خلصت تمرين قبل ساعتين ونص للحين مشيتي مرة ثقيلة وبغيت اطيح طيحات شينة بدون سبب ٣ مرات ، حرفيا الحين منسدحة مو قادرة أتحرك الوضع طبيعي ولا انطبخت؟؟؟💔 صارلي كم شهر منقطعة عن التمرين وماقد صارلي كذا قبل
سلام، احتاج نصايح واقعية صدق تخليني اشتري لنفسي عقار (شقة اي شيء) في اسرع وقت ممكن بدون قروض ولا ديون وماشابه –
توني تخرجت وظيفتي على قد الحال راتبي تقريبًا 5 الآف، احنا ماعندنا بيت ملك ولا عمره صار عندنا. اللي يصرف علينا حاليًا اخوي الكبير هو اللي يسدد الايجار، موظف راتبه 25+ الف ولا هو مخطط يتزوج قريب..
الحاصل انه آخر فترة قام يبدا يستعبدنا بشكل واضح. الطبيعي ان الإخوان يختلفون لكن لما اسوي شيء ومايعجبه (زي مثلًا ماكويت ثوبه، رفضت اسوي له اكل، الخ..) بدال مانتهاوش ونرجع نتصالح زي الإخوان الطبييعين،، يصير يلمح لي انه ترا بطردك ولا بطلع من البيت وانتو تصرفو في الإيجار.. صرت اضطر أجامله كل مرة حتى ولو هاوشني لانه صدق مجنون ويمكن يسويها… ماقدر استأجر شي بهالراتب الطفسة مايصفى لي منه شي
اللي عنده افكار خطيرة عشان اشتري عقار بأسرع وقت وأفك عمري من الذل يفيدني 🫠 او حتى أضاعف مصدر دخلي على اساس اقدر استأجر شي
الحين الرؤية قامت تتضح وتعلمت من اخطائي لكن حرفيًا بسبب قلة خبرتي ضاعت ٧ الاف في الهواء صح اني تعلمت لكن على حساب قاسي جدا اخخخخ، طمنوني هو كذا الوضع طبيعي ولا أنا كنت في تهور وتسرع
بدايةً أنا بسم الله علي اكل كميات اكثر من احتياج الإنسان الطبيعي بكثير، وزني بيطق ٦٠ وطولي فالـ١٥٠ (ماوصلت للسمنة لكن على مشارفها) وحرفيًا ما ابالغ لما اقول اني ما اشبع إلا بطلعة روح، مع ان نشاطي يعتبر متوسط
مثلًا اكل ١٠ حبات شاورما مع فرايز كبير، برقرين، دجاجة كاملة لحالي بس الحلا ما اكثر الصدق ولا احبه. وعندي مشكلة إذا عصبت وزعلت تتدبل كميات اكلي اكثر بـ10X
المهم شلون شخص مثلي يبدا دايت ؟ نصحوني بالصيام المتقطع لكن أنا ما اتحمل الجوع ابدًااااا خاصة مع التمرين يعني (يا أجوع وانام طول الوقت أو اتمرن واكل كثير) .. ضروري انحف مقاساتي بدات تخرج عن السيطرة ولا ابي ادخل بالسمنة ابد
انا توني في بداية التجارة وباقي قاعدة افتح مشروعي، الموضوع ماخذ مني وقت وطاقة وحرق اعصاب، وما اعرف لو المشروع اصلًا بيضرب معاي أو لا.
حاليًا اشتغل بارت تايم وظيفة خفيفة مو في مجالي ولا على مؤهلي بس عشان أموّل مشروعي وامشي الليلة،، ميزتها انها خفيفة تسمح لي اركز بشكل كلي على مشروعي
جتني عروض ممتازة جدا في مجالي ورفضتهم، وفيه ستارت اب ارسلو لي دعوة زي المؤتمر بيسوونه الخميس والعدد محدود اشوفه فرصة ممتازة لكني غير مهتمة ابددددددددًا في مجالهم وفكرتهم مع انهم ناس واصلة ومعروفة ومتأكدة بستفيد منهم بس ماعندي اهتمام لمجالهم.
كل اللي ابي اركز عليه حاليًا هو مشروعي بس اخاف أراهن على كل فرصة ممتازة تجيني عشان نجاحه واخر شي اكل تراب ويفشل،،، في نفس الوقت داخليا أنا متاكددددة أنا ما ابغى اسوي ولا شي حرفيًا غيره.
هل أنا قاعدة انتحر مهنيًا عشان شيء مجهول ؟ كثير يقولون اني معمية بس صدق هذي رغبتي وماعمري حسيت اني متاكدة من شيء كثر الحين بس فيني خوف ماذا لو طلعت معمية صدق عشان شي مصيره مجهول
وجهي لحالي كان طالع احس خييييييير الحين لما أنهيتها استوعبت ان وش ذاااا كانو ٢ اتش ار — رجال اللي يقابلني وبنت معاه كنت محجبة بس الاضاءة كانت زفت ووجهي مفقع حيل ندمت
وصح كان مررة مصررر اني افتح الكام توني استوعب هل هو كريبي ولا أنا تهاويل ؟؟؟ ندمت اني دخلت
توني فاتحة بزنس وبدايته حسيتها قوية ماشاء الله جالس يجيني طلبات وابي اركز عليه وأشد حيلي فيه مرررة بالتسويق والتطوير والخ..
مابي الوظيفة تشغلني عنه الصدق بس اخاف اندم إذا صار عندي gap طويل بالسيفي مدري شسوي 😔😔 للحين ماتدربت على المقابلة ولا لي خلق أصلا أقابلهم هل اسحب ؟ اخاف صدق يعطوني الاوفر والحيرة تتدببل 💀 ياربي مدري شسوي قسم مابي اهمل مشروعي على اية ثمن كان