هل في حد هنا بيشتغل في مجال ال NFt وبيعمل ارقام كويسة؟ يدلني ع الطريق ينصحني نصيحة!
علشان أنا بقالي سنتين تقريبا في المجال بس تايه، انا بشوف ناس بتعمل ارقام كويس بس معرفش بيلاقوا المنتات دي فين ولا ازاي ولا بيمشوا الشغل ازاي
كنت مرتبطة بواحد وانا مراهقة المهم سيبنا بعض وفضل بعدها 5 سنين شغال في الازرق تهديد ومراقبة وزن لحد من سنتين كده عرفت انه خطب حمدت ربنا، بعدها بفترة قليلة لقيته بعتلي (مع العلم انه كان بيبعتلي بردو قبل ما يخطب بيومين بس مدققتش) المهم قالي انه فركش ونرجع وانا رفضت طبعا
بعدها بفترة قليلة قولت اديه فرصة كلمته وقلتله انا هحاول اديك فرصة (يمكن انا اللي مجنونة ولا حاجه) رحب جدا ومكنش مصدق قولتله بس لازم نشوف بعض بردو يمكن منرتاحش (احنا شوفنا بعض قبل كده بس كان فات سنين) يمكن انت يابن الحلال تشوفني قرد ونخلص.
نزلنا (كان يوم استغفر الله) بصوا مفيش حد غير البنات اللي هتفهم يعني ايه انك تمشي مع راجل فعلا، انا لو مشيت مع طفل بس متربي ع انه يكون راجل بحس اني ماشيه مع راجل بجد كنت مكسوفة اوي وهو كان تايه ميعرفش الاماكن ميعرفش نروح فين نيجي منين مشاني كتيرررر وانا عندت عشان اشوف تصرفاته هل سأل حد ع الطريق؟ لا. معرفش انا اتضايقت عشان مش طايقاه ولا عشان هو حوار يضايق المجمل اني محستش اني ماشيه مع راجل مسئول
طفحنا الحمدلله ووالله ما حسيت بطعم حاجه وقعد يتكلم ف القديم وانا كنت قاعدة عايزة حد يجيي يضيلني يروحني ومستغربة انا ازاي في يوم من الايام كنت بخاف منه وبخاف يعملي حاجه! وقولت اهو درس
ويشاء ربنا وانا قاعدة اني اكتشف انه لسه خاطب😭 عملت نفسي مخدتش بالي وروحت قولتله مرتاحتش وقطعنا.
بعدها بشهرين كتب الكتاب 😆 الحمدلله، قعدت اتساءل هو انا مفروض اكلم خطيبته اقولها حاجه وبعدين قولت لا مليش دعوة المهم انه بعد عني. بس لسه بيراقبني بردو وبيراقب اكونتات اهلي وبجد الرجالة ليه 😭😭
حد جرب حاجه ونفعت مع اخضرار الموستاچ؟ انا بعمل ليزر بس قبلها كنت بعمل شيڤ وحاليا بقا اخضر مش عارفه اعمل ايه 😭😭
لقيت صدفة صورة للرواية دي وحاسه ان الكتاب اللي في الصورة حجمه اكبر من اللي معايا
اللي معايا 557 صفحة
لو حد معاه نفس الرواية يقولي هي كام صفحة عشان ارضي فضولييي 🫠
بتشوفوا بوستات الفيسبوك اللي بتحذر البنات من انهم يحكوا اي حاجه عن اهلهم لجوزها او خطيبها وان ده هيخلي طريقته تتغير معاها؟ انا زمان اقتنعت بالرأي ده بس دلوقتي بشوف الموضوع من نظرة تانية لإن احنا ليه هنلوم الضحية هنا بردو؟! يعني لو انسان اهله كانوا وحشين معاه او عندهم مشاكل ليه ممكن ده يكون سبب انك تعايره مثلا؟
يعني انت كراجل تفضل تكون عارف ولا مش عارف وولو عرفت ده فعلا ممكن يغير نظرتك ليها؟
الفكرة دي خلتني اجل جواز لحد ما ابويا يموت عشان هو ده السبب الوحيد المقنع اللي ممكن ارد بيه على اي حد هيسألني عنه لأنه مش موجود من زمان وده بردو يدخلنا في نفس التساؤل الناس اللي اهلها انفصلوا هيتجوزوا ازاي ما المجتمع مصدرلهم ومفهم الناس ان مشاكلهم دي شيء يدعو للخزي! ف نروح نأجر أهل ولا ايه
وبشوف الخطاب ده موجه للبنات بس مع اني متأكدة ان في رجالة عايشين نفس الحوار بردو ف هل انت بردو تفضل انك متحكيش حاجه لو عندك اختيار؟
Every time I update the category, he updates it again from the beginning, so he doesn't save my last update
دلوقتي انا بشتري من سور الازبكية واو بداياتي في القراءة كنت اشتريت من ع الرصيف مكنتش اعرف مكتبات هل كده حرام مع العلم اغلب اللي بقرألهم ميتين اصلا وكمان اسعار الكتب هنا غالية جدا بشكل مبالغ فيه يعني وانا غير مقتدرة لدرجة اني ادفع المبالغ دي في كتاب كمان انا بحاول اشتري مستعمل بردو بس غالبا بردو بيكون كوبي البائع بيقنعني انه اصلي بس معتقدش