u/Entire_Pilot_1293

هل تحسون المجال هذا فرصه ضيقة ؟ ولا له مستقبل ؟

انا دوبني متخرجة علوم حاسب وفكرت اتخصص في هالمجال بس ما تعمقت

دايم ادور ما احصل كلها غالية جدًا
وماكس اشيائه دائمًا مخلصة

ف ابي خيارات اوسع وافضل اذا تعرفوا

ترطيب البشرة والاعتناء فيها بشكل يومي مو بس قبل الميكب بوقت!

واذا صار عندي مناسبة ازود العناية وفعلًا اشووووف فرررق بالميكب

وبس الله يوفقكم بنات

من زمان مرة ما شريت من شي ان ومدري كيف توصيلهم ذحين؟ كم المدة؟؟

اولًا ماجستير. وتخصصي ذحين علوم حاسب والماستر ممكن AI او Data او IoT بس ما اعرف كيف الموضوع بالواقع بعيدًا عن كلام الشات ؟

اولًا حنا سوينا المشروع بنفسنا بمساعدة الAI طبعًا البنات الصراحة يشتغلون بس فيه نوع من الاتكالية انا احس فيه يمكن مو مرة بس صراحة اشوف هالشيء… غير انه دايم يسوفون لين احس اني احتاج امسك الشغل عشان ما نتأخر ويقولون لي بعدين "ليش سويتي كذا كنا نبا نسويه!" واقول يلا ماعليه يمكن مشغولين

وانا مخلصة جزئي من اووول وراجعت التقرير وقلت لهم ترا هذا غلط وهذا ناقص عدلوه واستناهم بعضهم تأخر مرة لين عدل، وفيه اللي ماعدلت تقول سألت الشات قال ما يحتاج تعديل، قلت ياخي اقرأي وشوفي بنفسك! يحتاج تعديل بالعقل مو بالشات
لين تخيلوا جاء التسليم ولا خلصوا وقمت امسك واسوي واكلمهم ووحدة منهم كانت تشتغل معانا ثم اختفت وردت علي بعدها انها نامت من التعب
وانا كنت جايه من برا وبنهاااااار من التعب مع ذلك قعدت اعدل واحاول

وثنتين منهم كل ما سووا شيء ارسلوا لي شوفي صح ولا خطأ، صرت اطنش انو شغلي عقلك لا تجيبين لي شغل الشات وتقولين صح ولا خطأ… شوفي مشروعك بنفسك! انا بساعد بس مو لهدرجة
واليوم بالمناقشة الاحظهم يتناقشون بس شوي حاطيني بالوجه وقهرني هالشيء اول تكلموا يقولون لا انتِ حنا مو متأكدين! والدكتور ينادي سامعيني؟ لين بالاخير قمت اتكلم انا !

حتى البرزنتيشن اقول لهم يحتاج تعديل عدلوا وشوفوا وقالوا شفنا وبعدين جيت حسيت الكلام غلط وعدلت
وبالاخير المناقشين قالوا التقرير والعرض ناقصين! وفيه واحد منهم كان هجومي مرة تجاهنا

انا مرة مستفزة من الموضوع وحاز بخاطري انا مرة شاطرة ولي اسمي لأن انجازاتي سابقتني ف ما كنت اتمنى تكون مناقشة مشروعي بهذا الشكل

بس لما يكون فيه شخص ماسك الشغل اكثر من غيره لمشروع كبير وطويل المدة طبيعي مرة مرة يكون فيه نقصان

وانا ماسكه نفسي دقيتهم بالكلام وتخاصمت معاهك بس بشكل دبلوماسي بس ما فاد شيء… واحس بالقهر كيف يعني ذحين ارجع امسك التقرير اعدل فيه من اول وجديد!!!

بالله ليش هذي الحركات يسوونها؟ والله انا عارفه محد مشغول لهذي الدرجة بس فيه اولويات !!! حسبي الله ونعم الوكيل مقهورة مرة

وانا اليوم بغيت اتخاصم معاهم قدامهم بس قلت لا خليني اهدأ مو زين وقت الغضب الواحد يتكلم وقعدت ساعة ونص معاهم اطالعهم وهم يسولفون انا اتكلم شوي واسكت بخاطري اتكلم بس ماسكه نفسي بس مرة حسيت بضعافة مني مقهورة وزعلانه مرة

الصدق ماكنت اهتم بس بعدين حسيت انه يعطي منظر مرة حلو ولاحظت كثير يسوونه بس مدري لو يبين اوفر ؟ مو عروسة بس ححضر عرس قريبتي

واذا ححط وش البرودكتز الافضل ؟

انا عندي كوركتر هدى لونين الوردي الغامق والاورنج الغامق

التغطية مو افضل شيء يعني الصدق صار نادر يزبط معايا واذا زبط ف يبقى اللون الاورنج او الوردي الغامق واضح! واذا كثرت كونسيلر عشان اللون يروح تختفي عيني
مدري وش التكنيك الصح
اول كان يزبط معايا

انا تدربت في شركتين الاولى تدريب تعاوني ٤ شهور والثانية عطول بدأت باليوم اللي انهيت فيه بالشركة الاولى
كان تدريب صيفي ماله علاقة بالتعاوني ومدته شهرين

واشوف طلاب ذحين يقدمون على تطوير الخريجين واستغرب ؟ هل اقدم على وظيفة عطول ولا افضل لي اخذ تطوير خريجين؟

نصيحة عن أي شيء، مثل الانترفيو ايش تحسون شيء كان ودكم احد يقول لكم عنه قبل ؟

نفسي أعرف كيف الوضع عندهم بالضبط؟ ايش الاشياء اللي يركزون عليها اكثر شيء ؟

انا باقي لي شهر بس واتخرج
وبدأت من ذحين أقدم، ونفسي اول ما اتخرج احصل الوظيفة قدامي إن شاء الله

معليش السالفة طويلة بس منجد ابغى اجابة

بمشروع تخرج ومن الترم الماضي لاحظت ان البنات مرات ما يردون بدري وافقد حماسي مع اني مو جاية اسولف بس ابغى مشروعنا يطلع بشكل حلو

يقعدون لين يقرب الديدلاين ويشتغلون
ومرات بسبب هالشيء اشياء تضيع وتنقص واضطر انا اقفل الفراغات عشان الدكتور ما ينقص

واذا ما عرفوا لشيء والديدلان قرب عطول اروح امسكه وابقي لهم شيء بسيط، او اقول فقط راجعوه، واقول " هذا شغلنا يا دكتور "

هم يشتغلون، لكن خلونا نقول تفاوت بالإنجاز

سابقًا الدكتور طلب تقرير مفصل لكل وحدة ايش سوت، كان فيه تولز معينة كلمتهم فيها يساعدوني ونسويها ولا احد رد علي لين اضطريت اروح اسويها لوحدي

وكتبت بالتقرير اني انا اللي سويتها

دخلت علي وحدة بالخاص وقالت "اذا ممكن تحطين اسمنا معاك، انا اسفة وادري طلبي ثقيل، بس هذي المرة وصدقيني بكلم البنات وبنصير نشتغل اكثر، وانتِ ياليت معد تاخذين شغل كثير من دون ما تعلمينا، لأني ما احب يكون مافي توازن بالشغل"

قلت طيب بس هذي المرة

وفعلًا رحت كتبت اسمائهم

الترم اللي بعده جاء، ونفس الوتيرة تكررت، كنت امزح واسولف معاهم واقول هيا قبل الدكتور يكلمنا لين الدكتور خاصمنا
وانا بعدها تحسست شوي وقعدنا تقريبًا لكم يوم نجتمع نشتغل
لكم ما انجزنا شيء يذكر كثير

وبعد ثلاث اسابيع رجع الدكتور خاصمنا

ف انا تضخمت مشاعري مرة
ف لما رجع طلب مننا الدكتور شغلة شوي ثقيلة بالمشروع نسويها
واتفقت مع البنات بعد المغرب نجتمع ونسويها وما نتأخر على الدكتور، وسويت جزء منها مرة كثير منها وقلت بعد المغرب انتو سووا ودخلت وحدة اعطتني رأيها بشغلي

ما سووا شيء
واضطريت اليوم اللي بعده امسك الشغل واتصل عليهم واكلمهم واقول عيب عليكم يقولون دقيقة ياقلبي، حنا دوبنا مخلصين الاختبار والدكتور طالب الشغل الثلاثاء مو ذحين "كان اليوم الاحد واصبحنا الاثنين"

قلت اوكي بس الشغل يباله وقت

وفي يوم الاثنين من الصباح لليل اكلمهم يجون يساعدون مايجون، ورحت اسوي الشغل وخرجته بشكل مرة احترافي وتخاصمت معاهم، قالوا اشبك فيه وقت وليتك ما سويتي الشغل كله كنا نبغى نسوي، قلت خلاص مو مشكلة شوفوه هنا واذا فيه اي شيء عدلوه ردت علي نفس البنت اللي اعطتني رأيها اول وقالت ان هنا فيه خطأ، جاء يوم التسليم قلت خلاص بسلمه وسلمته

تسليم المشروع ككل باقي عليه اسبوعين
والاحظ لسى فيه اشياء واخطاء ناقصة والقروب هاااااادي
اكلم وحدة بس اللي ترد علي، هي نفسها اللي اعطتني رأيها بالشغل، ومسكتها شيء تسويه، واقول لها سويه مع البنات، قالت طيب، محد من البنات يرد عليها، لاياااام، لين اضطريت اشتغل معاها على الموضوع

بعدها قلت للبنات "الدكتور طالب تقرير كل وحدة ايش سوت" ورحت وسلمته الدكتور وكتبت "حرصنا على إستكمال العمل قدر الإمكان حتى لا يتأثر تقدم المشروع، لكن مع الوقت أصبح تفاوت الإنجاز بين أعضاء الفريق واضح، لذلك اقترحت على الفريق كتابة تقرير وتسليمه لك"

هل غلطت؟

التقرير كل وحدة كتبته بناءً على رؤيتها مرة ما كتبت في خانة وحدة شيء عنها

ف يعني ما ظلمت احد

التقرير موضح شغل كل وحدة

كل وحدة تشتغل مو واضح مرة ان فيه مشكلة، بس وحدة مننا شغلها مرة قليل، بسبب ان صار عندهم حالة وفاة، ف ذكرت للدكتور ان عندها حالة وفاة عشان ما يعتبر نقص شغلها تقصير منها

لكن ذحين لما هدأت احس اني خبيثة، واني غلطت ؟

دائمًا احس اني احتاج اوقف فوق راسهم واحتاج اقسم الشغل ما ادري اذا هذي شخصيتي او فعلًا الواقع معاهم قاعد يجبرني… الدكتور قال لنا لو ما انتهى المشروع تقعدون الصيفي تشتغلون
وانا انفجعت حرفيًت ما ابغى اتأخر

بس شوفوا التسليم الاسبوع الجاي ووحدة منهم مسكتها شغل لها اسبوع ما سوته ومسكتها شيء ثاني واقول لها سويه تقول "انا مشغولة مرة دوبني اقعد نص ساعة اسوي، استني علي" ما ادري ايش مشكلتها بس دايم البنت ذي تقلقني اكثر من اللي عندها حالة وفاة

وذحين صراحة بدأت احس اننا ما راح نخلصه وبنقعد للصيفي ف خلاص بدأت اتقبل❤️ لدرجة قلت ما راح امسك شغلها واسويه عنها زي ما دايم اسوي

السالفة شوي طويلة 🙏🏼

انا بقروب مشروع تخرج، والبنات الصراحة ما يشتغلون كثير وانا الترم الاول مسكت نص الشغل وهذا الترم قلت بطنش واعاند وما افتح الرسايل بدري زي ما يسوون، وسويت قروب ومعانا الدكتور عشان اذا الدكتور عنده شيء مهم بيقوله يرسله بالقروب وما احس بالحاجة والضغط اني لازم اكون متواجدة وما اتأخر واوصل بينه وبين البنات …

المهم جاء رمضان بداية الترم وجاء الديدلاين والبنات ماعرفوا يسوون شغلهم قمت مسكته وقلت امسكوا الاجزاء البسيطة ذي المهم اننا نطلع بنتيجة قدام الدكتور -هذا كان تفكيري وقتها الى وقتٍ قريب-

قال الدكتور كملوا الشغل ابغى بعد اسبوعين اشوف جزء كبير منفذ قلنا تمام وارسل للبنات طنشوني ولا ردوا علي الا بعد العيد!

وانا قلت والله ما اسوي لوحدي ولا علمت الدكتور وهو ما تكلم وقعدت بعدها اكلم البنات اقول يلا نخلص قبل يكلمنا الدكتور ولا ردوا

ثم سوا معانا اجتماع وعاتبنا انو ما سوينا وقمت اعتذر ورحت اقول للبنات بالقروب "شفتوا؟ كلمتكم والله!" وطنشوني

وقلت للدكتور اعطينا اسبوعين وكل شيء جاهز ومن يومها وحنا شبه يومي نجتمع نشتغل وطبعًا مو كلنا نجتمع

ارسل الدكتور هل فيه تحديثات على المشروع؟ قلت لا زلنا نشتغل على النقطة هذي ولا رد

بعد ذلك كملنا نشتغل وعدا ثلاث اسابيع وارسل كذا مواعيد التسليم للمشروع انا شفت وكلنا شفنا ولا ردينا

بعدها بكم يوم الصباح كذا يوم الخميس، ارسل هل الجميع جاهز للمناقشة بعد اسبوعين؟ وانا كنت نايمة وصحيت اول ما شفت ارسلت للبنات جاهزين؟ عشان ارد عليه؟ ثم بعد ساعتين قال المناقشة الترم الجاي والتواصل على الايميل وخرج من القروب!

وانا مرة زعلت ورحت ارسل للبنات واقول شفتوا زعل قاموا يقولون مافي شيء يزعل ومع نفسه يزعل
ورحت كلمته ايميل وقلت جاهزين وقال فيه اجتماع الاحد
وقاموا زعلوا ليش قلت جاهزين!

وليلة الاجتماع قلت بنات لازم نعتذر من الدكتور وحدة فيهم قالت اكيد

ثم بالاخير محد قعد يعتذر ويكلم الدكتور غيري! تخيلوا؟

طلبت منهم يسوون تقرير كل وحدة ايش سوت على اساس الدكتور طلب وهو ما طلب بس عشان يعرف مين يشتغل

وذحين ابي ارسله له بس نفسي اعلمه بكل شيء

انا عارفه اني غلطت في اني كنت اخذ الشغل اللي مايعرفون له لأن هذا اصلًا اللي خلاهم يتمادون، وانا كنت اظن ان اذا الدكتور ما كلمنا ف هو فرصة لنا نطور الشغل، وما كنت يعني احب اوريه شيء ناقص لاني شايفه الخلل اللي موجود ولا ابغاه يلاحظه وينقص ف كنت احاول اغطي واقول يلا زين خليه يشوف شغل محترم

بس خلاص انا تعلمت الدرس

وابغى اصلحه

ولا ابغى اظلم احد عشان كذا قلت كل وحدة تكتب ايش سوت بس لاحظت حتى كل وحدة وش كتبت فيه مهام كاتبين انهم سووها انا اعرف انهم ما سووها ومستغربة من هالشيء بس قلت يلا يمكن اشتغلوا وانا ما اعرف…

ولا ابغى اكلم الدكتور بيقول يالليل دراما البنات

ف شوروا علي ايش اسوي ؟ والله العظيم لي اسبوع مغبونة واكلم فيهم يشتغلون بس يماطلون لدرجة رجعت مسكت اشياء

تخيلوا هم ولا وحدة فيهم تشتغل قدي حرفيًا، ودايم يطنشوني بالايام وانا اللي الاحق وراهم واذا ما سووا بخبالة مني اروح اسوي عشان ما ننقص ويوم قررت اعاند وما اسوي خاصمنا الدكتور كلنا

وذحين قلت لهم الدكتور يبغى تقرير كل وحدة وش سوت وانا حطيت بصدق ايش سويت قمت اشوف كل وحدة وش كتبت لقيت والله وحدة فيهم تقول انها سوت معاي! وهي ما سوت انا اتذكر سويت هالشيء بنفسي بشكل كامل؟؟؟؟

والثانية كاتبة خمس نقاط لنفس المهمة بس بصيغ مختلفة، مدري هي على مين تستذكي؟
وكم نقطة ماخذتها مني ؟

هذول وش اسوي فيهم!!! انا قلت التقرير فرصتي اوري الدكتور مين اشتغلت صدق !

الشات يقول لي خليهم الدكتور بيعرف انهم كذابات وبيسألهم وبيتحشرون عليها وبيبان من سوا صدق

بس لو ما سأل؟ وراحت علي وكل جهودي ذي ؟؟؟

BTW الدكتور ما طلب تقرير انا قلت انه طلب عشان اخلي كل وحدة تقول وش سوت وفعلًا برسله للدكتور🥰
وهم ما استغربوا لانه كان دايم يطلب تقارير

طبعًا عرفت مو بس من احساسي بس من نظراتهم لي. وقت لما صار لي شيء مرة حلو، نظراتهم لي كانت تفجع
احداهم باركت لي بالجوال
بس لما فتحت السالفة انا اثناء الحديث تأففت وشمقت

الثانية لما استلمت شهادتي وجيت اوريهم، قعدت تطالعني بصمت بشكل مريب اثناء ما انا غافلة، ثم شالت عينها عني لما تلاقت اعيُننا

المشكلة هما ضايفيني لينكد ان

وانا معد بكذب عيوني ولا مشاعري ان هالبنات غيرانات مني. كل الاشارات تدل على ذلك ولا انكرت ف انا غبية وبس

ف ايش الحل الصحيح معاهم ؟

انا كنت اكتب بالعربي واقول خلاص فيه translation

بس ذحين صار عندي مشاركات عالمية ودولية

ف ما اعرف هل اكتب عربي ولا انجليزي؟

انا احب اللغة العربية ولا ابي ابين كوحدة منبطحة لهم لأن كذا ينقال لي مرات… ف ابي رأيكم ايش تحسوا افضل ؟

لنا أسبوع بفندق وعلى اساس بالغرفة شخص واحد وشامل الفطور، اول يوم نزلت اخذت فطور ورحت لأهلي فوق واكلنا اليوم الثاني قال لي العامل ممنوع نخرج ناكل بالمطعم اليوم اللي بعده اهلي نزلوا واكلوا ومحد كلمهم واليوم اللي بعده انا ما نزلت اكلت ولا اهلي وراح علينا مع اني دافعة حقت فطور ذا اليوم، واليوم نزلنا انا وامي وقال لنا العامل انه فيه فرد زيادة ندفع 65

المهم انا اخذت اكلي وجلست وامي اكلت شيء بسيط جدًا معايا والعامل ما درى عننا
بعدها انا فكرت فيها وقلت لها امي خلينا ندفع لهم قامت عصبت وتقول بطلي الغباء هذا، دافعين لهم كلية للسكن ليش ندفع لهم وحلفت ما تدفع

انا لو معايا فلوس والله بدفع بس ما معايا وهي تقول لو فيه ذنب خليه علي 😅

ميكبي احسه كذا يعني لما اتحجب احس الطرحة تلصق فيه😁 غير عن كذا يصايقني ان الطرحة تنعدم من الميكب

وش الحل