u/Grand-Ad-3021

هي مميزاتها انها متواجدة ولويال جدا وناشفه جدا مع الذكور ومش مضطر حتى اقلق ولا اغير لأني متأكد انها هتكون بتكلم يأما صاحبتها الوحيدة (هي مصاحباها علشان هي الوحيدة) يأما اختها لكنها بتخاف من المواصلات فبضطر اروح معاها ابسط المشاوير وبتحتاج نخرج كل يومين ومعتمدة عليا ف كل حاجة حرفيا ومعايا ف الكلية ومبتحبش تقعد مع حد حتى لما عرفتها على كل صحابي محبتش انها تقعد معاهم وده بيخليني اسيب صحابي واقعد معاها طول اليوم علشان متكونش لوحدعا وامشي معاها بدري كل مرة علشان بتكون عايزة نتمشى لغاية بليل وديه حاجة بتضايق صحابي جدا احنا اتكلمنا انا وهي ف موضوع الارتباط كذا مرة بس انا رافض لأني حاسس اننا لو ارتبطنا هكون بقصر جدا جدا مع صحابي وانا مش عايز اخسرهم وفنفس الوقت مش عايز اخسرها ( حابب اضيف انها عندها دادي ايشوز ف ده مزود الاعتماديه عليا شويتين ) هي بس مخلياني الصديق الوحيد فحياتها لكن انا مش هقدر اخليها كده

من اسبوع اتصلت بواحد صاحبي اقوله ان ورانا حجز الساعة عشرة لقيتة بيكلمني مخضوض بقوله مالك قالي اغمى عليا ولسه فايق قولتله طب نروح نكشفلك قالي انا كويس وجسمي وكله كويس انا اكيد اتحسدت علشان بنزل صوري ف الجيم فضلت ساكت شويه ف المكالمة بستوعب هو فيه حد بيفكر كده بجد ولا هو مجنون المهم من ساعة ما الموقف ده اتحكى وكل شوية حد يوري للتاني حاجة يقوله قول ماشاء الله انا بقيت حاسس اني قاعد مع مجانين

انا حاولت جدا ف فبداية علاقتنا ووضحت كذا مرة ليها اني مش عايز يبقى بيننا سيتيويشن شيب او حتى علاقة حب بس هي قالتلي كذا مرة اني مكبر الدنيا والخ ومتفكرش ف الموضوع واحنا اخوات انا عاملتها زي ما بعامل اي بنت حرفيا لغاية ما ابتدينا نتقابل بشكل يومي و ابتدينا نتعود على التلامسات العاديه مثلا ف المترو ومع التدريج الموضوع وصل ل انها حبتني وحضن ومع كل مرة النقاش يفتح كانت تقولي لو مش هنرتبط يبقى نقطع وانا عمري ما كنت عايز نقطع ولا عايز اعشمها ومكملش ف كنت بحاول نكمل صحاب ، المرادي قعدت تقولي انت اذتني وعمري ما هثق ف حد وسيبتني احاول ليه ؟(عمري ما سيبتها تحاول بس هي لو مكنتش مسكت ايديها لو مدتها كانت بتكون متضايقة مني شهر) وقالتلي نقطع والمرادي محاولتش حتى معاها ومسحت صورها كلها من عندي بس لما بعدت انا زي ما اكون حنيت شويتين انا عمري ما كنت بحس اني محتاجها بس ف نفس الوقت مكنتش كاره وجودها خالص انا عندي صحاب كتير وكنت عامل حسابي ان اللحظه ديه هتيجي من زمان بس مع ذلك حاسس اني واقع خالص يعني حاسس اني حبيتها بس هي مش مناسبة ليا خالص.

انا اتفاجئت ان السنادي ناس كتير كلمتني نخرج لعيد ميلادي بس انا نفسيا مش احسن حاجة خالص ف كنت حابب اعرف لو فيه مكان اروحه يكون حلو اقضي فيه اليوم اكتب حاجات اعملها السنة الجديدة واللي عملته السنة القديمة وكدة ويكون حلو وفي القاهرة (اهم حاجة يكون هادي) ومش غالي

عندي ميزة بصراحة اني بستحمل اي مشروب او دواء مهما كان بشع طالما هو هيفيدني انا دايما مهمد ومش بقدر امشي كتير ايه الحاجات اللي المفروض اخدها هتفرق معايا ف صحتي سواء على المدي البعيد او القريب؟

البوكسرات اللي عندي بتعملي تسلخ دايما حتى لو نازل مشوار ساعة انا كنت شاريهم من دايس بس انا مبقتش استحمل البوكسر وكل مرة بحس بتسلخ شديد وبفضل اعدل فيه كل شوية والموضوع محرج انا حتى ف البيت مبقتش البسه خالص كده المشكلة ف البوكسرات نفسهم ولا محتاج اعمل حاجة؟

اقدر اشتري الرواية ديه انجلش منين؟

الموضوع غريب بس انا ايام فيديو هدير كنت منتظم شويه في البورن يعني كنت مدمن بس كان عندي حافز مخليني مش عايز اتفرج وهو الجسم المثالي اللي ف المواقع الكبيرة كان بيستفزني يعني مش ديه اجسام الستات ف دماغي لغاية ما فيديو هدير ده ظهر ولقيت حد كاتب ان البورن المصري بيكون واقعي وده اصلا كان حلم حياتي ان الاقي اجسام واقعية من ساعتها وصلت ل اسوأ مراحل ادماني للبورن المصري والتسريبات والنودز بقيت كل ساعتين بتأكد اني شوفت اي فيديو نودز ف اي موقع حاسس اني اتجننت مع اني في حياتي العامة بكون داعم جدا للستات وغالبا مفيش اي حد متوقع عني اني ارضى اشوف فيديو متسرب. واللي مشجعني اكتر هو راجل قال ان اضرار البورن ان احنا بنشوف اجسام مش حقيقية وحاجات مش حقيقية ف انا حسيت ان حاليا بشوف حاجات حقيقية ف ده مش غلط

​

انا بكتب وانا ف نص الشارع من كتر احساس الكبت اللي انا حاسه انا انسان مسيحي عادي مش مؤمن بكل المسيحية بس الموضوع بالنسبالي مش غلط ومش صح انا اجتماعي جدا في الكلية بتاعتي وبتعامل مع كل الناس وكله عارف عني اني مش بعلق على حد علشان كده حتى الملحدين او المؤمنين بيتكلموا قدامي عادي وبيقولوا رأيهم وبنتناقش النهاردة وقفت مع صحابي الملحدين قعدوا يتناقشوا معايا كتير على صحابي المسلمين بس انا دافعت جدا عن صحابي المتدينيين لأني بحبهم جدا وقدروا زعلي وسكتوا المهم ف نفس اليوم روحت على القهوه مع ناس من صحابي المسلمين لقيتهم مسكوا ف سيرة مثليين الكليه واتنين واقفين على الكورنيش جمب بعض والبنت باصه للنيل قولتلهم يا جماعة ملناش دعوة ، صحابي الموضوع ضايقهم وقالولي ديه كده دياثه بقى ههه وقلبوا الموضوع نقاش اديان (كله تحت سبيل الهزار وهزرنا وضحكنا) هما بيحبوني جدا وانا بحبهم جدا بس حقيقي مش متقبل القرف اللي بيفكروا فيه لما بقولهم كل واحد ف حاله بيقولولي من حقنا نتعصب في دماغنا او نتكلم عليهم وكانوا متضايقين اني بدافع عن الشباب والبنات الايمو والمثليين بس انا بدافع عن دول قدام دول والعكس ليه الشخص المتدين بيرفض انه يخليه ف حاله انا حتى الناس اللي كنت بقول عنهم محترمين لقيتهم بيتكلموا ف لبس البنت وترضى على مراتك وكلام مقرف صحابي المسلمين دول مسابونيش ف ولا مشكلة ودايما بيتكلموا عني حلو قدام الناس بس انا حقيقي قرفان ومش حاسس اني عايز اعيش ب وشين بس مش عايز استغنى عن حد من صحابي.