u/Comprehensive_Tap463

كيف أصبحت بعيدا.. عن عيوني، عن فؤادي، عن شجوني وحيدا؟

هل تُرى أشقاك حبي بعدما كنت سعيدا؟

ليس في القلب سواك، عشت عمري لهواك...

عايزة اتعلم الكتابة بكام نوع منها، حد عنده خبرة في اي نوع ممكن يقولي اعمل ايه؟

من غير التواصل البشري هتجنن أكيد

غيَّر فيك إيه؟ أثر عليك إزاي؟

مبكونش حرة في حتة قد ما بكون فيهم، واتعلمت منهم كتير أوي.

أنا بجد بزهق وبتعب من الالتزام بالدوا والمتابعة مع الدكتور وببقى عايزة أديها الطناش دايما بس أول ما بعمل كدا بتفشخ

وكمان ساعات بغضب جدا مش بتقبل إني مريضة وإني هعيش بالتعب ده أغلب الوقت لو مكنتش مركزة معاه وواخدة بالي من نفسي

غير إنه فكرة اني بنتقل من اني اكون كويسة لإني تعبانة في ثانية دي بتجنني

نفسي أبقى ريلاكس مبعرفش

من المراهقة وأنا عايزة أتجوز على التلاتينات ولما بقيت في نص العشرينات بقيت حاسة اني عايزة حبيبي ياخد خطوة ولكننا انفصلنا

ومن زمان من إعدادي وأنا شبه عايشة لوحدي وكنت طول الوقت محتاجة ونس وحد يشاركني حياتي وأنا عامة بحب الحب جدا وبشوفه أساسي عشان أعيش

المهم إني مؤخرا بقيت محبطة بسبب إني عايزة مواصفات معينة في شريك حياتي ومبقبلش ومبرتاحش لو هي مش موجودة وحتى لو كنت معجبة بولد إعجاب أولي أول ما مبلاقيش المواصفات دي ب-لوز إنترست

مؤخرا بقى بقيت أفكر كتير إني أخد قرار اني متجوزش (كدا كدا أنا لاإنجابية)

بقيت أخاف أ-سيتل فور ليس أو إني أفقد جزء كبير من حريتي أو إني مقدرش اتأقلم على العيشة مع حد

مش عارفة إيه الصح

.

بقالي كتير بتجيلي نوبات غضب بس لكن العياط والخنقة بقالهم مدة محصلوش فمستغربة شعورهم دلوقتي

بحكي كأي إنسان عايز أتنشن قصدي سبب للوجود ومواساة عليه

من سنتين كنت في الساحل ولقيت شجرة جوافة في الجنينة وقطفت منها جوافاية أكلتها في الطريق وأنا بتمشى مع بنتين قرايبي من أقرب البنات ليا.

كنت بعمل كل حاجة بحبها وكنت سعيدة من قلبي وقتها،

سليمة جسديًا

متزنة نفسيًا

في الساحل اللي بعشقه وبحس اني بتنفس فعلا فيه

وسط أهلى اللي فعلا حاسة بحبهم وخوفهم عليا

بتمشى في مكان جميل ونضيف وفاضي

بتكلم وبعبر عن نفسي وبسمع

جمبي بنتين بموت فيهم

واحنا النلاتة بندوق ألذ جوافاية دوقناها في حياتنا

كنت مستشعرة نعم ربنا بكل حواسي، وممتنة ومبسوطة!

الحمد لله رب العالمين.

هقول بديهيات اتعلمتها من فترة خليتني مرتبة ومنظمة أكتر:

أول حاجة: لو المكان اللي هترتبوه بجد فوضى ومفيهوش مكان تحط رجلك غالبا، اعمله سكان بعيونك وقسمه مربعات افتراضية في دماغك وابدأ مربع مربع

امسك اول حاجة تيجي عليها عينك ورجعها مكانها وهكذا

تاني حاجة: اعمل لكل حاجة مكان خاص بيها حتى لو مش مكان كبير او مينفعلهاش مكان مخصوص خليها حتى جمب شيء معين له مكان معين يعني مثلا جمب حاجة وهكذا

والحاجات العشوائية اللي ملهاش مكان اساسي يتعملها درج او صندوق يلمها كلها ويكون مكانها

تالت حاجة: اتعامل ان المكان اللي انت خصصته للحاجة ده هو بيت الحاجة ولازم كل يوم الحاجة ترجع تبات في مكانها بعد الاستخدام

وأول ما تخلص الحاجة حاول ترجعها مكانها مش لازم تسيبها لاخر اليوم

رابع حاجة: حاول قبل النوم تروق ترويقة بسيطة

خامس حاجة: لو في حاجة عندك منها حاجات كتير ومبتستخدمهمش يبقى لما تشتري حاجة جديدة منها تطلع القديم

يعني لما تجيب قطعة هدوم اتخلص من قطعة تانية مبتستخدمهاش عشان الدنيا تبقى خفيفة وسهلة تتروق وتشوف هدومك قدامك كلها

ودمتم

صاحية من نومة حقيرة نمتها بمنوم مخليني قايمة دماغي فاضية فيها سحابة بيضا وشاربة سيجارة قبل ما أنام وأنا أصلا مبحبهاش

مش بفكر في حاجات كتير

دماغي خفيفة

مش شايفة حد

أنا مين

ليه مش حاسس إنك أجمد/أفشخ/أفجر واحد في الدنيا؟

الصياد والغزالة والغابة.

الصياد والغزالة والغابة.

الصياد والغزالة والغابة.

عمري ما اتحبيت زي ما استحق اتحب

نفسي اتطمن من حد ثقة إن كل حاجة هتبقى كويسة

نفسي ربنا يطمني

طول الوقت محرجة من وجودي

محرجة من نفسي عامة، وبكرينچ من كل حاجة أنا والبشر بنعملها