم و فرق معي الطعم لكن العيب كان بالحرارة بالنسبة لي غير هذا حلو و اقدر اكله مره ثانية

بان كيك مالح يليق بكوب التمساح اللي شريته لان شفته ديناصور و بما يبدو اني ادمنت احول الاكل الحلو مالح

الطريقة
بيضتين
فانيلا
ملح
ظرف سكر ستيفيا
ثلاث ملاعق كبيرة زبادي يوناني
ربع كاسة زيت
بقدونس و شبت و فلفل رومي مقطعين
مرتديلا مقطعه مربعات ممكن تستبدلونها بشرايح ديك رومي
قطع جبن فيتا
شرايح جبن تشيدر
رشة جبن برمزان
البهارات ( بابريكا، فلفل مجروش، كزبرة، فلفل اسود)
كاسة طحين
ملعقة كبيرة باكنج بودر
نخلطهم مع بعض و نضيف مويه لين ما يخف الخليط شوي
نضيف الخليط على بان مدهونه بزيت زيتون و نحط فوقه زعتر و زيت مخلوطين مع بعض و نرجع نسكره بشوية من الخليط
و حطيت على جنب لبنه مع نعناع مجفف و زيت زيتون

كيكة حلوه مالحة بالاجبان و الخضار و الزعتر لذييييذة مع كاسة شاي

و ناقصها العشا كان زبادي يوناني مع تمر مكرمل تم الالتهام قبل الصورة🤤

سويت بانكيك بالتفاح المكرمل و القرفة و سويت ثاني بالتوت و الليمون لاختي الـ picky eater اللي ما تحب التفاح و كلهم الذ من بعض مع V60 بُن اثيوبي باااااارد 🤤🤤🤤

دورو جاجا الكيوت ابو ثلاث عيون بين الصور كان اول تجربة لي في كروشيه الدمى فراح يكون له مكانه غير بقلبي. هالاسبوع عدت لروتين النادي عشان اطرد الـ demons اللي براسي قبل يسحبوني لنقطة الصفر

عندي طاقة اسوي كل الاشياء اللي متعودة اني اسويها و تبسطني لكن ما عندي طاقة ابدا في ولا شي و احسني يوم بعد يوم قاعدة اتجرد من انا اللي اعرفها و اصير شي انا ما اعرفه

عودة للاعمال اليدوية المحببه لقلبي لكن تخللها اصابة عمل لكن عوافي استمعت و انا اسويها و متحمسه الونها لما تنشف و ان شاء الله ما تتكسر

حلمت بساندوتش حلوم مع بيستو و ماتشا كوكنت و صحيت سويتها 🤤