u/Loud_State_691

يعني بس كان عمري ١٤ سنة كنت مهتم باللغة العربية
بس صرت ١٥ صرت اكره العربي
١٦ و ١٧ كنت مهتم بالالكترونيات
١٨ و ١٩ بالبرمجة
هو للصراحة الالكترونيات والبرمجة مش بعاد هالقد
وعندي اندفاع للعلوم بس اندفاع اهبل الصراحة زي اللي بدي اتعلم كلشي وهالحكي مستحيل
يعني مرات بصير معي اشي ظاهرة نفسية مثلا بحس حالي نفسي افهمه فبحس انه حاب اتعلم علم نفس
بشوف الاخبار بكون نفسي افهم اكثر بيجي عبالي اتعلم سياسة
وهكذا
وبحب كثير اعرف عن الاديان شو بعتقدوا الناس وهكذا
كل شوي عندي مشروع جديد
طبعا زمان كان الوضع اوسخ هلا حاولت ابسط الوضع شوي وقلت تخصصي هندسة حاسوب ولازم ادرس عشان اعدي وهكذا واي اشي اهتمامات فكرية او ثقافية زي علم النفس ولا السياسة وهيك يا بجيب كتاب وبقرا منو ساعة باليوم او بودكاست بس مش رسمي وقت كثير
ممكن الموضوع يبين تافه بس جد مخرب علي
بحس وقتي ضيق
معني بحاول مسويش كثير اشياء
بحاول ادرس اغلب وقتي عشان اعدي من الفترة الجامعية الزفت عخير🙂
حاولت ارتب هالموضوع وكيف بدي اقضي وقتي لاربع اشياء
اولى اشي الدراسة الجامعية بعدين المهارات لتخصصي بعدين رياضة بعدين قراءة كتب للاهتمامات هاي

وانا عموما من زمان هيك يعني بس اجيت اختار التخصص تغلبت كثير كان بدي هندسة كهرباء وكان بدي اكون فهمان بالكهرباء والبرمجة والفيزياء والرياضيات وابصر شو وبالاخر حولت هندسة حاسوب
وكنت باول الجامعة بس كنت هندسة كهرباء مجنن الدنيا بتردد التخصصات تبعي ومكنش حدا بسمعلي تقريبا غير امي واخر اشي قالتلي خلص تفتحش الموضوع كمان مرا وكنت حاب اروح عدكتور نفسي لانه الوضع مازم بس سعر الجلسة عند الدكتور لحالها بتسويلي كمان مرض فبطلت
وبالاخر حولت هندسة حاسوب وضل نفس القصة النفسية هاي وسقطت بثلث مواد وكان فصل بخزي
بس بالاخر حطيت فكرة فبالي انه كله بالهوى سوى مش فارقة كثير ومش ضروري الواحد اصلا يشتغل بتخصصه التخصص مش مشروع الحياة فمشيت
طبعا ما ترددت بس بهندسة الحاسوب وهندسة الكهرباء تقريبا ترددت بكلشي
وللان بحس حالي انه بحب كلشي بس مش مهتم خلص بدي اعدي بالجامعة بعديها خير

المهم هالايام هاي مش عمالي بشتغل عالمهارات معنها مهمة وغير عن قصة انه مهمة حاب كثير اتعلم قصص تكنولوجية خاصة embedded systems

وانا زي ما قلت اولويات وقتي (دراسة جامعة بعدها المهارات بعدها الرياضة بعدها قراءة كتب)

معني متخلي عن المهارات هالفترة بس مش ملحق عالدراسة وضعي احسن من الفصول اللي قبل بس مش منيح حاس انه مستحيل اوصل لمرحلة بحياتي الحق مش عارف شو اسوي كمان

قلت ممكن لقدام احاول اقلص الاشياء اللي بسويها ممكن عحساب الدراسة

ممكن الموضوع يبين تافه بس بالنسبة الي لا
المهم في حدا وصل لنقطة انه يومه بكفيه ولا فش هيك؟🙂

اول ما بدات اقرا بدات بكتب عندي بالبيت واغلبها روايات سهلة تقريبا يعني مافيها اي معلومات هي فقط مثل قصص او هكذا
بس كان هدفي من القراءة بالاساس الفضول بعدة امور
شريت كتاب عقدك النفسية سجنك الابدي وقاعد اقرا فيه وكل يوم اقرا كثير عشان بالبداية ممكن لازم تجبر نفسك شوية وعشان ماخدها وسيلة تسلية
بس بحس اني بقرا واغلب المعلومات بنساها مع اني كنت مهتم اعرف اغلب المعلومات من الكتاب
هل هذا طبيعي ولا لا؟🙂

⭕ عاجل ⭕

مليشيا الحوثي تستهدف قافلة مدنية تقل عشرات الأسر النازحة من المخا باتجاه عدن.. احتراق نحو 15 سيارة وسقوط شهداء ومصابين بينهم نساء وأطفال

ان شاء الله يكون غلط والمدنيين منلمسوش من ولا طرف

يخوان هاد رايي من اللي انا بشوفو اذا حدا شايفني غلط يقلي ليش واذا طلعت غلط بعدل حالي عادي ويا ريتني اكون غلط بهالقصة الصراحة بس مع الاسف

بظل الحرب باليمن اللي صايرة هاي اللي انا مش فاهم منها اشي وانا مليش فهم كبير بالسياسة ولونو نفسي بس انا اللي فاهموا انه الجهتين مش مناح اذا هدول مسكوا مصيبة واذا هدول مسكوا مصيبة

بس بشوف الجهة اللي ضد الحوثي اللي انا بعرف انه هي تحالف الفصائل اليمنية كلها ضد الحوثي اللي ابرز لاعبين فيها بعرفهم هم حزب الاصلاح (اخوان) ومدعومين من السعودية هاد العجيب🤡 والعمالقة المدعومين من السعودية والانتقالي المدعومين من الامارات

باجي بشوف حدا ناشر انصروا اهل السنة والجماعة والله والنعم يعني بس مش فاهم يعني الامارات بس مولت الدعم السريع برضو هدول كانوا اهل الحق ولا بس سووا حالهم رجال امريكا وراحوا نزلوا جنودهم عافغانستان🤡

عشان حاليا ايران ضدهم عمالهم برفعوا بالشيعوفوبيا بكرا اذا رجع بهلوي بنصير كلنا مسلمين
امريكا لا مهتمة بشيعة ولا بسنة ولا بمجوس امريكا بدهاش خطر عليها

ومحداش يجي يترجم كلامي عاني مع ايران ولا بقول فش خلافات بينا لا طبعا ولا بنكر الجرائم اللي صارت بسوريا بدعم ايراني

بس الشغلة بدها تفكير عقلاني مش عاطفي لانه فعليا اللي واقف بينا وبين اليهود هم ايران وجماعتها يعني هم العقبة الوحيدة واذا راحوا دورنا بيجي بعدها ليش نقعد نضعف فيهم واذا حدا سالنا ليش نقعد نقلو روافض وابصر شو روافض ععيني وراسي بس يعني الشغلة مش بمصلحتنا
واول ما تفتح هالسيرة بيجي حدا بنطلك وبقول الفرس قبل القدس مين حط هاي القاعدة بلا مؤاخذة

ولا بيجي حدا بحطلك نظرية انه ايران وامريكا صحاب وكل هاد مسرحية عشان يتامروا على اهل السنة والجماعة وابصر شو وبقعد يعطيك من الخطاب الديني اللي بستغل عاطفتك

انا طبعا مش بستهزأ انا سني وبآمن بضلال الشيعة اكيد بس يعني متاسف انه اليوم صار وضعنا هيك وصرنا مجرد اداة ونوظف العاطفة بايد حروب زي هيك

بعرفش اتعامل مع الناس نفسي اخلص من هالقصة زمان كانت كثير عندي مع خجل كبير هلا لسا موجودة بس اخف بس مرات بضرب شرش هبل وانا بتعامل مع الناس خصوصا الغرباء هالمشكلة من عندي وانا صغير نفسي ابطلها كيف عالقليلة نفسي اصير عفوي لو كنت وانا عفوي اهبل عادي بس مش عارف كيف

عمالو بحبس اهالي المعارضين اللي ساكنين برا عشان مش قادر يوصل للمعارضين وبكسر بيوتهم عشان يضغط فيهم عالمعارضين
ما انتنه الله ينتقم منه هو واللي بشد عايدو

فش عنوان منيح لاني مش عارف شو بدي اقول بس بحاول الخص
افكاري تغيرت عن السنة الماضية مش اللي تبنيت اشي جديد بس هلا بوضح

بس خليني احكي قصتي باختصار:
تخرجت من التوجيهي بمعدل عالي والحمدلله
كنت طول السنتين الثنوي ناوي ادخل تخصص هندسة كهرباء عن حب
بالاجازة ما قبل الجامعة تعلمت برمجة فترددت ادخل كهرباء ولا اشي الو عالبرمجة خصوصا اني كنت شايف البرمجة وقتها بالمجال الذهبي اللي الواحد بلم فيه المصاري بشوال بس بنفس الوقت مكنتش بدي اطلع عن خلفيتي فدخلت اول فصل هندسة كهرباء

قعدت طول الفصل متردد تردد قوي وبخزي
كنت عامل زي جدول دراسة ذاتية عن البرمجة شيء غاية بالغباء وكنت بضل استشير الذكاء الاصطناعي وانتوا عارفين كيف كان نازل تسحيج فمفكر حالي بعد سنين حصير ابصر شو
بس صارت تيجيني افكار اللي هو هندسة كهرباء وبتتعلم برمجة شو هالهبل الواحد بقوي حالو بتخصصو فقررت احول وطبعا قصتي وانا بدي احول لحالها طويلة بس بالنهاية صفيت اني حولت هندسة حاسوب

التردد ما انتهى صار اقوى صار اشبه بالمرض النفسي
كنت لسا بدي اكون ناجح بالجامعة وبالدراسة الذاتية
بنص الفصل وصلت لنقطة صرت بالجامعة وضعي سيء جدا فقلت خلص وقف الدراسة الذاتية واقعد للجامعة بس ومع هيك ملحقتش وبالاخر سقطت بثلث مواد اساسيات كثير بالتخصص

بعدين اخر اشي ونتيجة تفكير كثير سالت حالي شو اللي وداني لهون؟اللي وداني رغبتي اللي مش طبيعية بالنجاح اللي هو بدي انجح لو عشو واني طلعت فوق قدرتي واني كل يوم كنت احط لحالي مهام مستحيل تخلص وجدول دراسة ذاتية لحالو هم

فوصلت لنتيجة بالاخر انه امشي بهدوء والرزق عالله ومليش باشي ثاني لو تخرجت وملقيتش شغل تقني محترم عادي معنو زمان كان بالنسبة الي مصيبة حاليا عادي

كنت الاحظ انه عندي فضول وحب تعلم بكلشي طبعا هو اكيد جزء كبير منو وهم لانه فش حدا بحب كل العلوم بس الحمدلله صحيت بكير حاولت اضل البني ادم اللي بس خلص خليني باللي انا فيه ادرس واسكت بس صعب بضل في هامش افكار هامش فضول لازم يتجاوب عليه بدون التطرق لهالقصص بس قلت انسب حل عشان اجاوب عليه اقرا كتب بوقت محدد يعني اشبعت الفضول ماشبعتوش هو وقت محدد بطلعش عنو وعشان موقعش بنفس الغلطة قلت لازم اقسم الاشياء اللي بدي اصرف عليها وقت من الاهم للاقل اهمية وهي كالتالي
١-الجامعة
٢-التعلم الذاتي
٣-الرياضة
٤-اشياء اخرى (قراية كتب وتسلية والخ…)

المهم انا الصيف هاد ما نزلت صيفي فسالتني امي انه كيف وضعي مع القعدة ما زهقت ما اشتقت للجامعة قلتلها اذا الجامعة كانت بدها تاخد من وقتي كثير بس بدها تخليلي وقت فرح انبسط فيها واذا كانت بدها تاخذ حياتي كلها فرح اكرها بس بالحالتين لازم اكمل لانه هي واقع
وبعدها انصدمت وقعدت تقلي قديش اني غلط واني بالمرحلة العمرية هاي لازم يكون همي الوحيد هو الجامعة ولازم اعمل افضل ما عندي هي فكرتها باختصار لازم اضل ادرس والنتيجة عربنا اما ابوي فبدو ياني اكون من الاوائل معرفتش اوصل اللي ببالي اللي ببالي كان انه ليش؟ يعني ليش اكب وقتي كلو عالجامعة بدون ما افكر الجامعة شو حترجعلي بالاخر طب منا بشوف ناس جايبين معدل ٣.٥ ومشتغلوش ووضع تخصصي هندسة الحاسوب غير شوي يعني اذا صرت شاطر اشطر ما يكون وجبت معدل ٤ بالغالب اخريتني موظف بنفس الجامعة براتب فتات (طبعا هاد اذا مدبرتش واسطة عشان اشتغل بالاي تي)
طب ليش ما اكون حكيم نفسي واحاول اتعلم اشي من برا احاول افكر وين لازم اصرف وقتي مش انا جامعة لازم اكون الأحسن بالجامعة

واشي ثاني كل همهم هو الحياة اللي عايشينها انه يعني يكون عندي بيت وسيارة وناجح بمفهوم اليوم بس برضو ليش يعني الرزق عالله بعدين ليش هو هاد النجاح طيب مهو ممكن حدا يعيش حياتو شحاد ويموت بزقة بس يكتب كتب وبعد موتو بسنين الكتب هاي تصير من اهم الافكار بالعالم واسمه يتخلد بالتاريخ

ثالث اشي تعلمت انه مضغطش عحالي وايش بدو يصير يصير عندي قدرة معينة بشتغل حسبها بعيش حياتي بس بالمعقول اغلب وقتي المفروض يكون انجاز اا بس بدي وقت يكون الي ولو تخرجت وملقيتش شغل شو اعمل انا حنقهر اا بس هي الواقع حطيت جهدي كلو وهاد اللي لقيتو

رابع اشي برضو ترددي بالتخصصات اللي كان اسوء تجربة مريت فيها بحياتي بحس كل قصصو من موضوع شعوري بانه تخصصي الجامعي بحدد مستقبلي بس الصراحة ممكن اتخرج وبالاخر اشتغل باشي بدوش هالشهادة وانجح وخلص فهو يعني الجامعة مش الاشي اللي عالاكيد بترجعلك شو اعطيتها

انا لهلا مش عارف شو هي الجامعة اللي انا فيها هل رح اقدر اوازن ولا لا بين الاشياء اللي بدي ياها واذا ما قدرت اوازن شو بدي اعمل مفروض علي بهالحياة اخلص جامعة والترتيب اللي حطيتو (١-جامعة ٢-دراسة ذاتية ٣-رياضة ٤- اشياء اخرى) لو ملقيتش وقت الا للجامعة فهاد واقعي شو بدي اسوي

مش عارف اذا وصلت الفكرة بس خليني اعطي مثال اخير عابوي ابوي من وانا صغير وهو بدرسني كلشي وماسك اموري بالمدرسة وبدو ياني اطلع من الاوائل وطبعا ولا عمري كنت شاطر كان يضل مصر يدرسني وكان معقدني لحد حتى الصف العاشر كنت اسب عليه رسمي غلط بعرف بس ولعت معي وكان نفسي امي تطلق وبدي اخلص منو وخلص المهم اخر اشي جبت بالتوجيهي معدل عالي وكل معدلاتي من الصف الاول للاول ثنوي ما اثرت باشي وبالاخر المحصلة كانت انه علاقتي بابوي خربت عندي عقدة مش راضية تروح مش عارف اوصف بس العلاقة بينا تسليك بس بضل اسلكلو بس اشوف حدا صحبة مع ابنه بستغرب وهو للاسف ابوي مش الوحيد اللي هيك في كثير زي وضعي بس مش عارف شكلي تاثرت بزيادة هو هلا بطل زي زمان عصبي علي بس انه بالنهاية كل العصبية والتوتر عالمدرسة شو جابت؟ولا اشي بالعكس جابت اشياء سيئة والمشكلة انه لهلا بدو يتدخل فيي وتدخلو بحسو كابوس🙂

من قبل كم يوم طلع شيخ سوى حلقة عوحدة مشهورة من جماعة علوم الطاقة وطبعا هي بتقول ببلاوي منها اللي انا بعرفها اللي هو قانون الواحد يعني وحدة الوجود من اكثر الاعتقادات الكفرية، هو غالبا غلاة الصوفية وجماعة الغنوصيات باي دين بامنوا بوحدة الوجود او الحلولية ممكن او الاتحاد هيك قصص
طبعا ردها كان كثير اهبل كلو تصميمات عالانستا وابصر شو وطلعت تقول انت ليش حاطني قدام وبتطلع علي من ورا وابصر شو ردود كثير هبلة ومردتش رد حقيقي يعني لا علمي ولا ديني
زمان كنت بتابعها يعني مش اللي كثير بس بتابعها وانا عارف إنه تخبيص بس عشان هالمواضيع حلوة الا اني عارف انها غلط ولسا عارف وكنت بتمنى بوقتها تكون مش غلط لانه في خروج عن المالوف وهيك بس هي بالاخر مش بس غلط هي كفر اكبر
وطبعا كانت دايما بتروج انه المسلمين كفروا ابن سينا وابصر شو وطبعا كل اللي بقولوا بهالكلام بذكروش انه ابن سينا كان مؤمن بنظرية الفيض وقدم العالم عليم الله بتسوي هيك عشان تطلع حالها بصفة العالمة المش مؤلوفة الابصر شو
وبصراحة انا مقتنع انه هي وكل اللي بدافعوا عنها عارفين حالهم غلط بس لسا مكملين عشان في مصلحة من الموضوع او انه الموضوع نفسه حلو وخارج عن المالوف

ومن عجائب جماعة الطاقة برضو اني شفت وحدة لابسة تنورة قصيرة بتفسر قران😂وعليم الله بتفسره تفسير باطني عشان تجيب اللي بدها ياه من الاخر

طلع معاه هوية زرقاء
تبا للجنسية الضفاوية

حدا عمرو لاقى شيعي بفلسطين او الاردن يعني؟
انا لاقيت بس انه شيعي لايت هيك بس بادي بالغرض يعني عالقليلة مش متشيع عشان ايران🙂
الباقي بس بقعد يكتب رموز عقائدية زي ٣١٣ وابصر شو عاساس انه يعني صايد جو الشيعة وكلنا اخوة بالمقاومة وهو نولد وهو ماسك السلاح ولابس العمامة وبصيح يا حسين

عشان اصير افهم🙂
والصراحة حاب اعرف عن كثير اشياء
بس الموضوع بغلب
قررت اني اقرا من اللابتوب بس مستمريتش مستخسر اشتري كتاب وبالاخر مقراهوش
شو اسوي اترك الموضوع كلو لاني مش عارف استمر ولا عادي ممكن هيك البدايات وممكن اتحمس لقدام

قال قصفوا مسلحين بدهم يعملوا عملية مش عارف اصلا الواحد منين ديجيب سلاح هالايام

الياه افيف :
هدف الاغتيال هو القائد الجديد لكتيبة جنين، بعد أن تم اغتيال القائد السابق خلال عملية «السور الحديدي» في بداية الحرب.

الله يستر

قال قصفوا مسلحين بدهم يعملوا عملية مش عارف اصلا الواحد منين ديجيب سلاح هالايام

الياه افيف :
هدف الاغتيال هو القائد الجديد لكتيبة جنين، بعد أن تم اغتيال القائد السابق خلال عملية «السور الحديدي» في بداية الحرب.

الله يستر

تهجر بالنكبة من قريتو الاصلية وراح لمنطقة ثانية وردوا هجروا وراح لمنطقة ثانية وعاش فيها وخلف وهلا اليهود بدهم يهجروا ولادو🙂