شفت ذي بالتيك وحبيت اجرب ارسلها لأمي
علاقتنا رسمية مره انا ابنها وهي امي وابوي ونادر مره مانتكلم مع بعض او نقعد سوا
شافتها ولا ردت
واول مارجعت من الدوام قعدت تناديني وتصيح وتحضني 😭😭
مره انبسطت انها ماسحبت علي ابي اصررخخ اهخخخ
قدرت اعدل نظام نومي مثل قبل 🌞
الله يدخل كل الصباحيين الجنة ❤️
بعد جلسة مذاكرة طويلة لاختبار الSAT احسني داخل عقلي بزيادة واحتاج اكلم بشر
ادور study buddy يذاكر لاختبار الSAT مثلي (او اي اختبار) ونقدر نسولف بين بريكات المذاكرة بفورست
واحسن لو يكون شخص تافهه
وابي كنتاكي
وشكرًا 🙏
فيه طفل احبه مره ويعجبني دايم نلعب سوا واعتبره مثل ورعي الحين عنصري بطريقة مستفزه
على سبيل المثال:
كنت قاعد اتفرج شرح درس بالانقليزي جا عندي وقال (ليه قاعد تتعلم من كافر ؟) ولا بكأس العالم اذا كانت الدوله مو عربية يقول "كفار" بدل اسمها.
وانا قاعد العب لعبه ليركس بغرفتي بدون سماعه يجيني ويقول حرام تسمع اغاني كفار ؟
واذا جت بنت تكلمه مايرد وينحاش، للمعلوميه عمره خمس سنين
والله احبك ياخي بس ليه صرت كذا مقرف ؟ اذا تدخل فيني احصل اني اقمعه بقوه واهاوشه (كلاميًا طبعًا)مره، واذا كان يتكلم بشكل عام اسكته لأنه مستفز خلاص ماصرت ابلعه🥲
كيف تتعاملون مع الاطفال الي زي كذا ؟ ماحب لما اعصب عليه واشوفه يزعل بس صدق ماعرف وش اسوي معاه.
Any tips ?
انا ولد ومؤشر كتلة الجسم عندي 15، ومايهم مقدار الي اكله ما ازيد ابدا، رحت المستشفى طلع عندي نقص فيتامينات وحديد ومواصل عليهم من فتره (الغدد عندي طبيعية) الحمدلله.
امي مصرة ازيد وزني بأي شكل كان، خالاتي عبوا راسها علي وقعدوا يقترحون لها خلطات عسل "تفتح الشهية" وتزيد الوزن، ولما شفت صور الخلطات ذي والله انسدت نفسي وما اتخيل هذا الشيء يدخل فمي. ويجيني نفور بمجرد التفكير فيه لكن امي معنده بقوه.
عندكم نصايح اقدر اطبقها وازيد وزني ؟ واذا احد عنده تجربة/رأي مع الخلطات الي تزيد الوزن يفيدني. شكرًا !!
الطلاب الي اختبروه السنه ذي كيف كانت طريقة مذاكرتكم ؟؟ وش الاغلاط الي طحتوا فيها والمصادر ؟
خلصت الستيب والقدرات وجاني حماس مره اني ابدا فيه. اقدر اي احد اخذ الوقت بأن يكتب تجربته مع الاختبار، شكرًا !
اليوم بالمدرسة واحد من زملائي (اعرفه بس مو معي بنفس الفصل) فضح نفسه وقال انه لايؤمن باله وقعد يناقش معلم الدين والاستاذ بس ولاشيء تصعد للادارة
ومعلم الدين والطلاب قعدوا يحذرون منه وانه محد يتكلم معه، ووضعه الاجتماعي صار بالحضيض فعلا بس ماتعرض له احد
وانا زعلت عليه مره 🥲 الولد ذكي مره، تعرف الذكي الي لما تتكلم معاه تحس بطاقه ايجابيه وحماس ؟؟ وشرح لي فيزياء بمره من المرات وكان كيوت
انا عارف انه ملحد من قبل ناقشته عن الخمر وكان واضح موت انه ملحد، انا معي شلتي وهو معه شلته فماكنا نتكلم كثير، واليوم شفت شلته يطردونه وانفطر قلبي عليه والله يزعل. وجيت اكلم خويي عنه ورده بالصورة ورده اغبى
اخر رسالة بيني وبينه من شهر طلب نلعب سوا ومارديت (كنت مره مضغوط وقتها) ومادري اعيد التواصل معه او لا ؟؟ خصوصًا اني مابي اصير منبوذ او انفضح زيه (عذرًا على الكلمه بس تصرفه مره غبي)، انتظر الين ينقل من المدرسه واتكلم معه او وش لأن ماحس فيه حل وسط 🙃