u/IndependenceGreat757

لسا واحد مكلمني من نص ساعة بالظبط على أنه من خدمه عملاء فودافون والشغل ده تمام لقيته بقا المقدمة بتاعتهم متقمصها وكل شيء كان تمام لحد ما لقيته بيقولي على حوار الكاش باك بيقولي إنك بسبب كتر فالتحويلات بقا واستخدام وكدا وأنا فعلاا بستخدمه كتير فمصدقه لحد هنا الاقي يقولي إنك مش عارف راكمت 45000 نقطة بسبب الحوار ده وأنهم هيتحولوا ل 2700 جنيه هيجيولك على المحفظة أول ما سمعت الفلوس بدأت احرص ولقيته بيقولي أن في رسالة هتجيلك دلوقتي من فودافون كاش ولقيته بيقولي أنت اخر معاملة عملتها ايه قولت له ياريت تقولي أنت بقا (أنا مش عارف إذا كان ليهم اكسيس يعرفوا ده بس بحاول أوقعه عامة ) لقيته قالي يا فندم أنت مش مصدقني ومينفعش وزعلان بقا قالي هتلاقي رسالة جات لك على فودافون كاش والرسالة جت فعلا إيداع 2700 جنيه وشغل ده

طبعا العبيط أنا عشان بتعامل كتير مع فودافون كاش فكنت فاهم ان ممكن من اي تطبيق توصل لفودافون كاش زي فوري أو غيره تعمل طلب إيداع والشغل ده والرسالة هتجيلك من فودافون كاش عادي بس قولت أما اكمل معاه للآخر

فكملت معاه اشوف آخره لقيته بيقولي مش عارف خش على أنا فودافون ومش عارف ودخل على الصفحة وطبعا رغي بطريقة عشان يضيع تركيزك عمال يقولي انت عندك مش عارف فواتير والعبيط عمال يقرالي الخدمات الموجودة كلها ع اساس اني مش هاخد بالي أم قايلي ادخل على عمليات ATM طب داخل ليه مش فاهم العبيط عايز ايه قم قايلي طبعا عشان هما 45 الف فليكس فأنت هتكتب في العمليات المبلغ 45 الف (هنا كنت عايز اشخر له اللي هو ايه اللي جاب عدد الفليكسات للملغ يا غبي بس كملت معاه) قالي طبعا اكتب الرقم السري هنا بس متقوليش عشان مينفعش تقول لاي حد (لا محترم ياض) بعدين قم قايلي ظهر لك ايه (مستني قوله الرقم ) قولت له الرقم السري المتغير قالي لا ينفدم مليهولي طبعا مديتهوش العبيط وزعل قالي انت بتضرني في شغلي وانا هقفلك المحفظة وهتنزل الفرع مخصوص وقفل العرص ملحقيتش اشخر له واداني بلوك

فعامة خدوا بالكم من الحوار عشان أساليبهم بتتطور عامة مبقاش محتاج يبعت لك من رقم تاني والشغل ده يعني أنا عشان بتعامل مع فودافون كاش وفاهم المعاملات وان رسالة الإيداع دي ملهاش لازمة حد تاني معندوش فكرة كان صدقه وكمل معاه عادي

الخلاصة كدا ايه اسرع واحسن حل لو هشتغل مع ناس برا مصر استلم فلوسي ازاي، عندي 20 سنة

كشخص كان انطوائي مدة كبيرة من حياته المهم حاليا الحوار بقا مختلف جامد وكدا يعني مبقتش انطوائي يعتبر اللي هو بخرج بقعد مش صحابي في الجامعة كدا الحوار بقا اني معنديش رد أو كلام أقوله بحكم انفصالي عن الواقع شوية مفيش حاجة في دماغي حرفيا اعلق بيها ع كلام حد افتح حوار كدا فمعظم القعدة حرفيا بفضل ساكت ياما لو حاجة مضحكة اضحك فالحوار اللي هو ممكن هما يفتحوا اكتر من موضوع حرفيا في قاعدة وأنت ولا هنا