تفتكر ايهم احسن بالنسبالك من حيث المعني
عندي تصميمان مختلفان لغلاف روايتي طابور الدهر. الفكرة الأساسية للرواية إن المصري عبر العصور واقف في نفس الطابور، والجمود هو الرسالة.
التصميم الأول (يسار)
الشخصيات متجهة ناحية اليسار. كل جيل واقف ورا اللي قبله. مفيش تقدم. المكان هو المكان. الوش واحد، والملابس بس اللي اتغيرت. الاتجاه لليسار في القراءة العربية معناه "الماضي"، وكأن الطابور بيتكشف قدام القارئ من أوله لآخره.
التصميم الثاني (يمين)
الشخصيات متجهة ناحية اليمين. كل جيل قدام اللي قبله، وكأن في تطور في الملابس. لكن الوش واحد، والعقل واحد. الاتجاه لليمين معناه "المستقبل"، لكن المستقبل هنا شكلي مش جوهري.
اللي محتار فيه
التصميم الأول أقوى في إيصال فكرة "الجمود" و"الطابور" اللي هو أساس الرواية.
لكن التصميم الثاني بيوصل فكرة "تطور الملابس" (زي ما ناس كتير اقترحت)
بالنسبة لرواية طابور الدهر اللي هدفها الأساسي نقد الثبات والجمود، ايه اللي تحسوه أنسب؟
